Apple ចេញសារព្រមាន កុំឲ្យម្ចាស់ iPhone Jailbreak ឲ្យសោះ

2018-06-25 00:27:00
ព័ត៌មាន

2018-06-25 00:27:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Apple បានចេញសារព្រមានជាសាធារណៈដល់បណ្តាអ្នកប្រើប្រាស់ដែលចង់ Jailbreak ឧបករណ៍ iPhone/iPad និង iPod Touch។ ប្រព័ន្ធប្រតិបត្តិ iOS បង្កើតឡើងក្នុងគោលដៅពង្រឹងប្រព័ន្ធសុវត្ថិភាពនិងភាពគួរឲ្យទុកចិត្តបាន ដោយមុខងារការពារសុវត្ថិភាពបំពាក់មកស្រាប់ដើម្បីប្រឆាំងនឹង Malware ឬ Virus ក្នុងកិច្ចគាំពារទិន្នន័យព័ត៌មានបុគ្គល។

ក្រុមហ៊ុនលោក Tim Cook បានសង្កត់ធ្ងន់នូវបញ្ហាចោទ ៥ ចំណុច ដោយការ Jailbreak ម៉ាស៊ីន:

ភាពងាយរងគ្រោះប្រព័ន្ធសុវត្ថិភាព: ការ Jailbreak ឧបករណ៍នឹងកាត់បន្ថយនូវស្រទាប់ការពារទិន្នន័យបុគ្គលលើឧបករណ៍ iOS ជាហេតុធ្វើឲ្យ Hacker អាចលួចព័ត៌មាន បង្កផលប៉ះពាល់ដល់ម៉ាស៊ីន វាយលុកប្រព័ន្ធ Network និងជ្រៀតចូលនូវ Malware, spyware ឬ virus ជាច្រើន។
អស្ថិរភាព: ជាញឹកញយកម្មវិធីមានក្នុងម៉ាស៊ីននិងទាញពីខាងក្រៅ រមែងដំណើរការខុសៗលោតចេញមកក្រៅ (Crash) ហើយបាត់បង់ទិន្នន័យ។
ថាមពលថ្មចុះអន់ថយ: កម្មវិធី Hack នឹងបង្កឲ្យថាមពលថ្មចុះថយរហ័សជាងមុន។
ទិន្នន័យនិងសំឡេងមិនប្រាកដប្រជា: ការទំនាក់ទំនង Call នឹងបង្ហាញសំឡេងរអាក់រអួល មានសភាពយឺត និងបង្ហាញទិន្នន័យទីតាំង Location មិនច្បាស់លាស់។
ការរំខាននៃសេវាកម្ម: សេវាកម្មប្រើប្រាស់ដូចជា iCloud, iMessage, FaceTime, Apple Pay, Visual Voicemail, Weather និង Stocks នឹងជួបបញ្ហារអាក់រអួលឬលែងដំណើរការរៀងរហូតលើឧបករណ៍។
មិនអាចធ្វើការ Update ជំនាន់ Software ថ្មី: រាល់ឧបករណ៍ដែលរងការ Hack នឹងមិនអាចទទួលការ Update នូវប្រព័ន្ធ Software ឬកម្មវិធីថ្មីពីក្រុមហ៊ុន Apple បានឡើយ។

បញ្ជាក់ថាដំណោះស្រាយដើម្បីបញ្ចប់បញ្ហានេះ ប្រសិនណាអ្នកជ្រុលខ្លួន Jailbreak ម៉ាស៊ីនរួចទៅហើយនោះ អាចដកថយវិញបានតាមរយៈការ Restore ម៉ាស៊ីនជាជម្រើសល្អបំផុត ប៉ុន្តែពុំអាចធ្វើការErase Data ក្នុង Settings ឬ Update តាមរយៈប្រព័ន្ធ OTA (Over-the-air) បានឡើយ។