- 2018-09-20 10:59:55
- ព័ត៌មាន
ចាយលុយបែបមនុស្សឆ្លាតត្រូវការពារ Digital Wallet អ្នកតាមវិធីនេះ
- 2018-09-20 10:59:55
- ចំនួនមតិ 0 | ចំនួនចែករំលែក 0
ចាយលុយបែបមនុស្សឆ្លាតត្រូវការពារ Digital Wallet អ្នកតាមវិធីនេះ
ចន្លោះមិនឃើញ
បើអ្នកទូទាត់ប្រាក់តាមរយៈទូរសព្ទដៃ ដោយប្រើកាតបង់ ឬក៏ប្រគល់ទូរសព្ទរបស់អ្នកទៅឲ្យអ្នកគិតលុយនៅតាមផ្សារទំនើបដើម្បីស្កេនកាតសមាជិក នោះអ្នកកំពុងតែប្រើប្រាស់កាបូបលុយតាមប្រព័ន្ធឌីជីថលហើយ។ តើអ្នកធ្លាប់គិតថាអ្នកកំពុងប្រើវាដោយសុវត្ថិភាពដែរឬទេ?
កាតនីមួយៗ ដែលអ្នកបានបញ្ចូលក្នុងកាបូបឌីជីថលមានផ្ទុកព័ត៌មានផ្ទាល់ខ្លួន ដែលអ្នកចាំបាច់ត្រូវតែការពារ។ ទោះ Visa ធានានូវសុវត្ថិភាពប្រតិបត្តិការយ៉ាងណាក៏ដោយ អ្នកក៏ត្រូវមានវិធានការរក្សាព័ត៌មាននោះឲ្យមានសុវត្ថិភាពបំផុតតាមដែលអាចធ្វើទៅបាន។
Visa បានបង្កើតវិធីសាស្ត្រសំខាន់បំផុតសម្រាប់លោកអ្នក ក្នុងការការពារគណនីនោះគឺ ពាក្យថា “LOK” ដែលសម្រាយជាភាសាខ្មែរដូចខាងក្រោម៖
Lock (ចាក់សោ)៖ ការពារឧបករណ៍អេឡិចត្រូនិករបស់អ្នកជាមួយលេខសម្ងាត់ ទាញយកប្រភេទកម្មវិធីដែលអ្នកស្គាល់ច្បាស់លាស់ ប្រើប្រាស់ប្រព័ន្ធអ៊ីនធឺណិត ឬប្រភេទកម្មវិធីដែលមានប្រព័ន្ធការពារសុវត្ថិភាព និងឧស្សាហ៍ Update កម្មវិធីទាំងនោះ។
Only You (មានតែអ្នកតែប៉ុណ្ណោះដែលដឹងពីព័ត៌មានសំខាន់ៗ)៖ បង្កើតលេខសម្ងាត់តែមួយខុសពីលេខសម្ងាត់នៃទូរសព្ទរបស់អ្នក សម្រាប់កាបូបលុយបែបឌីជីថល និងមិនត្រូវសរសេរចំណាំឈ្មោះព័ត៌មានដែលទាក់ទងជាមួយព៌ត័ហិរញ្ញវត្ថុដូចជា PIN ជា ដាច់ខាត ហើយត្រូវរក្សាលេខសម្ងាត់នៅកន្លែងសុវត្ថិភាពបំផុត។
Know Who To Call (ចាំលេខទូរសព្ទធនាគារដែលចេញកាត)៖ ចងចាំលេខធនាគារដែលចេញកាតដើម្បីទាក់ទងទៅភ្លាមៗ ក្នុងករណីដែលអ្នកជួបបញ្ហា ដូចករណីជ្រុះ ឬចោរលួចទូរសព្ទជាដើម។
ធ្វើតាមការណែនាំទាំងអស់នេះ អ្នកនឹងកាន់តែមានសុវត្ថិភាពបន្ថែមទៀត ក្នុងការការពារព័ត៌មានផ្ទាល់ខ្លួន៕