• 2018-09-28 12:58:48
  • ព័ត៌មាន

បញ្ហា​ធំ​មួយ​លើ iPhone XS/XS Max កំពុង​រង​ការ​រិះគន់​ថា​ធ្វើ​មិន​បាន​ល្អ​ដូច​ស្មាតហ្វូន Android

  • 2018-09-28 12:58:48
  • ចំនួនមតិ 0 | ចំនួនចែករំលែក 0

ចន្លោះមិនឃើញ

គេហទំព័រ PhoneArena បាន​ទម្លាយ​នូវ​ថេរវេលា​សាក​ថ្ម​ពី ០ ដល់ ១០០ ភាគរយ​ប្រើ​ឆ្នាំង​សាក​ចេញ​ពី​ប្រអប់ ដោយ​ iPhone XS ប្រើ​ពេល ៣ ម៉ោង ៥ នាទី ធៀប​នឹង iPhone XS Max ឡើង​ដល់ ៣ ម៉ោង ២៩ នាទី ។ ជុំវិញ​បញ្ហា​នេះ​ក៏​មាន​មតិ​រិះគន់​ថា​ Apple ធ្វើ​មិន​បាន​ល្អ បើ​ធៀប​នឹង​ប្រភេទ​ស្មាតហ្វូន​ជំនាន់​ក្រោយ Android ភាគ​ច្រើន​ភ្ជាប់​ឧបករណ៍​សាក​ថ្ម​រហ័ស​មក​ពី​នាយ​ស្រាប់ ពោល​គឺ​មិន​តម្រូវ​ឲ្យ​អតិថិជន​ចំណាយ ៦៨ ដុល្លារ​បន្ថែម​ទៀត​ឡើយ។

ខណៈ​ដុំ​សាក USB-C Fast Charger តម្លៃ ៤៩ ដុល្លារ ត្រូវ​យក​មក​ប្រើ​ជាមួយ​ខ្សែ​ប្រវែង​មួយ​ម៉ែត្រ​តម្លៃ ១៩ ដុល្លារ ប៉ុន្តែ​តាម​ការ​តេស្ត​របស់ Tom's Guide ថ្វី​បើ​ប្រើប្រាស់​ឧបករណ៍​ទាំង​នេះ​ហើយ ក៏​នៅ​តែ​មាន​ល្បឿន​យឺត​ជាង​គូ​ប្រជែង OnePlus និង LG ដដែល។

លទ្ធផល​បង្ហាញ​ច្បាស់ការ​ពី PhoneArena ​ទូរសព្ទ iPhone XS តម្រូវ​ការ​ពេល​សាក​មួយ​ពេញ​ចំនួន ១៨៥ នាទី iPhone XS Max ​ចំនួន ២០៩ នាទី ខណៈ​គូ​ប្រជែង Galaxy S9/LG G7 ThinQ ​ប្រើ​ពេល ១០៧ នាទី ធៀប Galaxy Note 9 ​ប្រើ​ពេល ១០៩ នាទី និង OnePlus 6 កំពូល​សាក​ថ្ម​រហ័ស​ចំណាយ​ត្រឹម ៨០ នាទី ហើយ​នេះ​ទំហំ​ថាមពល​ថ្ម (mAh) ក៏​ខ្លះ​តូច​ជាង​និង​ខ្លះ​ធំ​ជាង​ផលិតផល Apple ផង។

ទំហំលេខកាន់តែតូច (នាទី) កាន់តែប្រសើរ

មតិ​ពី​លោក Todd Haselton ក្រុម​ការងារ CNBC និយាយ​ចំៗ​ថា៖ "ជាមួយ​ស្មាតហ្វូន Android ភាគ​ច្រើន ខ្ញុំ​អាច​ដោត​សាក​រួច​ទៅ​ងូត​ទឹក សឹម​ចេញ​មក​វិញ​ក៏​ទទួល​បាន​ថាមពល​ថ្ម​ប្រើប្រាស់​ប៉ុន្មាន​ម៉ោង​ទៀត​ទៅ​ហើយ ផ្ទុយ​ទៅ​វិញ​ជាមួយ iPhone XS/XS Max ទោះ​ខ្ញុំ​ប្រើ​ដុំ​សាក​ iPad ក៏​មិន​បាន​លទ្ធផល​ល្អ​អ៊ីចឹង​ដែរ"។

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានអត្ថបទ:

ប្រភព៖ Forbes ប្រែ​សម្រួល៖ កៅ រក្សា

មតិយោបល់