- 2018-10-30 12:15:00
- ព័ត៌មាន
ដោយសារ Face ID របស់ Apple ទើបរុញស្មាតហ្វូន Android បង្ខំចិត្តប្រើមុខងារថ្មីនោះ
- 2018-10-30 12:15:00
- ចំនួនមតិ 0 | ចំនួនចែករំលែក 0
ដោយសារ Face ID របស់ Apple ទើបរុញស្មាតហ្វូន Android បង្ខំចិត្តប្រើមុខងារថ្មីនោះ
ចន្លោះមិនឃើញ
Apple បានផ្តល់ជូននូវមុខងារស្កេនផ្ទៃមុខដើម្បីដោះសោ Face ID តាំងពីជំនាន់ iPhone X សេរ៊ីឆ្នាំ ២០១៧ រហូតមានការវិវត្តន៍ឲ្យកាន់តែមានសុវត្ថិភាពនិងរហ័សលើ iPhone ជំនាន់ឆ្នាំ ២០១៨។ អត្ថប្រយោជន៍នៃការផ្លាស់ប្តូរមកប្រើប្រាស់ Face ID ជួយឲ្យ Apple អាចចំណេញគែមសល់លើអេក្រង់បន្ទាប់ពីដកប៊ូតុង Home ចោល ជាពិសេសក៏បន្ថែមរចនាបថអេក្រង់ពេញកាន់តែទំនើប។
ក្រុមហ៊ុនស្មាតហ្វូន Android ទាំងអស់ក្នុងលោកពិតជាមិនអាចផ្តួល Face ID របស់ Apple បានឡើយ ថ្វីបើធុនកណ្តាលនៃប្រភេទ Android មិនក្រោម ១០ ម៉ូឌែលមានបំពាក់កន្លងមក ប៉ុន្តែត្រឹមជាមុខងារស្កេនផ្ទៃមុខធម្មតា ពោលគឺមិនរហ័សនិងសុវត្ថិភាពដូចផលិតផលរបស់ក្រុមហ៊ុនលោក Tim Cook នោះឡើយ។
យុគសម័យនៃការមើលទៅរចនាបថជាធំ ក្រុមហ៊ុន Android ទាំងនោះក៏សម្រេចបន្ថែមជំនួយការ Touch ID លើទ្រនាប់ស្កេននៅផ្នែកខាងក្រោយ និងខ្លះទៀតមាន Iris Scanning ដូចជាលើផលិតផល Samsung ថ្វីបើសុវត្ថិភាព ប៉ុន្តែមិនរហ័សដូចចិត្ត។ យុទ្ធសាស្ត្រចុងក្រោយមានតែបំពាក់នូវមុខងារ ស្កេនខ្ចៅដៃក្រោមអេក្រង់ ដោយក្រៅពីរហ័ស ទៀតសោតក៏មិនចាំបាច់ព្រួយក្នុងការដាក់ខ្ចៅដៃទៅផ្នែកខាងក្រោយ ពោលជាភាពប្រាកដប្រជានិងជាមុខងារសូម្បីតែ Apple ក៏មិនទាន់មាន។
ដំណើរការរបស់វាធ្វើឡើងត្រឹមមួយពព្រិចភ្នែក ដោយផលចំណេញគឺអ្នកប្រើប្រាស់មិនងាយនឹងភ័ន្តច្រឡំដាក់ម្រាមដៃប៉ះលែនកាមេរ៉ាក្រោយ ហើយការស្កេនខ្ចៅដៃក្រោមអេក្រង់នេះសោតក៏អាចទូទាត់ទំនិញតាមរយៈ Google Pay ឬទីផ្សារពាណិជ្ជកម្មអេឡិចត្រូនិក (e-commerce) ដែលតម្រូវការបញ្ជាក់ពីអ្នកប្រើប្រាស់មុនទូទាត់។
យ៉ាងណាមិញតាមចចាមអារ៉ាម Samsung ក៏ធ្លាប់បង្ហើបពីគម្រោងនឹងដាក់ទ្រនាប់ស្កេនខ្ចៅដៃក្រោមអេក្រង់លើត្រកូល Galaxy S10 សម្រាប់ឆ្នាំ ២០១៩ ខាងមុខ។ នេះបើតាមរបាយការណ៍ពី Bloomberg ចុះផ្សាយកាលពីថ្ងៃសុក្រ។ ក្រុមហ៊ុនស្ថិតក្រោមទ្រនំរបស់ Oppo ឲ្យឈ្មោះថា OnePlus សម្រាប់ជំនាន់ OnePlus 6t បង្ហាញខ្លួនយប់មិញក៏មានមុខងារនេះដូចគ្នា ធៀបនឹង Oppo R17 ក៏ដូចជា Huawei Mate 20 Pro និង Vivo ម៉ូឌែលមួយចំនួនសុទ្ធសឹងឈរលើចក្ខុវិស័យតែមួយ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: