ប្រេងម៉ាស៊ីនដូរញឹកញាប់ដែរ តែអត់ដឹងហេតុអីបានត្រូវដូរ? ទាំងនេះជាមូលហេតុ

2018-12-26 03:07:13
ចំណេះដឹង

2018-12-26 03:07:13
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រើប្រាស់យានយន្តទាំងរថយន្ត និងម៉ូតូ តែងតម្រូវឲ្យផ្លាស់ប្ដូរប្រេងម៉ាស៊ីនជាប្រចាំ បើមិនដូច្នោះ វាអាចធ្វើឲ្យម៉ាស៊ីនលាន់សំឡេង ឬក្នុងដំណាក់ការធ្ងន់ធ្ងរ ម៉ាស៊ីនអាចមិនដំណើរការតែម្ដង។

ពាក់ព័ន្ធរឿងនេះ លោក អឹក វណ្ណៈ ទទួលបន្ទុកផ្នែកបច្ចេកទេស Toyota កម្ពុជា បានលើកឧទាហរណ៍ពីគ្រឿងម៉ាស៊ីនរថយន្តមកពន្យល់ថា ប្រេងម៉ាស៊ីនត្រូវធ្វើដំណើរពីកាទែ ទៅតួម៉ាស៊ីន ដោយត្រូវសាចទៅលើប្រព័ន្ធធ្វើចលនាជាច្រើនរួមមាន វិឡឺប្រឺកាំង ឡាបឡាកាម និងគ្រឿងច្រើនទៀត។ ហើយប្រសិនប្រព័ន្ធទាំងនោះមិនមានប្រេងរំអិលទេ វានឹងបណ្ដាលឲ្យមានសំណឹក ធ្វើឲ្យមានចន្លោះ ដែលអាចបង្កសំឡេងលាន់ខុសធម្មតា ឬករណីខ្លះ អាចធ្វើឲ្យរលត់ម៉ាស៊ីនតែម្ដង។

លោកបានបន្ថែមទៀតថា តួនាទីរបស់ប្រេងម៉ាស៊ីន គឺជួយឲ្យដំណើរការរបស់ម៉ាស៊ីនបានល្អ មិនមានសំឡេងលាន់ស្នូរខ្លាំង និងជួយកាត់បន្ថយការស៊ីសាំងផងដែរ។ ផ្ទុយទៅវិញបើអ្នកមិនបានផ្លាស់ប្ដូរប្រេងតាមការកំណត់ទេ វានឹងធ្វើឲ្យប្រេងចុះថយគុណភាព ខ្វះជាតិរអិល បណ្ដាលឲ្យដំណើរការរបស់ម៉ាស៊ីនមិនស្រួល មានសំឡេងលាន់ស្នូរខុសធម្មតា ព្រមទាំងជះឥទ្ធិពលឲ្យស៊ីសាំងខុសធម្មតា និងកាត់បន្ថយអាយុកាលនៃការប្រើប្រាស់ម៉ាស៊ីនផងដែរ។

ដូចនេះដោយយោងទៅតាមស្ថានភាព និងលក្ខខណ្ឌនៅកម្ពុជា ក្រុមហ៊ុន តូយ៉ូតា បានណែនាំឲ្យយករថយន្តទៅទទួលសេវាកម្មថែទាំ (ប្ដូរប្រេង និងពិនិត្យប្រព័ន្ធសុវត្ថិភាព) ឲ្យបានទៀងទាត់រៀងរាល់ ៣ ខែ ឬ ៥ ០០០ គីឡូម៉ែត្រ ដើម្បីឲ្យម៉ាស៊ីនដំណើរល្អ ប្រើប្រាស់បានយូរ និងសុខសុវត្ថិភាពរាល់ការធ្វើដំណើរ។

ដើម្បីធានាថាការប្រើប្រាស់ប្រេងម៉ាស៊ីនអ្នកបានត្រឹមត្រូវល្អ ក្រុមហ៊ុន Toyota ក៏មានប្រូម៉ូសិនពិសេសដល់អ្នកប្រើប្រាស់រថយន្ត Lexus និង Toyota ទាំងអស់មិនថាថ្មី ឬមួយទឹក គឺ The Mystery Service Box ដែលផ្ដល់ការបញ្ចុះតម្លៃចាប់ពី ៥-៣០% លើសេវាកម្មថែទាំរថយន្ត (ប្ដូរប្រេង) ព្រមជាមួយការបញ្ចុះតម្លៃ ១០% លើការផ្លាស់ប្ដូរគ្រឿងបន្លាស់សុទ្ធ ១០០% សម្រាប់សេវាកម្មជួសជុលទូទៅ តោន និងបាញ់ថ្នាំ។

ដោយឡែកនៅពេលអ្នកមកធ្វើសេវាកម្មថែទាំរថយន្ត (ប្ដូរប្រេង) អ្នកក៏ទទួលបានការពិនិត្យលើប្រព័ន្ធសុវត្ថិភាពឡានដល់ទៅជាង ៣០ចំណុច ដោយឥតគិតថ្លៃ។