- 2018-10-23 08:58:25
- ព័ត៌មាន
បកមើលទើបដឹង អេក្រង់ Pixel 3 XL ជារបស់ Samsung មិនមែន LG ទេ
- 2018-10-23 08:58:25
- ចំនួនមតិ 0 | ចំនួនចែករំលែក 0
បកមើលទើបដឹង អេក្រង់ Pixel 3 XL ជារបស់ Samsung មិនមែន LG ទេ
ចន្លោះមិនឃើញ
វេបសាយ iFixit ជំនាញផ្នែកគាស់កកាយបណ្តាស្មាតហ្វូនល្បីៗ បានបង្ហោះពីការបកមើល Pixel 3 XL ជាម៉ូដែលចុងក្រោយរបស់ Google ដើម្បីពិនិត្យមើល Hardware សំខាន់ៗទូរសព្ទទំនើបនេះ។ iFixit បានរកឃើញថា Pixel 3 XL ប្រើអេក្រង់ OLED ពីក្រុមហ៊ុន Samsung មិនមែន LG នោះឡើយ។
វេបសាយជំនួយដល់ការជួសជុលទូរសព្ទនេះបញ្ជាក់ថា Pixel 3 XL ពិបាកគាស់បន្តិច ដោយផ្នែកខ្លះបានធ្វើឲ្យខូច កំឡុងពេលព្យាយាមដោះផ្នែកសំខាន់ៗចេញ។ នេះហាក់បីដូចជា Google មិនបានដាក់ការជួសជុលជាអាទិភាពនោះឡើយ ដែលពិបាកដល់ដំណើរការជួសជុលពេលមានតម្រូវការ។
ផ្នែកសំខាន់ៗ រួមមាន DRAM LPDDR4X 4GB ពីក្រុមហ៊ុន Micron, Flash Storage 64GB ពីក្រុមហ៊ុន Skhynix, Pixel Visual Core, Chip សុវត្ថិភាព Google Titan M និង Qi Wireless Charging Receiver ពីក្រុមហ៊ុន IDT។ ក្នុងនោះក៏មាន Chip Snapdragon 845 និង Chip Audio codec របស់ Qualcomm ផងដែរ។
ចំណុចចាប់អារម្មណ៍បំផុតគឺ Pixel 3 XL ប្រើអេក្រង់ OLED ពី Samsung។ ផ្ទុយស្រឡះពីការរំពឹងទុក Google នឹងប្រើ POLED របស់ LG សម្រាប់ Pixel 3 XL ដោយ Google បានវិនិយោគច្រើនជាង ៨០០ លានដុល្លារក្នុងជំនួញផលិតអេក្រង់របស់ LG។
Pixel ឆ្នាំ ២០១៦ ទាំងពីរប្រើអេក្រង់ OLED របស់ Samsung ខណៈ Pixel XL ឆ្នាំ ២០១៧ ប្រើ POLED របស់ LG និង Pixel ទំហំតូចប្រើអេក្រង់ពី Samsung។ iFixit ក៏បានគាល់មើល Pixel 3 ដែរ ដោយអេក្រង់ជារបស់ LG ដែលផ្ទុយពីឆ្នាំមុន ម៉ូដែល XL បែរជាប្រើអេក្រង់ Samsung ខណៈ Pixel ទំហំតូចប្រើអេក្រង់ LG៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ