ទិន្នន័យថ្មី! IT នៅអាស៊ីបានប្រាក់ខែច្រើនជាង IT នៅអឺរ៉ុប

2019-01-22 07:00:10
ព័ត៌មាន

2019-01-22 07:00:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Software របស់សហរដ្ឋអាមេរិកមួយឈ្មោះ Puppet បានធ្វើការស្ទង់មតិជាមួយ IT ជំនាញចំនួន ៣ ពាន់រូបនៅជុំវិញពិភពលោក ដោយបានរកឃើញថាប្រាក់ចំណូល IT នៅអាស៊ី នាំមុខ IT នៅអឺរ៉ុបក្នុងកាលពីឆ្នាំ ២០១៨។

អ្នកកាន់តំណែងធំៗផ្នែក IT នៅអាស៊ីអាចរកចំណូលបានជាមធ្យម ៧៥ ០០០ ទៅ ១០០ ០០០ ដុល្លារ ក្នុងមួយឆ្នាំ កាលពីឆ្នាំមុន ធៀបនឹងនៅអឺរ៉ុបរកចំណូលប្រចាំឆ្នាំបានជាមធ្យម ៥០ ០០០ ទៅ ៧៥ ០០០ ដុល្លារ ។

ការប្រែប្រួលនេះដោយសារតែមានការដំឡើងចំណូលអ្នក IT នៅក្នុងប្រទេសសិង្ហបុរី និងនៅជប៉ុន ជាប្រទេសអភិវឌ្ឍន៍ដ៏ខ្លាំងក្លា ដែលចង់ឲ្យវិស័យ IT របស់ខ្លួនកាន់តែលេចធ្លោលើឆាកអន្តរជាតិ។

កាលពីឆ្នាំ ២០១៧ លទ្ធផលពីការស្ទង់មតិរបស់ Puppet បានបង្ហាញថា ៥០% នៃអ្នក IT នៅអាស៊ីរកចំណូលបានតិចជាង ២៥ ០០០ ដុល្លារ ខណៈនៅឆ្នាំ ២០១៨ មានប្រមាណ ២០% ប៉ុណ្ណោះដែលរកចំណូលបានខ្ទង់ប៉ុណ្ណេះ។ ជាងនេះទៅទៀត នៅឆ្នាំ ២០១៧ មាន ១០% ប៉ុណ្ណោះដែលរកចំណូល ១០០ ០០០ ដុល្លារ ប៉ុន្តែនៅឆ្នាំ ២០១៨ បានកើនដល់ ៣០%។

ត្បិតថាចំណូលអ្នក IT នៅអាស៊ីមានការកើនឡើង ប៉ុន្តែអ្នក IT នៅសហរដ្ឋអាមេរិកនៅតែមានចំណូលនាំមុខគេប្រចាំឆ្នាំ ២០១៨ ដោយជាមធ្យមរកបាន ១០០ ០០០ ទៅ ១២៥ ០០០ ដុល្លារ ក្នុងមួយឆ្នាំ៕

ចុចអាន៖

ប្រភព៖ CNBC ប្រែសម្រួល៖ សុខហេង