- 2019-01-10 12:41:00
- ព័ត៌មាន
កប់ខ្លាំងបាត់ ករណីលែងលះ រវាងមេធំ Amazon និងភរិយា រាប់បញ្ចូលជាការលែងលះមានតម្លៃថ្លៃបំផុតក្នុងលោក!
- 2019-01-10 12:41:00
- ចំនួនមតិ 0 | ចំនួនចែករំលែក 0
កប់ខ្លាំងបាត់ ករណីលែងលះ រវាងមេធំ Amazon និងភរិយា រាប់បញ្ចូលជាការលែងលះមានតម្លៃថ្លៃបំផុតក្នុងលោក!
ចន្លោះមិនឃើញ
ការលែងលះគ្នារវាងលោក Jeff Bezos និងភរិយាអ្នកស្រី Mackenzie នឹងរាប់បញ្ចូលជាការលែងលះដែលមានតម្លៃថ្លៃបំផុតក្នុងប្រវត្តិសាស្ត្រពិភពលោក។ មហាសេដ្ឋីលំដាប់កំពូលលោក Bezos បានប្រកាសសារចែកផ្លូវជាមួយភរិយានៅលើបណ្ដាញសង្គម Twitter នាថ្ងៃពុធ ក្រោយចំណាយពេលរួមរស់ជាមួយគ្នាអស់រយៈពេល ២៥ ឆ្នាំ។
យ៉ាងណាមិញផ្អែកតាមច្បាប់ដែលបានចែងសម្រាប់ទ្រព្យសម្បត្តិ ១៣៧ ពាន់លានដុល្លារ ដែលបុរសវ័យ ៥៤ ឆ្នាំរូបនេះកំពុងកាន់កាប់ក៏នឹងត្រូវធ្វើការបែងចែកជាពីរដោយស្មើភាពគ្នាជាមួយភរិយាអ្នកស្រី MacKenzie។ អ្នកទាំងពីរបានរៀបអាពាហ៍ពិពាហ៍ក្រោយរយៈពេលមួយឆ្នាំ នៃការបង្កើតឡើងនូវក្រុមហ៊ុន Amazon បែបនេះមានន័យថាទ្រព្យដែលចាប់ផ្តើមក្រោយរៀបការសុទ្ធសឹងរាប់បញ្ចូលជាទ្រព្យរួម ជាកត្តាជំរុញឲ្យអ្នកស្រី MacKenzie អាចមានសិទ្ធិទទួលបានទ្រព្យសម្បត្តិប្រមាណ ៦៦ ពាន់លានដុល្លារអាមេរិក ។
ដើម្បីទូទាត់ការសងថ្លៃចំណាយនេះបាន Bezos ចាំបាច់ត្រូវលក់ចេញភាគហ៊ុនមួយចំនួន ដែលជាហេតុអាចបង្កផលប៉ះពាល់ក្នុងការបាត់បង់ភាពជាម្ចាស់កម្មសិទ្ធិ និងការគ្រប់គ្រងក្រុមហ៊ុនទាំងមូល។ ខណៈដែលសព្វថ្ងៃលោកមានភាគហ៊ុនតែប្រមាណ ៨០ លានហ៊ុន នៃ Amazon ឬស្មើនឹងតួលេខទាបជាង ១៦ ភាគរយ នៃភាគហ៊ុនសរុប។
ប៉ុន្តែតាមមេធាវីលែងលះក្តីលោក Jeffrey Fisher បង្ហើបថាអ្នកស្រី MacKenzie គឺមិនចង់ឲ្យមានការប៉ះពាល់ដល់ភាពជាម្ចាស់កម្មសិទ្ធិនៃការគ្រប់គ្រង Amazon បែបនេះនឹងមិនអនុញ្ញាតឲ្យអតីតស្វាមីលោក Bezos លក់ចេញភាគហ៊ុនណាមួយនោះឡើយ ពោលគឺចង់បន្តឃើញទ្រព្យសម្បត្តិនៃក្រុមហ៊ុនទាំងមូលបន្តកើនឡើងទៅមុខទៀត ដូច្នេះហើយនឹងរង់ចាំមើលដំណោះស្រាយណាមួយផ្សេងទៀតក្នុងពេលខាងមុខ។
បញ្ជាក់ថានៅសហរដ្ឋអាមេរិកការលែងលះមានតម្លៃថ្លៃបំផុតធ្លាប់កើតឡើងម្តងរវាងគូស្វាមីភរិយាលោក Steve និង Elaine Wynn នាឆ្នាំ ២០១០ មានតម្លៃប្រមាណ ១ ពាន់លានដុល្លារ និងសហគ្រិនលោក Harold Hamm ថ្លៃប្រមាណ ៩៧៤,៨ លានដុល្លារនាឆ្នាំ ២០១៥។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: