- 2018-09-15 03:42:23
- ព័ត៌មាន
POCO F1 តម្លៃកំពូលថោក ចុះរឹងមាំកម្រិតណា?
- 2018-09-15 03:42:23
- ចំនួនមតិ 0 | ចំនួនចែករំលែក 0
POCO F1 តម្លៃកំពូលថោក ចុះរឹងមាំកម្រិតណា?
ចន្លោះមិនឃើញ
POCO F1 ជាស្មាតហ្វូនប្រើបន្ទះឈីប Snapdragon 845 ដែលមានតម្លៃថោកជាងគេបំផុតក្នុងលោក ត្រឹមខ្ទង់ ៣០០ ដុល្លារប៉ុណ្ណោះ។ ចង់ដឹងពីភាពរឹងមាំរបស់ស្មាតហ្វូននេះ គណនី YouTube មួយបានបង្កើតការធ្វើតេស្តមួយឡើង ដែលមានចែកចេញជាច្រើនដំណាក់កាល។
ក្នុងវីដេអូគេបានធ្វើតេស្តលើសមត្ថភាពធន់នឹងភាពឆ្កូតនៃអេក្រង់ ដោយជាលទ្ធផលឃើញថាមានកម្រិតធន់ដូចជាស្មាតហ្វូនដទៃដែរ ពេលប៉ះនឹងសោមិនឆ្កូតនោះទេ។ ដំណាក់កាលទីពីរគឺយកកាំបិតកោសដងខ្លួនទូរសព្ទ ដោយគេអាចដឹងថា POCO F1 មានស្រោបដោយសារធាតុជ័រប្លាស្ទិក ចំណែកកាមេរ៉ាខាងក្រោយមានស្រោបដោយកញ្ចក់អាចធន់នឹងការឆ្កូតបានល្អ។
ដំណាក់កាលបន្ទាប់គេបានយកភ្លើងដុតអេក្រង់ ដើម្បីដឹងថាស្នាមឆេះនឹងស្ថិតនៅជាប់អេក្រង់ឬយ៉ាងណា ហើយលទ្ធផលគឺស្នាមឆេះបានរលាយបាត់ក្នុងពេលតែប៉ុន្មានវិនាទី។ ការតេស្តចុងក្រោយជាការកាច់បំបាក់ដោយប្រើកម្លាំងដៃធ្ងន់ ហើយលទ្ធផល POCO F1 អាចទ្រាំទ្របាន៕