- 2018-09-18 13:14:29
- ចំណេះដឹង
ច្បាស់នៅពីវិធីឆែកមើលប្រភេទ CPU/GPU និងទំហំ RAM លើកុំព្យូទ័រអ្នកកំពុងប្រើប្រាស់?
- 2018-09-18 13:14:29
- ចំនួនមតិ 0 | ចំនួនចែករំលែក 0
ច្បាស់នៅពីវិធីឆែកមើលប្រភេទ CPU/GPU និងទំហំ RAM លើកុំព្យូទ័រអ្នកកំពុងប្រើប្រាស់?
ចន្លោះមិនឃើញ
RAM (Random-access memory) ជាអង្គចងចាំរក្សាទុកទិន្នន័យប្រើប្រាស់លើកុំព្យូទ័របណ្ដោះអាសន្ន ស្របពេលកាតក្រាហ្វិក GPU (Graphic processing unit) ជាបន្ទះសៀគ្វីអេឡិចត្រូនិករចនាឡើងដើម្បីពន្លឿនល្បឿននៃការបង្ហាញទិន្នន័យរូបភាពបង្ហាញលើអេក្រង់ឬឧបករណ៍ Output។ ចំណែកឯ CPU ជាខួរក្បាលនៃកុំព្យូទ័រ គ្រប់គ្រងដំណើរការទាំងឧបករណ៍ Input/output ជាដើម។
ទាំង ៣ ផ្នែកនេះចាំបាច់ត្រូវការទំហំធំ និងប្រភេទធុនខ្ពស់ ដើម្បីដំណើរការហ្គេមបានរលូនក៏ដូចជាបំពេញតម្រូវការប្រើប្រាស់ខ្នាតធំមិនរអាក់រអួល។
មានប្រិយមិត្តខ្លះក៏នៅជាប់ចម្ងល់ស្ទាក់ស្ទើរនឹងវិធីឆែកមើល CPU ទំហំ RAM ក៏ដូចជាប្រភេទក្រាហ្វិកកាតខ្លួនកំពុងប្រើប្រាស់។ (បញ្ជាក់៖ ការអនុវត្តមានភាពខុសប្លែកបន្តិចបន្តួចផ្អែកតាមជំនាន់ Windows)
+វិធីឆែកមើលទំហំ RAM/ប្រភេទ CPU ក្នុងកុំព្យូទ័រ:
សម្រាប់ Windows 8 ចូលទៅកាន់ផ្ទាំង Control Panel > មើលត្រង់ពាក្យ System > សង្កេតមើលចំណុច Installed memory (RAM) ពីទំហំនៃ RAM គិតជាជីហ្គាបៃ (GB)។ បញ្ជាក់ថាដំណើរការ Windows ប្រភេទ 32-bit ខ្លះបើបង្ហាញថាទំហំ RAM មាន 3.5GB នោះមានន័យថា 4GB ឬ Windows 64-bit ខ្លះបង្ហាញថា 7.1GB នោះស្មើនឹង 8GB។
ត្រង់ពាក្យ Processor តំណាងឲ្យអង្គគណនា (CPU) ដូចបានបង្ហាញក្នុងរូបជាប្រភេទ Intel Core i702639QM ល្បឿន 2.0GHz។
+វិធីឆែកមើលប្រភេទក្រាហ្វិកកាត:
ដំណើរការចូលទៅក្នុង Run Box ដោយចុច Win+R និងវាយពាក្យ dxdiag រួចចុច Enter ដើម្បីបើកចូល DirectX Diagnostic Tool ។ ត្រង់ផ្នែក Display ចំពោះ Name បង្ហាញពីជំនាន់ក្រាហ្វិកកាត Intel HD Graphics 3000 (ដូចបង្ហាញក្នុងរូប) ទំហំ 2GB (1 664MB)៕
ប្រភព: https://www.thewindowsclub.com/computer-ram-graphics-card-video-memory
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: