ហេតុអ្វី YouTube លុបចោលវីដេអូចំនួន៥៨លាននិងComments២២៤លាន?

2018-12-30 02:47:53
ព័ត៌មាន

2018-12-30 02:47:53
ចំនួនមតិ 0 | ចំនួនចែករំលែក 0

ចន្លោះមិនឃើញ

YouTube ជាវិបសាយធំមួយក្នុងពិភពលោកនេះដែលផ្ទុក និងផ្សាយអំពីវីដេអូ កាលថ្មីៗនេះបានសម្រេចលុបចោលវីដេអូជាង៥៨លាន និង មតិយោបល់ (Comments) ២២៤លាន។

តាមសេចក្តីរាយការណ៍របស់ Business Insider បានឲ្យដឹងថា នៅត្រីមាសទី៣នៃឆ្នាំ២០១៨នេះ YouTube វីដេអូ និង Comments ទាំងនោះត្រូវបានលុបចោលគឺដោយសារខុសគោលការណ៍របស់ខ្លួន។

រូបភាពបង្ហាញពីការលុបចោល

ការបង្ខំឲ្យគោរព និងអនុវត្តតាមគោលការណ៍ទាំងនេះត្រូវបានគេនិយាយថា ដោយសារទាំង YouTube និងបណ្តាញទំនាក់ទំនងសង្គមផ្សេងទៀតបានទទួលគំនាបពីរដ្ឋាភិបាលឲ្យលុបចេញនូវមាតិកាទាំងឡាយណាដែលមានខ្លឹមសារជ្រុលនិយម។ ពិតណាស់ សហភាពអឺរ៉ុបបានចាត់វិធានការដាក់ពិន័យលើបណ្តាញទំនាក់ទំនងសង្គម ឬវិបសាយណាដែលមិនលុបចោលវីដេអូ និង Comments ដែលមានខ្លឹមសារជ្រុលនិយម។

YouTube បានចេញរបាយការណ៍រាល់៣ខែម្តងអំពីការខិតខំប្រឹងប្រែងរបស់ខ្លួនដើម្បីលុបបំបាត់រាល់មាតិកាទាំងឡាយណាដែលខុសនឹងគោលការណ៍។ ជាក់ស្តែង វីដេអូដែលមានបញ្ហាច្រើនបំផុតគឺ Spam ហើយបញ្ហាភាគច្រើនត្រូវបានស្វែងរកឃើញតាមរយៈការប្រើប្រាស់ឧបករណ៍ស៊ើបរកដោយស្វ័យប្រវត្តិ។

កាលពីខែកញ្ញាកន្លងទៅ ៩០ភាគរយនៃវីដេអូលុបចោលគឺមាន views តិចជាង១០ដងប៉ុណ្ណោះ។ វីដេអូចំនួន១០ ៤០០ត្រូវបានលុបចោលដោយមានខ្លឹមសារជ្រុលនិយម ហើយវីដេអូ ២៧៩ ៦០០ទៀតលុបចោលដោយសារប៉ះពាល់ដល់សុវត្ថិភាពកុមារ៕

ប្រភព៖ Therichest ប្រែសម្រួល៖ ជាន ចាន់រ៉ា