- 2018-11-26 08:14:53
- ព័ត៌មាន
ចិនអះអាងថាបង្កើតបានទារក ដែលមានកែហ្សែនដំបូងក្នុងលោក
- 2018-11-26 08:14:53
- ចំនួនមតិ 0 | ចំនួនចែករំលែក 0
ចិនអះអាងថាបង្កើតបានទារក ដែលមានកែហ្សែនដំបូងក្នុងលោក
ចន្លោះមិនឃើញ
អ្នកវិទ្យាសាស្ត្រចិនមួយក្រុមអះអាងថាបានប្រើប្រាស់នូវបច្ចេកវិទ្យា CRISPR ដើម្បីកែច្នៃហ្សែន (ពូជ) របស់មនុស្ស និងបង្កើតបានកូនភ្លោះស្រីមានសុខភាពល្អ ដែលមានឈ្មោះថា Lulu និង Nana។
ទារកមួយគូនេះត្រូវបានអ្នកវិទ្យាសាស្ត្រចិន និយាយថាជាមនុស្សលោកដំបូងដែលទទួលបានការកែប្រែហ្សែន។ ការស្រាវជ្រាវនេះត្រូវបានចុះផ្សាយដោយវិបសាយបច្ចេកវិទ្យា MIT's Technology Review ដោយបានផ្សារភ្ជាប់ជាមួយឯកសារវិជ្ជាពេទ្យរបស់ចិនក្នុងអង្គការ Chinese Clinical Trial Registry ដែលដឹកនាំដោយអ្នកស្រាវជ្រាវឈ្មោះ Jiankui He។
ឯកសារបានបង្ហាញដែរថាក្រុមអ្នកវិទ្យាសាស្ត្រកំពុងសាកល្បងមើលលើការកែប្រែហ្សែន CCR5 ដែលជាហ្សែនបង្កជាមេរោគអេដស៍។ ដើម្បីធ្វើដូចនេះបានគេត្រូវប្រើប្រាស់កន្ត្រៃដ៏មានអនុភាពឈ្មោះ CRISPR ជាបច្ចេកវិទ្យាដែលអាច "Cut និង Paste” ហ្សែនបាន អនុញ្ញាតឲ្យផ្នែកមួយនៃ DNA ដកចេញ និងដាក់ចូលវិញបាន តាមចិត្តចង់។
ដោយប្រើប្រាស់បច្ចេកវិទ្យា CRISPR ដើម្បីកែប្រែហ្សែន CCR5 អ្នកវិទ្យាសាស្ត្រសង្ឃឹមថានឹងអាចឲ្យកូនភ្លោះស្រីឈ្មោះ Lulu និង Nana ស៊ាំនឹងមេរោគអេដស៍បានពេញមួយជីវិត។ ក្នុងវីដេអូដែលបង្ហោះលើគណនី YouTube អ្នកស្រាវជ្រាវឈ្មោះ Jiankui He បានអះអាងថាទារកភ្លោះដែលបានកែច្នៃហ្សែនមានសុខភាពដូចទារកធម្មតាដែរ។ ក្រុមអ្នកស្រាវជ្រាវដែលដឹកនាំដោយលោក Jiankui បានកែប្រែហ្សែនដៃគូចំនួន ៧ គូមកហើយ ដោយទើបមានមួយគូមានលទ្ធផលជាការពពោះ។
លោក Jiankui បានបកស្រាយថាដំណើរការគឺមានទាក់ទងនឹងការយកមេជីវិតពីឪពុកម្ដាយ, រួចបង្កើតអំប្រ៊ីយ៉ុងក្នុង IVF បន្ទាប់មកទើបប្រើ CRISPR ដើម្បីកែប្រែហ្សែន CCR5។ ក្រោយមកទៀតទើបអំប្រ៊ីយ៉ុងត្រូវវិវត្តន៍នៅក្នុងម្ដាយ ដោយមានប្រើឈ្មោះសម្គាល់ថា "Grace” រួចទើបប្ដូរដាក់ “Lulu និង Nana” វិញក្រោយដឹងថាជាកូនភ្លោះ។
គួរដឹងថាកិច្ចប្រជុំកំពូលអន្ដរជាតិលើកទីពីរស្តីពីការកែប្រែហ្សែនរបស់មនុស្សនឹងប្រព្រឹត្តទៅនៅទីក្រុងហុងកុងនាថ្ងៃទី ២៧ ខែវិច្ឆិកានេះ ដោយការកែប្រែហ្សែននឹងជាប្រធានបទក្ដៅគគុកមួយ៕
