គន្លឹះកំពូលទាំង ១០ បើចង់ថតរូប Portrait ឲ្យមានភាពលេចធ្លោ

2018-07-20 00:02:30
ចំណេះដឹង

2018-07-20 00:02:30
ចំនួនមតិ 0 | ចំនួនចែករំលែក 0

ចន្លោះមិនឃើញ

បើចង់ថតរូបលក្ខណៈ Portrait ដូចអ្នកអាជីព មិនពិបាកខ្លាំងនោះទេ មានកាមេរ៉ា Subject និងទីតាំងសមប្រកប ដំណើរការថតរូបលក្ខណៈ Portrait មានភាពងាយស្រួលរួចទៅហើយ គ្រាន់តែបូកផ្សំបច្ចេកទេសមួយចំនួនទៀត លទ្ធផលនឹងចេញមកគួរឲ្យភ្ញាក់ផ្អើល។

១) មានគម្រោង

គិតពីតារាម៉ូដែល ដែលងាយស្រួលទទួលយកគំនិតថ្មី ព្រមជាមួយបញ្ជីជម្រើសទីតាំង ទៅតាមពេលវេលាខុសគ្នា និងលក្ខខណ្ឌអាកាសធាតុខុសគ្នា។

ទិដ្ឋភាពងាយស្រួលថតបំផុត គឺពេលមេឃជិតភ្លៀង ដែលមានពពកដុំធំៗ មានពន្លឺថ្ងៃល្មម។ នៅថ្ងៃស្រលះល្អ អាចថតពេលថ្ងៃលិច ឬរះ នៅពេលព្រះអាទិត្យចុះទាប និងទីតាំងតារាម៉ូដែល មានពន្លឺព្រះអាទិត្យនៅពីក្រោយ។

មិនថាថតនៅទីតាំងខាងក្រៅ ឬក្នុងស្ទូឌីយោ អាចអនុវត្តបច្ចេកទេសធ្លាប់បានប្រើប្រាស់ជាមួយមិត្តភក្តិ នឹងទទួលបានលទ្ធផលគាប់ចិត្ត។

២) ថតប្រើ Prime lens

Prime lens មាន Focal lengthមិនអាចកែបាន ដូចជា 50mm, 85mm ឬ 135mm។ ចំណុចល្អគឺមាន Aperture ធំគ្រប់គ្រាន់ជាង Zoom lens ដែលអាចបង្កើតជម្រៅទិដ្ឋភាពរាក់បានងាយស្រួល ក្នុងការផ្ដាច់ Subject ពីផ្ទៃខាងក្រោយ។

បញ្ហាមួយ ប្រហែលអាចជួបប្រទះពេលថតខាងក្រៅ និងក្នុងស្ទូឌីយោគឺ Flash ដែលមិនអាចសម្រេចបាននូវ Exposure ត្រឹមត្រូវជាមួយ Aperture កំណត់ f/1.4 ឬ f/1.8 នោះឡើយ។

នេះអាចដោះស្រាយបានដោយប្រើ Neutral density (ND) filter ដែលជួយកាត់បន្ថយចំនួនពន្លឺចូល Lens ដោយមិនប៉ះពាល់ដល់ពណ៌។ មានន័យថា អាចថតប្រើ Aperture ធំក្នុងលក្ខខណ្ឌភ្លឺបាន។ 2 Stop NDs និង Variable NDs Filter ជាជម្រើសល្អបំផុតសម្រាប់ថតរូប Portrait។

៣) ចាប់អារម្មណ៍លើចំណុច Focus

ការ Focus ជាជំនាញសំខាន់កំណត់ចំណុចល្អ ឬអាក្រក់របស់ Subject ពេលថត តែបើប្រើ Aperture ធំដូចជា f/1.8 អាចពិបាកក្នុងការ Focus។ Aperture ធំនឹងធ្វើឲ្យជម្រៅទិដ្ឋភាពរាក់ខ្លាំង ដែលត្រូវការ Focus ឲ្យបានល្អ នឹងត្រឹមត្រូវលើផ្នែករបស់ Subject ដោយគួរ Focus លើភ្នែករបស់ Subject ដែលនៅជិតកាមេរ៉ាបំផុត។

នេះជួយប្រាកដថាចំណុចចាប់អារម្មណ៍របស់រូបភាព (ភ្នែក) មានទំនាក់ទំនងជាមួយអ្នកមើល។ កំណត់កាមេរ៉ាប្រើ Single point AF និងជ្រើសរើសចំណុច Focus ជិតបំផុតត្រង់ភ្នែករបស់ Subject ពេលចាប់ប្លង់តាម Viewfinder។

៤) គិតពីផ្ទៃខាងក្រោយ

ផ្ទៃខាងក្រោយគួរតែស្រលះល្អ បន្ថែមការចាប់អារម្មណ៍លើ Subject បាន អាចជាជញ្ជាំង ឬរុក្ខជាតិ។ ប្រើផ្ទៃខាងក្រោយសាមញ្ញ ពេលថតនៅកម្រិត Aperture ធំ ដោយកុំប្រើផ្ទៃខាងក្រោយមានលក្ខណៈស្មុគស្មាញ។ ធ្វើយ៉ាងណា ផ្ដាច់ការចាប់អារម្មណ៍ផ្ទៃខាងក្រោយ និងផ្ទៃខាងមុខ។

៥) ប្រើ Auto ISO

ជាមួយ Auto ISO កាមេរ៉ានឹងជ្រើសរើស ISO setting ទាបបំផុតតាមតែអាចទៅរួច ដោយស្វ័យប្រវត្តិ ដើម្បីសម្រេចបាន Shutter speed លឿនគ្រប់គ្រាន់ ជួយបង្ការពេលកាមេរ៉ារង្គើជាមួយ Lens ពេលកំពុងប្រើប្រាស់ កុំឲ្យរូបភាពខូចព្រាល។ កាមេរ៉ាជាច្រើន អាចឲ្យអ្នកកំណត់ Shutter speed លឿនជាងកាមេរ៉ាជ្រើសរើសឲ្យ។

Auto ISO អាចឲ្យអ្នកកំណត់កម្រិតពន្លឺតាមចិត្តចង់បាន ដែលគួរតែ ISO 100 ឬ 200 អាស្រ័យលើកាមេរ៉ា។ ជម្រើសមានសុវត្ថិភាព គួរកំណត់ធំបំផុតត្រឹម ISO 1600 អាចធានារូបភាពច្បាស់ សូម្បីតែកម្រិតពន្លឺប្រែប្រួល។

៦) ពន្លឺ

ពន្លឺជាចំណុចសំខាន់ជាងគេ ដោយគ្មានពន្លឺល្អគ្រប់គ្រាន់ រូបភាពនឹងចេញមកមើលទៅធុញទ្រាន់។ ការថតរូប Subject ក្បែរបង្អួតជាវិធីល្អមួយ មានផ្ទៃខាងក្រោយស្អាតស្រលះ។ រូបភាពប្រភេទនេះ អាចប្រើ ISO setting ខ្ពស់ដូចជា ISO 3200 ក៏ដូចជា Exposure compensation ដើម្បីគ្រប់គ្រង Exposure។ ពេលគ្មានពន្លឺ អាចប្រើ Flash ជួយបាន។

៧) ថតនៅកម្រិតភ្នែក Subject

ការថតរូបពីមុំទាបទៅ ធ្វើឲ្យ Subject មើលទៅមានឥទ្ធិពល ឬលេចធ្លោ។ ការថតពីមុំខ្ពស់ទៅ ធ្វើឲ្យ Subject តូច។

កំហុសសាមញ្ញចំពោះ រូបក្មេងៗ និងសត្វចិញ្ចឹម សម្រាប់អ្នកថតរូបជាច្រើន ថតពីត្រឹមកម្ពស់ឈររបស់ Subject ធ្វើឲ្យលទ្ធផលមិនសូវល្អ ឬ Subject រួមតូច។

គួរតម្រង់ចុះក្រោមបន្តិចត្រឹមកម្រិតភ្នែកបស់ Subject នឹងជួយពង្រឹងគុណភាពរូបភាព។

៨) តម្រង់ចំ Subject

គួរពន្យល់ពីអ្វីអ្នកចង់បាន ទៅកាន់តួម៉ូដែល ឬ អាចស្វែងរកគំរូនានា នៅលើទស្សនាវដ្ដី។ មិនថាធ្វើការជាមួយតារាម៉ូដែលអាជីព ឬ មិត្តភក្ដិ ឬសមាជិកគ្រួសារ ស្នើពួកគេ ឲ្យងើយបែរមុខចំកាមេរ៉ា។

៩) ធ្វើការលើគម្រោងផ្ទាល់ខ្លួន

គួរថតរូបលើគម្រោងផ្ទាល់ខ្លួនដែលអនុវត្តតាម Theme អាចជាបច្ចេកទេស ឬការរៀបចំ Subject ឬបែបបទនៃការកាត់ត។

Theme រួមបញ្ចូលការថតនរណាម្នាក់ប្រឈមនឹងជញ្ជាំងពណ៌ស, ថតផ្ដោតត្រឹមក្បាលជាមួយ Flash, ថតផ្ដោតលើមនុស្សប្រុសមានពុកចង្កា, ទិដ្ឋភាពសរខ្មៅ, Portrait នៅកម្រិតពន្លឺទាប ឬមនុស្សនៅកន្លែងធ្វើការ។

ការធ្វើការលើគម្រោងមួយជាមួយ Theme បានកំណត់ អាចឲ្យអ្នកផ្ដោតលើផ្នែកនីមួយៗ សម្រាប់ថតបានល្អប្រសើរ។

១០) បង្កើតស្ទិល

ការកាត់ត ជាចំណុចសំខាន់អាចជួយបែកចែកភាពខុសគ្នា ពីអ្នកថតដទៃទៀត និងអាចជួយផលិតរូបចេញមកជាលក្ខណៈអាជីព។ ពណ៌សម្បុរស្បែក ជាចំណុចគួរដោះស្រាយ តែធ្វើយ៉ាងណាកុំឲ្យបាត់បង់ភាពធម្មជាតិ ចង់ថាកុំកែជ្រុលពេក។

ថតប្រើទម្រង់ Raw និងកែច្នៃបន្ថែម Effect លើកម្មវិធីកាត់តនានាដូចជា Photoshop ជាដើម៕