ស្រាយចម្ងល់ Asus ROG Phone តម្លៃ ៩៩៩ ដុល្លារថែម accessories ឲ្យ?

2018-11-19 06:30:00
ព័ត៌មាន

2018-11-19 06:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Asus ROG Phone ដែលជាស្មាតហ្វូន Gamer ប្រាថ្នាចង់បាន ពេលនេះមានលក់នៅទីផ្សារក្នុងស្រុកហើយ ដែលមានតម្លៃ ៩៩៩ ដុល្លារ។ យ៉ាងណាមិញ ទាក់ទងជាមួយតម្លៃនេះ មានប្រិយមិត្តជាច្រើនលើកជាចម្ងល់ តើបានតែទូរសព្ទ ឬមានថែមអីឲ្យអត់?

តាមប្រភពពីខាង Asus Cambodia បានបកស្រាយថា ចំពោះតម្លៃ Asus ROG Phone គឺ ៩៩៩ ដុល្លារ អ្នកទិញបានទូរសព្ទមួយគ្រឿង និងមានair cooling items មួយភ្ជាប់មកស្រាប់ក្នុងប្រអប់ដ៏ស្រស់ស្អាត។

ដោយឡែកចំពោះគ្រឿងបន្ថែម(accessoriess) ផ្សេងទៀតមិនបានថែមឲ្យទេដូចជា ROG Phonecase តម្លៃ ៣៩ ដុល្លារ Gamevice Controllerតម្លៃ ៩៩ ដុល្លារ Asus Professional Dock តម្លៃ ៩៩ ដុល្លារ Mobile desktop dock តម្លៃ ១៤៩ ដុល្លារ ROG Suitcase តម្លៃ ១០៩ ដុល្លារ Asus WiGig Display dock តម្លៃ ២៤៩ ដុល្លារ TwinView Dock តម្លៃ ២៤៩ ដុល្លារ។

Accessoriess ទាំងនោះនឹងមកដល់នៅអំឡុងថ្ងៃ ១៨ ដល់ ២៦ ខែធ្នូ ឆ្នាំ ២០១៨ ។

លោក Robert ប្រធានតំណាងក្រុមហ៊ុនទូរសព្ទ Asus បានឲ្យដឹងថា ROG Phone មានអេក្រង់មានទំហំ ៦អ៊ីញប្រភេទ AMOLED មានកម្រិតRefresh rate 90Hz និង response time ត្រឹម1ms តែប៉ុណ្ណោះ ដែលធ្វើឲ្យអ្នកប្រើទទួលបានកម្រិតមើលឃើញដល់ HDR ឯរូបរាងត្រូវបានរចនាដោយយកចិត្តទុកដាក់បំផុត ដោយភ្ជាប់មកជាមួយនៅសេនស័រ AirTriggers ដែលប្រៀបបានទៅនឹង R1និងL1សម្រាប់ដៃហ្គេមដូច្នោះដែរ។

Robert ប្រធានតំណាងក្រុមហ៊ុនទូរសព្ទ Asus

ROG Phone បំពាក់ CPU Qualcomm Snapdragon 845 2.96GHz octa-core ផ្សំជាមួយGPU Qualcomm Adreno™ 630ធ្វើឲ្យល្បឿនរបស់វាលឿនអាចទ្រទ្រង់រាល់កម្មវិធីទាំងអស់បានយ៉ាងរលូន។

ម្យ៉ាងវិញទៀត ទូរសព្ទនេះបំពាក់ជាមួយនឹងប្រដាប់បញ្ចេញខ្យល់ត្រជាក់ និងបច្ចេកវិទ្យា GameCool vapor-chamber cooling system ថែមទាំងមានជំនួយពី AeroActive Cooler ដែលអាចគ្រប់គ្រងប្រព័ន្ធបញ្ចេញកម្ដៅបានយ៉ាងល្អ ទោះជាលេងហ្គេម ឬប្រើកម្មវិធីធំៗ ក៏គ្មានការបារម្ភទៅលើការឡើងកម្ដៅនោះឡើយ។

ដោយឡែកឧបករណ៍ TwinView Dock សម្រាប់ការប្រើប្រាស់កម្មវិធី ២ នៅលើអេក្រង់ ២ ក្នុងពេលតែមួយបាន ឯ ឧបករណ៍ Mobile Desktop Dock សម្រាប់ភ្ជាប់ទៅ Desktop ពេលលេងហ្គេម ឧបករណ៍ Gamevice controller ជាមួយ WiGig Display Dock ដែលប្រើW ifi 60GHz សម្រាប់លេងហ្គេមលើអេក្រង់ធំៗ។

មិនតែប៉ុណ្ណោះវាមានភ្លើង ASUS Aura RGB និង Aura Sync support, រួមជាមួយនឹងតិចណូឡូជី ASUS HyperCharge ដែលអាចសាកថ្មបានលឿនបំផុត សុវត្ថិភាពបំផុត និងមិនឲ្យក្ដៅទូរសព្ទទៀតផង។

ASUS ROG ស្ថិតក្នុងតំណែងទី១ ដែលជាប់ឈ្មោះជាទូរសព្ទដៃមានល្បឿនលឿនជាងគេបំផុត និងទទួលបានពិន្ទុរហូតដល់ទៅ 299706 ពី Antutu Benchmark V7។

ROG គឺជាប្រេនដែលឈរក្រោមស្លាកយីហោក្រុមហ៊ុន ASUS ដែលផ្តោតសំខាន់ទៅលើការបង្កើតនូវគ្រឿងឧបករណ៍ហ្គេមដ៏ល្អជាងគេបំផុតជុំវិញពិភពលោក។

ក្នុងឆ្នាំ ២០០៦ បានបញ្ចេញនូវផលិតផលដែលមានការច្នៃប្រឌិតខ្ពស់ និងមានសមត្ថភាព ក៏ដូចជាគុណភាពខ្ពស់បំផុតរួមមាន motherboards, graphics cards, កុំព្យូទ័រយួរដៃ, desktops, monitors, ឧបករណ៍សំលេង, routers និង peripherals។

ROG ក៏ចូលរួមយ៉ាងសកម្មជាមួយកម្មវិធីប្រកួតហ្គេមធំៗក្នុងពិភពលោក។ ឧបករណ៍ ROG ត្រូវបានយកទៅប្រើប្រាស់ជាច្រើនដែលជាជម្រើសដ៏ល្អសម្រាប់អ្នកចង់ទទួលបានពានរង្វាន់ក្នុងការប្រកួតហ្គេម៕