សាហាវហួស! មានអេក្រង់ AMOLED ពីរ ហើយ RAM ទំហំដល់ ១០ GB

2018-12-12 03:02:59
ផលិតផលថ្មី

2018-12-12 03:02:59
ចំនួនមតិ 0 | ចំនួនចែករំលែក 0

ចន្លោះមិនឃើញ

NEX Dual Display Edition គឺជាស្មាតហ្វូនចុងក្រោយមួយរបស់ក្រុមហ៊ុន Vivo ដោយគ្រាន់តែអានឈ្មោះអាចដឹងបានថាស្មាតហ្វូននេះមានបំពាក់អេក្រង់ដល់ទៅ ២ ឯណោះ មុខមួយ ក្រោយមួយ។

អេក្រង់មេនៅខាងមុខមានទំហំ ៦,៣៩ អ៊ីញ ជាប្រភេទ Super AMOLED ដែលអាចបង្ហាញរូបភាពក្នុងកម្រិត ១០៨០ x ២៣៤០ ភីកសែល។ អេក្រង់ខាងក្រោយក៏ជាប្រភេទ Super AMOLED ដែរ ប៉ុន្តែមានទំហំត្រឹម ៥,៤៩ អ៊ីញ ដែលអាចបង្ហាញរូបក្នុងកម្រិត ១០៨០ x ១៩២០ ភីកសែល។

ខាងក្នុង NEX Dual Display Edition នេះមានបំពាក់ដោយបន្ទះឈីប Snapdragon 845 អមដោយ RAM ទំហំ ១០ GB និងមានអង្គផ្ទុកទិន្នន័យក្នុងម៉ាស៊ីនទំហំ ១២៨ GB ដោយគ្មានរន្ធសម្រាប់ដោតមេមូរីកាតនោះទេ។

ផ្នែកខាងមុខរបស់ស្មាតហ្វូននេះមិនមានបំពាក់កាមេរ៉ា Selfie នោះទេ ប៉ុន្តែនៅខាងក្រោយមានបំពាក់កាមេរ៉ារហូតដល់ ៣ គ្រាប់។ កាមេរ៉ាមេមានកម្រិត ១២ MP, កាមេរ៉ាទីពីរកម្រិត ២ MP សម្រាប់វាស់ជម្រៅរូបភាព និងកាមេរ៉ាទីបីជំនួយដល់ការស្កេនមុខដើម្បីដោះសោ។

មិនចង់ប្រើស្កេនមុខ អ្នកប្រើប្រាស់មានជម្រើសប្រើប្រាស់ទ្រនាប់ស្កេនម្រាមដៃ ដែលបង្កប់លើផ្ទៃអេក្រង់ខាងមុខផ្ទាល់។ ថាមពលថ្មរបស់ NEX នេះមានទំហំ ៣៥០០ mAh អាចសាកថ្មឆាប់ពេញ និងដំណើរការដោយ Android 9.0 Pie។

NEX Dual Display Edition បើកទទួលការកុម្ម៉ង់ទិញនៅប្រទេសចាប់ពីពេលនេះ ដែលនឹងចេញលក់នៅថ្ងៃទី ២៩ ខែធ្នូខាងមុខ ជាមួយតម្លៃប្រមាណ ៧២០ ដុល្លារ។ យ៉ាងណាក្ដីការកុម្ម៉ង់ទិញក្រៅទឹកដីប្រទេសចិន អាចនឹងចាប់ផ្ដើមឆាប់ៗនេះ៕

ចុចអាន៖

ប្រភព៖ GSMarena ប្រែសម្រួល៖ សុខហេង