- 2018-09-20 08:44:02
- ផលិតផលថ្មី
លេចមុខហើយ! ស្មាតហ្វូន Samsung ដំបូងគេមានកាមេរ៉ា ៣ គ្រាប់
- 2018-09-20 08:44:02
- ចំនួនមតិ 0 | ចំនួនចែករំលែក 0
លេចមុខហើយ! ស្មាតហ្វូន Samsung ដំបូងគេមានកាមេរ៉ា ៣ គ្រាប់
ចន្លោះមិនឃើញ
Samsung បានប្រកាសចេញជាផ្លូវការ Galaxy A7 ស៊េរីឆ្នាំ ២០១៨ ជាស្មាតហ្វូនដំបូងរបស់ខ្លួនដែលមានបំពាក់កាមេរ៉ា៣ គ្រាប់នៅផ្នែកខាងក្រោយ។
កាមេរ៉ាក្រោយទាំង ៣ គ្រាប់របស់ Galaxy A7 មានកាមេរ៉ាមេទំហំ ២៤ MP, កាមេរ៉ាបន្ទាប់មានទំហំ ៨ MP ប្រើឡេន Ultra Wide Angle អាចថតរូបបាន១២០ ដឺក្រេ និងកាមេរ៉ាមួយទៀតមានកម្រិត ៥ MP មានតួនាទីវាស់ជម្រៅរូបភាព។
នេះមានន័យថា Galaxy A7 អាចផលិតរូបភាពធម្មតាផង, រូបរាងប្លង់ទូលាយផង និងអាចថតរូបភាពព្រាល Background (Bokeh) បានផងដែរ។ លើស្មាតហ្វូននេះក៏មានមុខងារ Scence Optimizer ដូចមាននៅលើ Galaxy Note 9 ដោយមុខងារនេះអាចប្រែប្រួល Settings នៃរូបភាពទៅតាមស្ថានភាពជាក់ស្ដែង។
ចំណុចពិសេសផ្សេងទៀតរបស់ Galaxy A7 មានដូចជាអេក្រង់ Infinity Display ប្រភេទ AMOLED ទំហំ ៦ អ៊ីញ, RAM ទំហំ ៤ ឬ ៦ GB និងអង្គផ្ទុកទំហំ ៦៤ GB ឬ ១២៨ GB។ ចំណែកថ្មមានទំហំ ៣៣០០ mAh។
Samsung បានបង្ហើបថា Galaxy A7 នឹងដាក់លក់នៅទីផ្សារអឺរ៉ុប និងអាស៊ី នៅអំឡុងចុងឆ្នាំ ២០១៨ នេះ ដោយមិនបានប្រាប់ពីតម្លៃលក់នៅឡើយទេ។ ប៉ុន្តែគេរំពឹងថា Galaxy A7 នឹងមានតម្លៃខ្ទង់ ៤០០ ទៅ ៥០០ ដុល្លារ ដូច Galaxy A7 ស៊េរីឆ្នាំ ២០១៧ ដែរ៕
