ចង់ដឹង វេបសាយណាធ្វើឲ្យកុំព្យូទ័រយឺតលើ Google Chrome អាចមើលតាមប៉ុន្មានចំណុចនេះ

2018-12-05 22:46:00
ចំណេះដឹង

2018-12-05 22:46:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នរណាក៏លាន់មាត់ដែរ ពេលបើក Google Chrome ជាពិសេសបើក Tab ច្រើន សុទ្ធតែពាក់ព័ន្ធនឹងដំណើរការយឺតរបស់កុំព្យូទ័រ។ Tab ច្រើន ចំណាយ RAM ច្រើន ខណៈ Extensions ច្រើនអាចចំណាយដល់ Processor កុំព្យូទ័រ។

Task Manager លើម៉ាស៊ីន Windows និង Activity Monitor លើ Mac អាចមើលពីដំណើរការ Process នានាថាពិតជា Chrome មែនឬទេ ធ្វើឲ្យកុំព្យូទ័រយឺត។

ឬ ក្នុងកម្មវិធី Chrome ចុចលើប៊ូតុងសញ្ញាចុចបីគ្រាប់ ផ្នែកស្តាំខាងលើផ្ទាំង Chrome > More Tools > Task Manager។

Chrome Task Manager បង្ហាញច្បាស់ៗ ពីអ្វីកំពុងប្រើ RAM និង CPU ដែលជាផ្នែកធំបំផុតទាំងពីរ ធ្វើឲ្យម៉ាស៊ីនដំណើរការយឺត។

បើកុំព្យូទ័រក្តៅ ហើយលឺសំឡេងកង្ហារវិលខ្លាំង មានន័យថា CPU មានការប្រើខ្លាំង។

ចុចលើ CPU tab នៅផ្នែកខាងលើ ដើម្បីតម្រៀបពីកម្រិតប្រើប្រាស់ CPU។ ត្រង់នេះ វីដេអូ YouTube 4K ប្រើ CPU ខ្លាំង។ វីដេអូកម្រិត 1080p HD មិនសូវប្រើ CPU ខ្លាំងនោះទេ។

អាចធ្វើការបញ្ឈប់ ឬបិទ Chrome Tab ណាមិនប្រើបាន បើករណី CPU ប្រឹងធ្វើការច្រើន ដោយចុចលើ End Process នៅផ្នែកក្រោមខាងស្តាំនៃ Chrome Task Manager។

Chrome Extension ក៏មានការប្រើ CPU ច្រើនដែរ អាចបញ្ឈប់ Extension តាមវិធីដូចគ្នា នឹងការបញ្ឈប់ Chrome Tab ដែរ។ ប៉ុន្តែល្អបំផុតចូលទៅកាន់ Chrome Extension និងបិទ ឬលុបចោលបាន បើមិនប្រើ ដោយចូលទៅកាន់ Chrome Settings > More Tools > Extensions។

ករណីកាន់តែអាក្រក់ បើមានមេរោគដំឡើងលើ Chrome កុំព្យូទ័រនឹងប្រើចំណែក CPU ច្រើន។ ដូចនេះ ត្រូវការប្រើកម្មវិធីកម្ចាត់មេរោគ។

បើកុំព្យូទ័រត្រឹមយឺតជាងធម្មតា នេះអាចមកពីមាន Chrome Tab ចំណាយ RAM ច្រើន

Chrome ត្រូវការរក្សារាល់ Tab និងវេបសាយ មានអក្សរ រូបភាព វីដេអូ និងពាណិជ្ជកម្ម ក្នុង RAM របស់កុំព្យូទ័រ ងាយស្រួលដល់ការប្រើប្រាស់។

ចង់ដឹងពីចំនួន RAM ដែល Process Chrome កំពុងប្រើ ចុចលើ Memory Footprint Tab។ ត្រង់នោះ នឹងឃើញ Tab វេបសាយ ឬ Extension កំពុងប្រើ RAM ច្រើន ហើយអាចបិទ Tab ឬ Extension តាមជាក់ស្តែង។ អាចធ្វើការបិទ Tab ដោយចុចលើប៊ូតុង End Task ផ្នែកក្រោមខាងស្តាំនៃ Chrome Task Manager។

បើចង់ប្រើ Tabs ច្រើនធ្វើការងារដំណាលគ្នា អាចបន្ថែម RAM ឬសាកប្រើ Browser របស់ប្រព័ន្ធប្រតិបត្តិការតែម្តង ដូចជា Edge របស់ Microsoft សម្រាប់ Windows និង Safari របស់ Apple លើ macOS៕