- 2018-06-28 11:09:40
- គន្លឹះ
ថែទាំល្អគ្រប់សព្វ តែបើភ្លេចអើពើចំណុចតូចនេះ អ្នកជិះឡានដឹងតែជួបបញ្ហាធំ
- 2018-06-28 11:09:40
- ចំនួនមតិ 0 | ចំនួនចែករំលែក 0
ថែទាំល្អគ្រប់សព្វ តែបើភ្លេចអើពើចំណុចតូចនេះ អ្នកជិះឡានដឹងតែជួបបញ្ហាធំ
ចន្លោះមិនឃើញ
នៅពេលដែលនិយាយពីការថែទាំរថយន្ត មនុស្សមួយចំនួនតែងផ្តោតការយកចិត្តទុកដាក់លើប្រេងម៉ាស៊ីន អាគុយ ហ្វ្រាំងនិងភ្លើងហ្វាតែប៉ុណ្ណោះ។ ជាទូទៅ អ្នកបើកបរតែងតែមើលរំលងផ្លិតទឹក ដែលដើរតួនាទីសំខាន់សម្រាប់ការបើកបរយានយន្តប្រកបដោយសុវត្ថិភាព។
អ្នកបើកបរភាគច្រើនមិនបានដឹងពីសារៈសំខាន់ ក្នុងការផ្លាស់ប្តូរផ្លិតទឹករថយន្តឲ្យបានទៀងទាត់ ឬមិនបានចាប់អារម្មណ៍ពីថ្ងៃផុតកំណត់នៃការប្រើប្រាស់តែម្ដង។
ផ្លិតទឹកដែលប្រើប្រាស់បក់ចុះឡើងនៅលើកញ្ចក់យូរ ជាតិជ័ររបស់វាអាចធ្វើឲ្យកញ្ចក់ស្រអាប់ និងបង្កជាសម្លេងរំខាន។ បើទុកចោលកាន់តែយូរ វាអាចបង្កជាហានិភ័យខ្ពស់ពេលបើកបរក្នុងរដូវភ្លៀង និងអាចនាំឲ្យមានគ្រោះថ្នាក់ជាយថាហេតុ។ ដើម្បីធានាពីសុវត្ថិភាព អ្នកជំនាញបានណែនាំថា អ្នកប្រើប្រាស់ត្រូវផ្លាស់ប្តូរផ្លិតទឹករថយន្តរៀងរាល់ ៦ ខែម្ដង ឬប្តូរវាចេញពេលមានបញ្ហាដូចខាងក្រោម៖
១. មានស្នាមកូត
នេះបណ្ដាលមកពីបរិយាកាសកខ្វក់ ធូលី និងសត្វល្អិត។ វាអាចធ្វើឲ្យបន្ទះជ័ររបស់ផ្លិតទឹកដាច់រហែក ដូច្នេះនៅពេលដែលបញ្ជាផ្លិតទឹក អ្នកនឹងឃើញស្នាមកូតនៅលើកញ្ចក់។
២. កៀរទឹកនៅមានចន្លោះផ្នែកខ្លះ
មានស្នាមទឹកដក់នៅសល់លើកញ្ចក់រថយន្ត ដោយសារតែដងស្លាបរបស់វាចាប់ផ្តើមខូចទ្រង់ទ្រាយ ព្រោះតែខានប្រើប្រាស់មួយរយៈ និងស្ថិតនៅក្រោមសីតុណ្ហភាពក្តៅខ្លាំង។ ចំណុចតូចតាចនេះ នឹងបង្កឲ្យក្លាយជាបញ្ហាធំបាននៅថ្ងៃក្រោយ បើយើងមិនបានយកចិត្តទុកដាក់ចំពោះវា។
៣. ញ័រ និងកកិតខ្លាំងនៅពេលប្រតិបត្តិ បើទោះជានៅកម្ពុជាមិនទាន់ជួបប្រទះគ្រោះធម្មជាតិអាក្រក់ខ្លាំងដូចជា ព្យុះព្រិល ឬព្យុះខ្សាច់មែន តែភាពកខ្វក់ដែលមាននៅក្នុងស្រទាប់បរិយាកាស អូហ្សូន និងកាំរស្មីយូវី នៅតែជះផលអាក្រក់ចំពោះជ័រកៅស៊ូរបស់ផ្លិតទឹក ដែលបង្កឲ្យវាមានស្នាមប្រេះ និងរហែក។
៤. ពន្លឺផ្លាតពីព្រះអាទិត្យ
នៅក្រោមឥទ្ធិពលនៃផលប៉ះពាល់ពីបរិយាកាស ផ្លិតទឹកងាយនឹងខូចណាស់ បើបន្តប្រើប្រាស់យូរ វាអាចបង្កឲ្យមានស្នាមកូតកាន់តែច្រើន និងធ្វើឲ្យកញ្ចក់ឡានកាន់តែស្រអាប់។
កត្តាទាំងអស់នេះ នឹងផ្តល់ផលពិបាកដល់ការមើលផ្លូវ ពិសេសពេលអ្នកបើកបរក្នុងអំទ្បុងពេលភ្លៀងធ្លាក់។ បញ្ហានេះមិនត្រឹមតែបង្កផលប៉ះពាល់ចំពោះអ្នកបើកបរប៉ុណ្ណោះទេ វាក៏កើតជាហានិភ័យខ្ពស់ដល់អ្នកដទៃផងដែរ។
ដើម្បីជួយសម្រួលក្នុងការផ្លាស់ប្តូរផ្លិតទឹករថយន្ត ក្រុមហ៊ុន Bosch មានការតាំងបង្ហាញផលិតផល ចាប់ពីថ្ងៃទី ២៩ មិថុនាដល់ ១ កក្កដា នៅពិព័រណ៍ផលិតផលអឺរ៉ុបកោះពេជ្រ អគារ K & L ជាមួយមានការបញ្ចុះតម្លៃពិសេស និងការផ្តល់ជូននូវវត្ថុអនុស្សាវរីយ៍ជាច្រើនទៀត៕
