- 2019-02-03 02:26:20
- ព័ត៌មាន
ឡើងកូដគ្រប់ផ្នែក ខុសអ្វីតែទីផ្សារទូរសព្ទចល័ត LG បាត់ចំណូលរាប់រយលានឆ្នាំ ២០១៨
- 2019-02-03 02:26:20
- ចំនួនមតិ 0 | ចំនួនចែករំលែក 0
ឡើងកូដគ្រប់ផ្នែក ខុសអ្វីតែទីផ្សារទូរសព្ទចល័ត LG បាត់ចំណូលរាប់រយលានឆ្នាំ ២០១៨
ចន្លោះមិនឃើញ
LG នៅតែបន្តទទួលបានជោគជ័យក្នុងវិស័យបច្ចេកវិទ្យា ដោយរបាយការណ៍ចំណូលឆ្នាំចាស់ខ្លួនទទួលបាន ៥៤,៤ ពាន់លានដុល្លារ ខណៈប្រាក់ចំណេញសុទ្ធមាន ២,៤ ពាន់លានដុល្លារ កើនឡើង ១០ ភាគរយធៀបនឹងឆ្នាំ ២០១៧។ ប៉ុន្តែអ្វីដែលជាបញ្ហាប្រឈមគឺវិស័យឧស្សាហកម្មទូរសព្ទចល័តហាក់មានការធ្លាក់ចុះគួរឲ្យកត់សម្គាល់។
ផ្នែកទូរសព្ទចល័តរបស់ LG ទទួលបានចំណូលប្រមាណ ៧,០៨ ពាន់លានដុល្លារ ប៉ុន្តែប្រតិបត្តិការចំណូលមានការខាតបង់ប្រមាណ ៧០០ លានដុល្លារ ។ ក្នុងឆ្នាំ ២០១៩នេះនឹងទំនងជាមានការផ្លាស់ប្តូរ ដោយក្រុមហ៊ុនយក្សកូរ៉េខាងត្បូងនឹងពង្រឹងលើទីផ្សារស្មាតហ្វូនអាមេរិកខាងជើងនិងកូរ៉េដើម្បីរក្សាលំនឹងការលក់ ជាមួយការជំរុញពីប្រព័ន្ធ 5G នាពេលដ៏ខ្លីខាងមុខនេះ។
សម្រាប់ឧស្សាហកម្មរបស់ LG Home Entertainment ដែលទទួលបានការពេញនិយមខ្លាំងជាមួយទូរទស្សន៍ OLED TV និងប្រភេទអេក្រង់កម្រិត 4K ជួយឲ្យប្រាក់ចំណេញកើនដល់ ១,៣៥ ពាន់លានដុល្លារ ដូចទៅនឹង LG Home Appliance មានដូចជាទូទឹកកក និងម៉ាស៊ីនបោកសំលៀកបំពាក់ជាដើមក៏កើនប្រាក់ចំណេញក្នុងតួលេខដូចគ្នា។
ជាមួយគ្នានេះសម្រាប់ឧស្សាហកម្មផ្នែកគ្រឿងម៉ាស៊ីនរថយន្ត LG Vehicle Components ក៏ជួយឲ្យក្រុមហ៊ុនទទួលបាន ១,២៤ ពាន់លានដុល្លារ ក្រោយចំណាយ ១,១ ពាន់លានអឺរ៉ូកាលពីឆ្នាំ ២០១៧ ក្នុងការទិញភាគហ៊ុន ៧០ ភាគរយពីក្រុមហ៊ុន ZKW ដែលជាចំណាយធំបំផុតប្រចាំប្រវត្តិសាស្រ្តរបស់ខ្លួន។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
