- 2018-07-17 02:20:00
- ព័ត៌មាន
ស្មាតហ្វូនថ្មីមួយរបស់ Asus កម្លាំងម៉ាស៊ីនឡើងកប់ តែតម្លៃធូរថ្លៃមែនទែន
- 2018-07-17 02:20:00
- ចំនួនមតិ 0 | ចំនួនចែករំលែក 0
ស្មាតហ្វូនថ្មីមួយរបស់ Asus កម្លាំងម៉ាស៊ីនឡើងកប់ តែតម្លៃធូរថ្លៃមែនទែន
ចន្លោះមិនឃើញ
ZenfoneMax Pro M1 ជាស្មាតហ្វូនជំនាន់ថ្មីរបស់ក្រុមហ៊ុន Asus ដែលទើបនឹងប្រកាសដាក់លក់ជាផ្លូវការនៅទីផ្សារក្នុងស្រុក កាលពីពេលថ្មីៗនេះ។
Max Pro M1 ស្រោបដោយអាលុយមីញ៉ូម អេក្រង់ខាងមុខ ទំហំ ៦ អ៊ិញ អាចបង្ហាញរូបភាពបានកម្រិត FullHD ។
Max Pro M1 ដំណើរការដោយ Android 8.1(Oreo) ប្រើបន្ទះឈីប Qualcomm Snapdragon 636 ទទួលបានពិន្ទុលើ Antutu គឺ ១១៦ ០០០ ប្រើ GPU Octa-core ល្បឿន ១,៨ Ghz Andreno 509 ជួយឲ្យការលេងហ្គេមដំណើការបានរលូន។ មានកន្លែងរន្ធដោតមេម៉ូរីកាតប្រភេទ MicroSD បានដល់ 512GB និងកន្លែងដាក់ស៊ីមជាមួយគ្នា មានជម្រើសបីប្រភេទ RAM 4GB និង 6GB ទំហំផ្ទុកក្នុងម៉ាស៊ីន 64GB។ RAM 3GB ទំហំផ្ទុកក្នុងម៉ាស៊ីន 32GB។
មានកាមេរ៉ាភ្លោះខាងក្រោយ ១៣ មេហ្គាភិចសែល( f/2.2) មានបច្ចេកវិទ្យា PDAF និងមួយគ្រាប់ទៀត ៥ មេហ្គាភិចសែល(f2.4) គ្មានបច្ចេកវិទ្យា AF និង depth sensor ។ យ៉ាងណាកាមេរ៉ាក្រោយនោះ មានមុខងារ Portrait mode (ថតព្រាលផ្ទៃក្រោយ) Food Mode, Face detection, HDR, Panorama, touch focusទាំងអស់នេះអាចជួយឲ្យរូបភាពមួយសន្លឹករបស់អ្នក បង្ហាញភាពច្បាស់ និងដិតបានយ៉ាងស្អាត បែងចែកផ្ទៃ Subject និងផ្ទៃខាងក្រោយបានល្អ ហើយក៏មាន LED Flash មួយគ្រាប់ជំនួយដែរ។ ចំពោះការថតវីដេអូបានដល់កម្រិត 4K
ឯកាមេរ៉ាមុខ ៨ មេហ្គាភិចសែល(f2.2) មាន LED Flashមួយគ្រាប់ទៀត។ សម្រាប់ម៉ូឌែល RAM 6GB១៦ មេហ្គាភិចសែលក៏មាន LED Flash ដែរមាន កាមេរ៉ាមុខភ្លោះ។
ជាស្មាតហ្វូនមានថាមពលថ្មខ្លាំងរហូតដល់ ៥០០០ មីលីអំពែម៉ោង បើប្រើសម្រាប់ធម្មតា(Stand by) បាន ៨៤០ ម៉ោងស្មើរនិង ៣៥ ថ្ងៃ។ បើប្រើសម្រាប់ការនិយាយ(Talk time) បាន ៤២ ម៉ោងស្មើនិង ២ ថ្ងៃ។ បើប្រើសម្រាប់តែចាក់ចម្រៀងបំបាត់ភាពអផ្សុក(Music play) បាន ១៩៩ ម៉ោងស្មើនិង ៨ ថ្ងៃ។
ជាស្មាតហ្វូនតែមានវិទ្យុ FM ប្រើ USB Micro 2.0និង USB-On-the-Go អាចស៊ែរ Wi-Fi Direct ទៅកាន់ស្មាតហ្វូនដទៃបាន ចំណែកប្រព័ន្ធសុវត្ថិភាពវិញ មានមួយកំប្លេតាំងពី Face unlock, fingerprint, Secure Folder និង Screen Pining ជាដើម។
សម្រាប់កម្ពុជាមានលក់ ២ ពណ៌គឺ ខ្មៅនិងពណ៌ប្រាក់ ជាមួយតម្លៃជាង ១៦៩ ដុល្លារ៕