ចេះប្រើបច្ចេកវិទ្យាទាំងនេះ ទៅដើរលេងស្រុកគេមិនបាច់ភ័យទេ

2018-07-16 02:35:33
ចំណេះដឹង

2018-07-16 02:35:33
ចំនួនមតិ 0 | ចំនួនចែករំលែក 0

ចន្លោះមិនឃើញ

បើធ្វើដំណើរកម្សាន្តទៅក្រៅប្រទេស ប្រាកដជាជួបបញ្ហាមួយចំនួន មិនធំនោះទេ ទាក់ទងនឹងភាសា ទីកន្លែងកម្សាន្ត ជាពិសេសចំពោះប្រទេសមិននិយមប្រើភាសាអង់គ្លេស។ តែ បច្ចេកវិទ្យា អាចជួយសម្រួលផលពិបាកទាំងនេះបាន។

ស្មាតហ្វូន

ពេលភ្ជាប់ Wi-Fi មិនថានៅប្រលានយន្តហោះ ឬសណ្ឋាគារនោះទេ អាចប្រើធ្វើការបានច្រើន ដូចជាពិនិត្យមើលអ៊ីមែល ឬ Facebook, ផ្ញើសារតាម iMessage ឬ Facebook Messenger ឬ WhatsApp។

ប្រាកដថាស្មាតហ្វូន មិនត្រឹមតែ Unlock ប៉ុណ្ណោះទេ ថែមទាំងអាចប្រើបណ្ដាញមានក្នុងប្រទេសដែលទៅលេងផងដែរ។ នៅសហរដ្ឋអាមេរិក មាន AT&T និង T-Mobile ប្រើបណ្ដាញ GSM ខណៈ Sprint និង Verizon ប្រើ CDMA។ យ៉ាងណាមិញ ប្រទេសភាគច្រើនប្រើ GSM។ នេះអាចថា មិនសូវបារម្ភ ដោយសារម៉ូដែលស្មាតហ្វូនក្រោយៗជាច្រើន ពីក្រុមហ៊ុន Apple, Google, Motorola និង Samsung អាចប្រើបណ្ដាញទាំងពីរ។

បើទូរសព្ទអាចប្រើត្រឹម CDMA ហើយទៅលេងនៅប្រទេសប្រើ GSM អ្នកប្រហែលត្រឹមមានសង្ឃឹមលើ Wi-Fi ប៉ុណ្ណោះ ដូច្នេះ គួរទិញទូរសព្ទ Android ធូរថ្លៃអាចប្រើ GSM ស្រគួរបន្ថែម បើអាច ទុកពេលត្រូវការ សម្រាប់ដំណើរកម្សាន្ត។

មួយវិញទៀត ពេលចូលដល់ប្រទេសក្រៅ គួរទិញស៊ីមកាតថ្មី ភ្ជាប់ជាមួយគម្រោងទិន្នន័យតាមការគួរ ដើម្បីអាប់ដេតព័ត៌មានជាមួយមិត្តភក្ដិ និងក្រុមគ្រួសារ។ នេះជួយអ្នកកុំឲ្យបាត់ ទំនាក់ទំនង។

លេខសម្ងាត់ទីពីរ

Two-factor authentication ជាស្រទាប់សុវត្ថិភាពមួយតង់ពីលើពាក្យសម្ងាត់ ប្រើការពារគណនីចូលបណ្ដាញសង្គមនានា។ បើចៃដន្យចង់ Reset លេខសម្ងាត់ មុខងារសុវត្ថិភាពនេះ នឹងបញ្ជូនសារលេខកូដទៅកាន់លេខទូរសព្ទ អ្នកបានប្រើនៅក្នុងស្រុក ដែលមិនអាចប្រើបាននៅក្រៅស្រុកទេ។ ដូចនេះ គួរមានគម្រោង មុនពេលចាកចេញ ប្រាកដថាគណនីសំខាន់ៗ កំណត់ប្រើវិធីផ្សេងដើម្បី Verify ជាមួយកម្មវិធីដូចជា Authy ឬ Google Authenticator។

iMessage

iMessage ពឹងផ្អែកលើទិន្នន័យ មិនមែន SMS នោះទេ ពេលភ្ជាប់ទៅកាន់អ៊ីនធឺណិត គ្រប់យ៉ាងដំណើរការប្រក្រតី តែ iMessage ត្រូវការលេខទូរសព្ទអ្នក បើផ្លាស់ប្ដូរស៊ីមកាត កម្មវិធីអាចដំណើរការមិនប្រក្រតី។

ដូចនេះ អ្នកប្រើ iPhone ចង់ទំនាក់ទំនងទៅកាន់ អ្នកប្រើ iPhone ដទៃ គួរមានគម្រោងជាមុន ដោយអាចប្ដូរប្រើអ៊ីមែល សម្រាប់បញ្ជូន និងទទួលសារលើ iMessage ជំនួសវិញ ដោយចូលទៅកាន់ Settings > Messages > Send & Receive រួចជ្រើសរើសអ៊ីមែល ទាំងនៅផ្នែក Can be reached និង Start new conversations from។ ពេលត្រលប់មកផ្ទះ អាចផ្លាស់ប្ដូរគ្រប់យ៉ាងមកធម្មតាវិញ។

ប្រើកម្មវិធីផ្ញើសារក្រៅ

SMS ជាមួយលេខទូរសព្ទថ្មី អាចថ្លៃបន្តិច នៅក្រៅប្រទេស ដូចនេះ អាចពិចារណាកម្មវិធីផ្ញើសារនានា ដូចជា Facebook Messenger បាន ដោយត្រូវការត្រឹមទិន្នន័យប៉ុណ្ណោះ អាចផ្ញើសារ Call ជាសំឡេង ឬវីដេអូ ប៉ុន្តែបានតែជាមួយ អ្នកប្រើ Facebook Messenger ដូចគ្នា។

ត្រង់ចំណុចនេះ អាចសាកល្បង TextNow បានជាជម្រើសល្អ សម្រាប់អ្នកធ្វើដំណើរកម្សាន្ត ក្រៅប្រទេស កំណត់ភ្ជាប់លេខទូរសព្ទអ្នក ហើយអាចផ្ញើសារទៅកាន់អ្នកដទៃ មិនប្រើ TextNow បាន។

Google Translate

ភាសា ជាចំណុចសំខាន់មួយ ក្នុងការប្រាស្រ័យទាក់ទង ពេលដើរលេងនៅក្រៅស្រុក នេះអាចដោះស្រាយជាមួយកម្មវិធី Google Translate អាចប្រើទាំងលើ Android និង iOS ដោយឥតគិតថ្លៃ អាចបកប្រែ ពាក្យ ឃ្លា សំឡេង ឬ អក្សរលើផ្ទាំងនានា។

កម្មវិធីអាចដំណើរការល្អ ពេល Online តែក៏អាចប្រើ Offline បានដែរ បើបានទាញយកសំណុំទិន្នន័យបកប្រែទុក។ ដើម្បីសន្សំសំចៃពេលវេលា និងទិន្នន័យ ពេលដើរលេង គួរទាញយកសំណុំភាសាទុក។ ចុចលើ icon Settings > Offline translate > ចុចលើសញ្ញាបូកនៅជ្រុងលើខាងឆ្វេង > ជ្រើសរើសភាសាចង់ទាញយក។

Google Maps

កម្មវិធីនេះ ក៏អាចប្រើបានពេល Offline ផងដែរ ពីទីតាំងមួយ ទៅមួយទៀត អាចជួយសន្សំទិន្នន័យបានច្រើនដែរ បើអ្នករកមើលកន្លែងដដែលៗ។

ដើម្បីប្រើមុខងារនេះ បើកកម្មវិធី Google Maps > ពង្រីកមើលរហូតដល់ឃើញតំបន់ចង់រក្សាទុក > ចុចលើ icon Menu > ជ្រើសរើស Offline maps > ចុចលើ Custom map > ប្រាកដថាតំបន់លើផែនទីត្រឹមត្រូវតាមការចង់បាន ចុច Download។ គួរដឹងផងដែរ ជា Default កម្មវិធីនឹងទាញយកផែនទី ពេលភ្ជាប់ Wi-Fi បើចង់អនុញ្ញាតប្រើទិន្នន័យ Mobile ចុចលើ icon Gear ហើយជ្រើសរើសជម្រើសផ្សេងទៀត។

យកប៊្រីភ្លើងស្រគួរ

កន្លែងនានា បានទៅលេងប្រហែលផ្ដល់ជម្រើសប្រ៊ីភ្លើងតែមួយ នេះមិនគ្រប់គ្រាន់ទេ បើម្ចាស់កន្លែងប្រើដែរ។ ដូច្នេះ គួរយកប្រ៊ីភ្លើងបំបែក ហើយក៏គួរមានក្បាលដោតបំបែកជើងពីរ ឬបីផងដែរ ព្រោះរន្ធដោតភ្ជាប់អាចខុសគ្នាតាមកន្លែង។

Speaker

ដើរលេង អត់មានតន្ត្រី ហាក់ខ្វះអ្វីម្យ៉ាង ជំរុញអារម្មណ៍ ឲ្យស្រលះល្អ។ គួរមាន Speaker ដែលតូចល្មម ស្រាល ងាយស្រួលយកតាមខ្លួន៕