- 2018-08-01 04:04:01
- គន្លឹះ
Reaction រូបយន្តហោះកំពុងល្បីលើ Facebook ធ្វើម៉េចអាចប្រើបាន?
- 2018-08-01 04:04:01
- ចំនួនមតិ 0 | ចំនួនចែករំលែក 0
Reaction រូបយន្តហោះកំពុងល្បីលើ Facebook ធ្វើម៉េចអាចប្រើបាន?
ចន្លោះមិនឃើញ
នាព្រឹកថ្ងៃពុធនេះ គេសង្កេតឃើញមាន Reaction ថ្មីលេចមុខលើបណ្ដាញ Facebook ដោយមានរូបរាងជាយន្តហោះប្លែកបំផុត។ អ្នកប្រើប្រាស់មួយចំនួនកំពុងចង់ដឹងថា Reaction នេះមានប្រភពមកពីណា និង ធ្វើយ៉ាងណាដើម្បីអាចប្រើបាន?
តាមការលើកឡើងរបស់អ្នកតំណាង Facebook ឲ្យដឹងថា Reaction រូបយន្តហោះនេះ ជាការបង្កើតឡើងមួយ ដែលជាផ្នែកនៃកម្មវិធី Hackathon របស់បុគ្គលិក Facebook។ បន្ថែមពីនេះគេក៏បានបញ្ជាក់ថា Facebook នឹងមិនទុក Reaction នេះយូរឡើយ ដោយនឹងបញ្ចេញកំណែទម្រង់ថ្មីដើម្បីដកវាចេញក្នុងពេលឆាប់ៗ។
គួរដឹងថាដើម្បីអាចប្រើ Reaction នេះបាន លុះត្រាតែអ្នកប្រើប្រាស់ទូរសព្ទ Android ហើយបានអាប់ដេតកម្មវិធី Facebook ទៅកាន់ជំនាន់ចុងក្រោយ។ អ្វីដែលអ្នកត្រូវធ្វើបន្ទាប់គឺ Clear Cache នៃកម្មវិធី Facebook លើទូរសព្ទរបស់អ្នក។
អាប់ដេត និង Clear Cache រួចក៏មិនប្រាកដថាអាចប្រើ Reaction ថ្មីនេះបាន ព្រោះមានសម្រាប់តែអ្នកប្រើប្រាស់មានសំណាង (Random) មួយចំនួនប៉ុណ្ណោះ។ ចំណែកអ្នកប្រើប្រាស់ iOS មិនអាចប្រើ Reaction ថ្មីនេះបានឡើយ៕
