- 2018-11-20 13:24:00
- ព័ត៌មាន
យក iPad Pro សេរ៊ីឆ្នាំ ២០១៨ កាច់លេង បាក់ផុយដោយអត់បាច់ប្រឹង
- 2018-11-20 13:24:00
- ចំនួនមតិ 0 | ចំនួនចែករំលែក 0
យក iPad Pro សេរ៊ីឆ្នាំ ២០១៨ កាច់លេង បាក់ផុយដោយអត់បាច់ប្រឹង
ចន្លោះមិនឃើញ
Apple បានប្រកាសបង្ហាញនូវថេបប្លែតជំនាន់ក្រោយរបស់ខ្លួនម៉ូឌែល iPad Pro ទំហំអេក្រង់ ១១ អ៊ីញ និង ១២,៩ អ៊ីញ ជាមួយរចនាបថអេក្រង់ពេញយ៉ាងទំនើប។ មិនរង់ចាំយូរម្ចាស់ Channel ល្បីឈ្មោះ JerryRigEverything បានសាកល្បងភាពធុនលើ iPad តម្លៃចាប់ពី ៧៩៩ ដុល្លារមួយនោះ។
ដំណាក់កាលដំបូងលោកចាប់សាកជាមួយខ្មៅដៃ Apple Pencil និងកោសនូវផ្នែកតួម៉ាស៊ីនមុខក្រោយ ក៏ដូចជាផ្នែកចំហៀង ខណៈលទ្ធផលសឲ្យឃើញថាភាពធុននៅមានកម្រិតទាបដោយសារសារធាតុអាលុយមីញ៉ូមរុំព័ទ្ធជុំវិញម៉ាស៊ីនងាយរងស្នាមឆ្កូតខ្លាំងមិនខុសពីជំនាន់មុន។
ដំណាក់កាលបន្ទាប់នៅពេលលោក Zack Nelson សាកល្បងយកដៃកាច់ ម៉ាស៊ីនហាក់ផុយខ្លាំង ដោយកោងនិងបាក់រហ័សបំផុតមិនចាំបាច់ប្រើកម្លាំងដៃខ្លាំង ពោលគឺអាចឲ្យអ្នកប្រើប្រាស់នឹកដល់បញ្ហាធ្លាប់កើតមានលើ iPhone 6 កាលពីប៉ុន្មានឆ្នាំមុន។
ទស្សនាវីដេអូ:
ណែនាំពីអ្នកជំនាញបានឲ្យអ្នកប្រើប្រាស់មានការប្រុងប្រយ័ត្ន ព្រោះតាមការពន្យល់ឲ្យក្បោះក្បាយភាពកោងដ៏ងាយនេះក៏ដោយសារបញ្ហាប្រហោងខ្មៅមានភ្ជាប់នូវគែមសងខាងនៃតួអាលុយមីញ៉ូម និងមួយផ្សេងទៀតនៅចំហៀងខាងស្តាំប្រើសម្រាប់ទុកសាកថ្មឥតខ្សែឲ្យ Apple Pencil។
រំឭកថាកន្លងទៅ Nelson ក៏ធ្លាប់សាកល្បងភាពធុនតាមរយៈការទម្លាក់ iPhone XS ដោយលទ្ធផលបានសរសើរពេញៗមាត់ថា Apple ពិតជាបានបង្កើនគុណភាពដល់ iPhone ជំនាន់ថ្មី ពោលគឺគ្រប់យ៉ាងល្អច្រើនហួសពីការរំពឹងទុករបស់លោកទៅទៀត។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: