- 2018-07-21 02:17:46
- ផលិតផលថ្មី
មានលុយតែប៉ុណ្ណេះ អាចហោះដូច "Iron Man" បានហើយ
- 2018-07-21 02:17:46
- ចំនួនមតិ 0 | ចំនួនចែករំលែក 0
មានលុយតែប៉ុណ្ណេះ អាចហោះដូច "Iron Man" បានហើយ
ចន្លោះមិនឃើញ
ឈុតសម្លៀកបំពាក់ដែលអាចហោះហើរបាន ត្រូវប្រកាសដាក់លក់ហើយក្នុងហាងធំដ៏ល្បីមួយឈ្មោះ Selfridges នៅទីក្រុងឡុងដ៏ ជាមួយនឹងតម្លៃជាង ៤៤ម៉ឺនដុល្លារឯណោះ។
លោក Richard Browning ដែលជាអ្នកបង្កើតឈុតនេះឡើង បានឲ្យដឹងថា លោកបានបំពាក់កូនម៉ាស៊ីនយន្តហោះខ្នាតតូចចំនួន ៥ នៅត្រង់ដៃអាវ និងខាងក្រោយខ្នង។ ការបង្កើតនេះ ធ្វើឡើងទៅតាមគំនិតកែច្នៃចេញពីឈុតតួប្រុសដែលពាក់ដោយលោក Robert Downey Jr នៅក្នុងរឿង "Iron Man"។
ឈុតនេះ អាចដំណើរការទៅបានដោយពឹងផ្អែកទៅលើការប្រើប្រាស់ប្រេងសាំង ឬក៏ម៉ាស៊ូត ហើយវាមានល្បឿនអតិបរមា ៥១គីឡូម៉ែត្រក្នុង១ម៉ោង និងហោះបានកម្ពស់ដល់ ៣៦៥៨ម៉ែត្រ។ យ៉ាងណាមិញ នៅពេលពាក់សាកល្បង លោកRichard ហោះត្រឹមតែកម្ពស់២-៣ម៉ែត្រប៉ុណ្ណោះពីដី ក្រោមហេតុផលគិតពីសុវត្ថិភាព។
លោក Richard បានបញ្ជាក់ទៀតថា ក្នុងការហោះរយៈពេល១នាទី វាត្រូវការចំណាយសាំង ឬម៉ាស៊ូតអស់ប្រហែលជាចំនួន ៤លីត្រ ហើយក្នុងការចាក់បំពេញម្ដង វាអាចហោះបានរយៈពេល ៣ ទៅ ៤នាទី។ លោកបន្ថែមថា ឥឡូវនេះលោកក៏មានជម្រើសមួយទៀតផងដែរ ដែលមានសមត្ថភាពហោះបានក្នុងរយៈពេលប្រហែលជា ៩នាទី។ ចំពោះអ្នកដែលទិញឈុតនេះ នឹងត្រូវផ្ដល់ជូននូវការហ្វឹកហាត់ជាមុនសិន៕
