- 2018-08-13 02:14:00
- ព័ត៌មាន
អ៊េមណាស់ Key2 ទូរសព្ទកាមេរ៉ាភ្លោះដំបូង BlackBerry មានលក់នៅខ្មែរ!
- 2018-08-13 02:14:00
- ចំនួនមតិ 0 | ចំនួនចែករំលែក 0
អ៊េមណាស់ Key2 ទូរសព្ទកាមេរ៉ាភ្លោះដំបូង BlackBerry មានលក់នៅខ្មែរ!
ចន្លោះមិនឃើញ
BlackBerry KEY2 ជាស្មាតហ្វូនកាមេរ៉ាភ្លោះដំបូងគេរបស់ BlackBerry ដែលទើបបានប្រកាសចេញកាលពីដើមខែមិថុនាកន្លងទៅ ពេលនេះបានមកដល់ទីផ្សារកម្ពុជាហើយ។
ស្មាតហ្វូនធុនកណ្ដាលនេះ នៅតែប្រើរចនាបថប្រចាំត្រកូលរបស់ BlackBerry ដែលមានបំពាក់នូវក្ដារចុចខាងក្រៅ ដូចទៅនឹង Key1 ដែរ ហើយមានតួខ្លួនផលិតឡើងពីសារធាតុអាលុយមីញ៉ូម។
Key2 បំពាក់អេក្រង់មានទំហំ ៤,៥ អ៊ីញ ប្រើត្រឹមបន្ទះឈីប Snapdragon 660 តែប៉ុណ្ណោះ ប៉ុន្តែមាន RAM ទំហំ ៦ GB និងមានអង្គផ្ទុកទិន្នន័យទំហំ ៦៤ និង ១២៨ GB ហើយមានរន្ធសម្រាប់ដោតមេមូរីកាតខាងក្រៅបាន មានថ្មទំហំ ៣៥០០ mAh អាចប្រើប្រាស់បានរហូតដល់ ២ ថ្ងៃឯណោះ។ ប្រព័ន្ធប្រតិបត្តិការដែលដំណើរការលើ KEY2 គឺជា Anroid 8.1 Oreo។
សមត្ថភាពកាមេរ៉ាភ្លោះរបស់ KEY2 គឺមានកាមេរ៉ាមេមួយកម្រិត ១២ MP និងកាមេរ៉ាទីប្រើឡេនប្រភេទ Telephoto។ ប្រព័ន្ធកាមេរ៉ាភ្លោះនេះអាចថតរូបភាពបែប Portrait និងមានសមត្ថភាព Zoom ដោយមិនបាត់បង់គុណភាពរូបភាពទៀតផង។
ចំណែកកាមេរ៉ាខាងមុខមានកម្រិត ៨ MP ដែលមាន Flash អាចបាញ់ភ្លើងពេលថត Selfie នៅទីខ្វះពន្លឺ។
ចំពោះតម្លៃលក់នៅហាង The V Store គឺ ៦៩៩ ដុល្លារ៕
ចង់ដឹងសមត្ថភាពកាមេរ៉ា Key2 ទស្សនាវីដេអូខាងក្រោម៖
អានអត្ថបទបន្ត៖
