- 2019-01-30 02:31:00
- គន្លឹះ
ចង់ដាក់ Google នៅលើទំព័រដើម Browser មិនពិបាកទេ
- 2019-01-30 02:31:00
- ចំនួនមតិ 0 | ចំនួនចែករំលែក 0
ចង់ដាក់ Google នៅលើទំព័រដើម Browser មិនពិបាកទេ
ចន្លោះមិនឃើញ
Search Engine របស់ Google មានការនិយមបំផុត ក្នុងការស្រាវជ្រាវចំណេះដឹងលើអ៊ីនធឺណិតពីបណ្តាលគេហទំព័រនានា។
ដើម្បីឲ្យកាន់តែងាយស្រួលប្រើប្រាស់ អាចកំណត់គេហទំព័រ Google.com ជាទំព័រដើមលើ Browser ប្រើបានទាំង Desktop និង Mobile។
Google Chrome
ចុចលើសញ្ញាចុចបីត្រួតគ្នានៅផ្នែកលើខាងស្តាំកម្មវិធី Browser > Settings > Appearance។ ចុចប៊ូតុងបើកក្បែរនឹងជម្រើស Show Home Button > ចុចយកប្រអប់មួយក្បែរប្រអប់អក្សរ រួចវាយបញ្ចូលពាក្យ www.google.com ហើយបិទបើកកម្មវិធីជាមួយទំព័រដើមថ្មី។
Microsoft Edge
ជ្រើសរើសយកសញ្ញាចុចបីតម្រៀបគ្នានៅផ្នែកលើខាងស្តាំកម្មវិធី Browser > Settings > ត្រង់ផ្នែក Open Microsoft Edge with ជ្រើសរើសយក A specific page or pages ហើយបញ្ចូលពាក្យ http://www.google.com នៅក្នុងប្រអប់ រួចចុចលើប៊ូតុង Save។
អ្នកក៏អាចឲ្យកម្មវិធី Edge បើកម្តង Tabs ពីរផងដែរ ដោយចុចលើ Add new page និងបញ្ចូលជម្រើសគេហទំព័រទីពីរ។
Internet Explorer
ចុចយកសញ្ញាមួយ (Small Gear icon) នៅផ្នែកលើខាងស្តាំកម្មវិធី Browser > Internet Options។ នៅក្រោម Tab ឈ្មោះ General អាចបន្ថែមទំព័រដើមថ្មីបានចូលទៅប្រអប់នៅផ្នែកខាងលើ។ លុបចោលអ្វីក្នុងនោះ និងបញ្ចូល http://www.google.com ហើយចុចយក OK។ អាចបិទ និងបើកកម្មវិធីនឹងឃើញទំព័រដើមថ្មីនេះ។
Firefox
ចុចលើសញ្ញាបន្ទាត់ត្រួតគ្នាបី នៅផ្នែកលើខាងស្តាំ > Options > Home > នៅក្រោមផ្នែក Homepage and new windows ចុចយក Custom URLs ហើយបញ្ចូលពាក្យ http://www.google.com ដើម្បីធ្វើជាទំព័រដើម។
Safari
ចុចយកជម្រើស Safari > Preferences > General > នៅត្រង់ផ្នែក Homepage វាយបញ្ចូលពាក្យ www.google.com ហើយចុច Enter។
Android
ចំពោះកម្មវិធី Chrome ចុចលើ More > Settings > Homepage បើកជម្រើសនេះ និងបញ្ចូលពាក្យ http://www.google.com រួចចុច Save។
ចំពោះកម្មវិធី Firefox ចុចលើ More > Settings > General > Home > Set a Homepage > Custom ហើយបញ្ចូលពាក្យ http://www.google.com។
iOS
iPhone មិនអាចកំណត់ទំព័រដើមបានទេ មិនថា Safari ឬ Browser ផ្សេង ដូចជា Chrome។ ប៉ុន្តែអាចបង្កើតជា Shortcut បង្ហាញលើបញ្ជីកម្មវិធីងាយស្រួលប្រើបាន។
បើចូលគេហទំព័រ Google.com លើ Safari។ នៅផ្នែកខាងក្រោម ចុចយក icon សញ្ញាព្រួញតម្រង់ទៅលើ > Add to Home Screen។ ពេលត្រូវការ អាចចុចលើ icon កម្មវិធីភ្ជាប់ជាមួយទំព័រដើមបាន៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ