- 2018-07-17 02:36:57
- ចំណេះដឹង
មិនបាច់ចាយលុយដល់ iPhone X ត្រឹម iPhone SE ក៏ល្មមគិតគូរបាន
- 2018-07-17 02:36:57
- ចំនួនមតិ 0 | ចំនួនចែករំលែក 0
មិនបាច់ចាយលុយដល់ iPhone X ត្រឹម iPhone SE ក៏ល្មមគិតគូរបាន
ចន្លោះមិនឃើញ
iPhone ម៉ូដែលចុងក្រោយរបស់ Apple ស្អាត លឿន មិនធ្លាប់មាន តែតម្លៃខ្ទង់ពាន់ ខណៈ iPhone 5E ជាម៉ូដែលមួយមិនគួរមើលរំលង អាចលើសពីតម្លៃធូរថ្លៃ។
១) តម្លៃសមរម្យល្មមអាចទិញប្រើបាន មិនច្រើននាក់នោះទេ ហ៊ានចាយលុយលើម៉ូដែលខ្ទង់ពាន់របស់ Apple។ ការទិញស្មាតហ្វូនមិនមែនបង្អួតគេនោះទេ តែសមរម្យ អាចមានលទ្ធភាពទិញ និងប្រើបានយូរ។ ទំហំ Storage 32GB បូកផ្សំនឹងបច្ចេកវិទ្យាក្នុង iPhone 6S មានលើ iPhone SE ធ្វើឲ្យម៉ូដែលនេះ ជាជម្រើសដ៏ល្អ។
២) iPhone SE លឿន iPhone SE បំពាក់ Chip A9 របស់ Apple ដែលមានប្រើក្នុង iPhone 6S និង iPad ភាគច្រើន។ ដោយសារតែ Chip នេះធ្វើឲ្យ Apple ហៅម៉ូដែលនេះថា ជាស្មាតហ្វូនទំហំ ៤ អ៊ីងល្បឿនកប់។
A9 ធ្វើឲ្យម៉ូដែលនេះ អាចថតវីដេអូកម្រិត 4K, លេងហ្គេមកម្រិត HD និងការងារមួយចំនួនទៀតបានរហ័ស។ ពិសេស ធ្វើឲ្យ iPhone SE មានអារម្មណ៍ជាស្មាតហ្វូនទំនើបប្រើប្រចាំថ្ងៃ។
៣) កាមេរ៉ាច្បាស់ល្អ iPhone SE មិនមានមុខងារទប់លំនឹង ឬកម្រិតពណ៌ច្រើនដូចនឹង iPhone ថ្មីៗនេះទេ ដូច្នេះលទ្ធផលមិនសូវល្អនោះទេ ពេលថតក្រោមពន្លឺទាប ហើយវីដេអូក៏ដើរមិនសូវរលូនផងដែរ។ តែមុខងារល្អៗ ចាប់ពីវីដេអូកម្រិត 4K ទៅរូបភាព HDR មានបំពាក់ក្នុង iPhone SE។ ក៏អាចរីករាយជាមួយ Live photos លើ iPhone SE ផងដែរ អាចថាមានស្ទើរគ្រប់យ៉ាងលើ iPhone ថ្មីៗនេះ។
រូបភាពផលិតពី iPhone SE ច្បាស់ល្អអាចទទួលយកបានជាមួយកាមេរ៉ាទំហំ 12 Megapixels ស្ទើរតែដូចនឹង iPhone 7, iPhone 8 និង iPhone X។
៤) ៤អ៊ីង មិនតូចមិនធំល្មមប្រើ iPhone SE មិនតូចនោះទេ បើមិនប្រៀបធៀប ទំហំនេះ ល្មម ងាយស្រួលកាន់ប្រើប្រាស់។ iPhone X ប្រើកញ្ចក់ផ្នែកខាងក្រោយ អាចថាងាយប្រេះស្រាំ និងគែមប្រើលោហៈ រលោងងាយស្រួលរបូតដៃធ្លាក់។
៥) iPhone SE មានរន្ធកាស ចាប់ពី iPhone 7 ឆ្នាំ ២០១៦ រាល់ម៉ូដែល iPhone ថ្មីៗ រួមទាំង iPhone 8 និង X បានលុបបំបាត់រន្ធកាស។ បើអ្នកមានកាស Bluetooth រួចហើយជាមួយ AirPods របស់ Apple នេះមិនមែនជាបញ្ហានោះទេ។ តែតាមបណ្ដោយផ្លូវនានា ប្រហែលសម្គាល់ឃើញមនុស្សជាច្រើនប្រើរន្ធកាសនេះ ជាមុខងារចាំបាច់មួយលើស្មាតហ្វូនទំនើប។
៦) iPhone SE ប្រើប្រព័ន្ធប្រតិបត្តិការដូចគ្នានឹងម៉ូដែលថ្មីៗ ម៉ូដែល iPhone អាចប្រើប្រព័ន្ធប្រតិបត្តិការចុងក្រោយ iOS ដូចគ្នា ដោយអាចប្រើ App Store, iMessage, កំណែទម្រង់ថ្មីទាក់ទងនឹងសុវត្ថិភាព ព្រមទាំង Emoji ថ្មីដូចនឹង iPhone X ដែរ។
បើនៅស្ទាក់ស្ទើរ Apple បានផ្ដល់ជម្រើសក្នុងវេបសាយ ងាយស្រួលប្រៀបធៀបផលិតផល និងធ្វើការសម្រេចចិត្តផ្អែកលើលក្ខណៈសម្បត្តិនានា។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ