- 2018-12-20 11:34:59
- ចំណេះដឹង
ប្រយ័ត្នឲ្យមែនទែន! ល្បិចថ្មីធ្វើស៊ីគណនី Apple ID អ្នកប្រើ iOS មួយពព្រិចភ្នែក
- 2018-12-20 11:34:59
- ចំនួនមតិ 0 | ចំនួនចែករំលែក 0
ប្រយ័ត្នឲ្យមែនទែន! ល្បិចថ្មីធ្វើស៊ីគណនី Apple ID អ្នកប្រើ iOS មួយពព្រិចភ្នែក
ចន្លោះមិនឃើញ
ជនខិលខូចបានព្យាយាមរកគ្រាប់មធ្យោបាយដើម្បីងាយស្រួលក្នុងការទាញយកព័ត៌មានសម្ងាត់របស់អ្នកប្រើប្រាស់ ក្នុងគោលដៅទុកជាការគំរាមកំហែងឬចែកចាយដោយគ្មានការអនុញ្ញាតណាមួយ។ ល្បិចវាយប្រហារថ្មីកំពុងកើតឡើងលើអ្នកប្រើប្រាស់ឧបករណ៍ Apple ជាច្រើន តាមរយៈការផ្ញើចូលទៅកាន់ Email នូវសារក្លែងក្លាយ ដើម្បីបន្លំយកទិន្នន័យសម្ងាត់។ នេះបើតាមការចាប់បានពី Bleeping Computer។
+ដំណើរការនៃការក្លែងបន្លំ:
គោលដៅរបស់ក្រុមខិលខូចចង់ទទួលបានព័ត៌មានឯកជនទាក់ទងនឹង Apple ID របស់អ្នក ដោយធ្វើពុតជាសារបង្កើតចេញដោយ Apple ហើយផ្ញើចូល Email អ្នក ដើម្បីបង្កើតទំនុកចិត្តជាមុន មុនអ្នកត្រូវធ្លាក់ចូលអន្ទាក់របស់ពួកគេ។
ល្បិចកលនេះបានក្រើនរំលឹកទៅកាន់អ្នកប្រើប្រាស់ឧបករណ៍ Apple ណាម្នាក់ ថាអ្នកនោះបានធ្វើការបញ្ជាទិញអ្វីមួយខុសទំនងចេញពី App Store។
ដោយក្នុងសារដែលផ្ញើមកនោះ អ្នកនឹងទទួលបាននូវវិក្កយបត្រក្លែងក្លាយ នៃការទិញ (In-App Purchase) លើហ្គេម 8 Ball Pool ដោយចំណាយលើថ្លៃកាក់អស់លុយសុទ្ធ ៣០,៩៩ ដុល្លារ។ ជាងនេះទៅទៀតក្រុមខិលខូចបានបង្កើត Link ដើម្បីឲ្យអ្នកចុចចូល ប្រសិនចង់ទទួលបានការសងប្រាក់ត្រលប់មកវិញ។
នៅពេលដែលអ្នកចុចទៅកាន់លីងនោះ នឹងមានការទាមទារឲ្យបញ្ចូល Apple ID និង Password ប៉ុន្តែបើវាយមិនត្រឹមត្រូវប៉ុន្មានដង វានឹងលោតសារ Lock ហើយទាមទារឲ្យអ្នក Unlock ដោយការបំពេញព័ត៌មានច្បាស់ការទាក់ទងនឹងឈ្មោះ អាសយដ្ឋាន លេខទូរសព្ទ ឬលេខសម្ងាត់ណាមួយផ្សេងទៀត។ ចំណុចនេះហើយដែលអ្នកចាំបាច់ត្រូវបញ្ឈប់ និងជៀសវាងការអនុវត្តតាមទៅមុខទៀត។
+គន្លឹះដើម្បីបញ្ចៀសការបោកបញ្ឆោតនេះ:
កុំប្រញាប់ចុចតាម Link ណាមួយដែលមានផ្ញើចូល Email របស់អ្នក បើមិនចាំបាច់សូមធ្វើការលុបចោលតែម្តង
លម្អិតព័ត៌មានដោយផ្ទាល់ទៅកាន់គេហទំព័រ Apple.com ដើម្បីត្រួតពិនិត្យមើលពីការចំណាយណាមួយ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: