- 2018-08-06 07:42:40
- ព័ត៌មាន
ដ្រូន ប្រើធ្វើឃាតប្រធានាធិបតីវេណេហ្ស៊ុយអេឡា សមត្ថភាពមិនធម្មតា
- 2018-08-06 07:42:40
- ចំនួនមតិ 0 | ចំនួនចែករំលែក 0
ដ្រូន ប្រើធ្វើឃាតប្រធានាធិបតីវេណេហ្ស៊ុយអេឡា សមត្ថភាពមិនធម្មតា
ចន្លោះមិនឃើញ
ម្សិលមិញនេះមានជនអនាមិកបានបញ្ជា ដ្រូន ចំនួន ២ គ្រឿងដែលមានផ្ទុកគ្រាប់បែក ដើម្បីប៉ុនប៉ងធ្វើឃាតប្រធានាធិបតីប្រទេសវេណេហ្ស៊ុយអេឡាលោក Nicolás Maduro តែមិនបានសម្រេច។
នៅថ្ងៃនេះសមត្ថកិច្ចបានបង្ហាញឲ្យដឹងថា ដ្រូន ដែលគេប្រើដើម្បីធ្វើឃាតគឺជា ដ្រូន ម៉ូដែល M600 ផលិតដោយក្រុមហ៊ុន DJI។ ដ្រូននេះបានបង្ហាញវត្តមានជាផ្លូវការកាលពីខែមេសា ឆ្នាំ ២០១៦ ដោយវាមានចំណុចពិសេសៗដូចខាងក្រោមនេះ ៖
មានឈ្មោះពេញថា Matrice 600
មានស្លាបចំនួន ៦ ដែលអាចបញ្ជាបានដល់ចម្ងាយ ៥ គ.ម
មានទម្ងន់ ៩,១ គីឡូក្រាម គិតរួមទាំងថ្ម ៦ គ្រាប់
អាចហោះដល់ល្បឿន ១៨ ម៉ែត្រ/វិនាទី ពេលគ្មានខ្យល់ (ពេលមានខ្យល់អាចហោះដល់ល្បឿន ៨ ម៉ែត្រ/វិនាទី)
អាចហោះបានរយៈពេល ៣៥ នាទី
អាចភ្ជាប់ឥវ៉ាន់បន្ថែមជាមួយដល់ទម្ងន់ ៦ គីឡូក្រាម ប៉ុន្តែរយៈពេលហោះហើរត្រូវធ្លាក់នៅសល់ត្រឹម ១៦ នាទី
អាចហោះបានដល់កម្ពស់ ២៥០០ ម៉ែត្រ
មានបំពាក់ប្រព័ន្ធ GPS អាចចាប់ទីតាំងបានច្បាស់
មានតម្លៃ ៤ ៥៩៩ ដុល្លារពេលចេញលក់ដំបូង
ដោយសារតែជាដ្រូនផលិតឡើងសម្រាប់ឧស្សាហកម្មកម្សាន្ត ហេតុនេះដ្រូន M600 មិនមានបំពាក់កាមេរ៉ាសម្រាប់ថតរូប ឬ វីដេអូ ដូចដ្រូនធម្មតានោះទេ។ កាមេរ៉ាត្រូវភ្ជាប់បន្ថែមពីក្រៅ ដោយអាចទ្រាំទ្រនឹងទម្ងន់ដល់ ៦ គីឡូក្រាម៕
