ទូរសព្ទចាស់ៗដើរយឺត មានវិធីដោះស្រាយ សាកសិននឹងដឹងលទ្ធផលភ្លាមៗ

2018-12-06 03:04:13
ចំណេះដឹង

2018-12-06 03:04:13
ចំនួនមតិ 0 | ចំនួនចែករំលែក 0

ចន្លោះមិនឃើញ

បើប្រើស្មាតហ្វូនដដែលច្រើនឆ្នាំ នឹងសម្គាល់ឃើញថាដំណើរការមានសភាពយឺតជាងធម្មតា។ ពាក់ព័ន្ធនឹងការថមថយល្បឿននេះ មានចំណុចច្រើនទាក់ទង ទាំង Hardware និង Software។

កំណែទម្រង់ប្រព័ន្ធប្រតិបត្តិថ្មី

ប្រព័ន្ធប្រតិបត្តិការមានការកែប្រែជាបន្តបន្ទាប់ ហើយមានការណែនាំ ឲ្យទាញយកប្រើប្រាស់ចំពោះជំនាន់ថ្មី ក្រោមហេតុផលអាចជួយដោះស្រាយបញ្ហា និងបន្ថែមមុខងារថ្មីៗទៅលើប្រព័ន្ធ។

Hardware ស្មាតហ្វូនមានការប្រែប្រួលពីមួយឆ្នាំទៅមួយឆ្នាំ ហើយជំនាន់ OS ថ្មីផ្ដោតលើភាពរីកចម្រើនទៅតាមសមត្ថភាព Hardware ទាំងនោះ។ នេះជាហេតុផល ជំនាន់ថ្មី តម្រូវការប្រើថាមពល និងមេម៉ូរីកាន់តែច្រើន។ ជំនាន់ចុងក្រោយល្អ ប៉ុន្តែមិនសម្រាប់ឧបករណ៍ចាស់ពេកនោះទេ។

ដំណើរការនៅ Background

ស្មាតហ្វូនចេញពីប្រអប់ មានបណ្ដុំកម្មវិធីជាច្រើន។ យូរៗទៅ កម្មវិធីនឹងកើនឡើងតាមតម្រូវការអ្នកប្រើប្រាស់ ហើយកម្មវិធីមួយចំនួននឹងចាប់ផ្តើមដំណើរការ ពេលឧបករណ៍បើកប្រព័ន្ធ។ ហើយក៏អាចបន្តដំណើរការនៅ Background។

ដំណើរការជាច្រើននៅ Background មានឥទ្ធិពលធំមួយលើល្បឿនដំណើរការរបស់ទូរសព្ទ ហើយជាលទ្ធផល ទូរសព្ទនឹងដំណើរការយឺត។ លើទូរសព្ទ Android មានដូចជា Live Wallpapers និង Widgets ប្រើ CPU ច្រើន ដែលធ្វើឲ្យទូរសព្ទយឺត។ បើមានច្រើនលើឧបករណ៍ចាស់ គួរលុបចោលតាមដែលអាចទៅរួច។ ទុកកម្មវិធីចាំបាច់ប្រើ លុបចោលកម្មវិធីលែងប្រើ និងបិទបើកឧបករណ៍ពីរបីថ្ងៃម្តង។

កម្មវិធី

ដូចនឹងការអាប់ដេតប្រព័ន្ធប្រតិបត្តិការដែរ កម្មវិធីកាន់តែល្អប្រសើរ ទំហំកាន់តែធំ សម្របខ្លួនតាម Hardware ជំនាន់ថ្មី។ បើធ្វើការអាប់ដេត ប្រហែលសម្គាល់ឃើញមានដំណើរការយឺតជាងមុន។ នេះដោយសារមានការប្រើ RAM និងថាមពលថ្មកាន់តែច្រើន។ ទំហំកម្មវិធីនាពេលបច្ចុប្បន្ន ធំៗជាងកាលពី ១ ឬ ២ ឆ្នាំមុន។ ការអាប់ដេតកម្មវិធី មិនសូវជាល្អប៉ុន្មាននោះទេ ដល់ឧបករណ៍ចាស់។

ទំហំ Storage កើនឡើង

Storage ទូរសព្ទជិតពេញ នឹងប៉ះពាល់ដល់ល្បឿនដំណើរការ។ អាចពិនិត្យមើល Storage Space លើទូរសព្ទបាន ដោយលើ iPhone ចូលទៅកាន់ Settings > General > Storage and iCloud usage > Manage Storage។ ត្រង់នោះ នឹងឃើញបញ្ជីកម្មវិធី មានលើ iPhone រួមទាំងព័ត៌មានពីចំនួន Storage ដែលកម្មវិធីប្រើប្រាស់ ចុចលើកម្មវិធី ដើម្បីមើលទិន្នន័យលម្អិត។

បើមានទូរសព្ទ Android ចូលទៅកាន់ Settings > Storage។ ត្រង់នោះ នឹងឃើញពីអ្វីកំពុងប្រើ Storage Space លើទូរសព្ទ។

អាចលុប ឬយ៉ាងណា ទៅតាមទិដ្ឋភាពជាក់ស្តែង ផ្អែកលើព័ត៌មានប្រើប្រាស់ទំហំ Storage ដោយកម្មវិធីទាំងនោះ៕