- 2018-06-23 08:35:04
- ព័ត៌មាន
ផ្អើលមួយប្រទេស ចោរថ្លើមធំជិះដល់ Rolls-Royce ទៅប្លន់អ្នករត់តាក់ស៊ីនៅកំពង់សោម
- 2018-06-23 08:35:04
- ចំនួនមតិ 0 | ចំនួនចែករំលែក 0
ផ្អើលមួយប្រទេស ចោរថ្លើមធំជិះដល់ Rolls-Royce ទៅប្លន់អ្នករត់តាក់ស៊ីនៅកំពង់សោម
ចន្លោះមិនឃើញ
មានរឿងមិននឹកស្មានដល់មួយ ក្រោយនគរបាលព្រហ្មទណ្ឌកម្រិតធ្ងន់ខេត្តព្រះសីហនុ បានទទួលបណ្ដឹងពីប្រជាពលរដ្ឋម្នាក់បានរាយការពីករណីមានជនល្មើសមួយក្រុមជិះរថយន្តទំនើប Rolls-Royce ធ្វើសកម្មភាពប្លន់បានសម្រេច។
យោងតាមប្រភពព័ត៌មានពីអគ្គស្នងការនគរបាលជាតិឲ្យដឹងថា មានជនជាតិចិន ៤ នាក់ បានប្រើប្រាស់មធ្យោបាយរថយន្ត Rolls-Royce ប្រព្រឹត្តបទល្មើសប្លន់ប្រដាប់អាវុធ។
ជនរងគ្រោះឈ្មោះ គង់ ទីប៉ោ ភេទប្រុស អាយុ៣១ឆ្នាំ ដែលជាអ្នកបើករថយន្តតាក់ស៊ី មានទីលំនៅនៅរាជធានីភ្នំពេញបានប្តឹងថា ជនជាតិចិន ៤ នាក់ បានហៅតាក់ស៊ីរបស់លោកតាមកម្មវិធី WeChat ដោយហៅដឹកទៅកន្លែងស្ងាត់ រួចធ្វើសកម្មភាពភ្ជង់ប្លន់។ ក្នុងហេតុការណ៍នេះ លោកបានបាត់បង់លុយកាក់និងអត្តសញ្ញាណបណ្ណសម្គាល់ខ្លួនមួយចំនួន។
តាមការសារភាពរបស់ជនល្មើសប្រាប់សមត្ថកិច្ចថា ពួកគេបានធ្វើសកម្មភាព ដោយហៅអ្នករត់តាក់ស៊ីដែលធ្លាប់ស្គាល់គ្នាដឹកទៅកន្លែងស្ងាត់ រួចធ្វើសកម្មភាពភ្ជង់ប្លន់ជនរងគ្រោះតែម្ដង។
សមត្ថកិច្ចបានឆែករថយន្តរបស់ក្រុមជនល្មើស ដោយដកហូតបានអាវុធខ្លីម៉ាករ៉ូឡូមួយដើម មានគ្រាប់ចំនួន ៣ គ្រាប់ និងលុយចំនួន៥០០ដុល្លារ ដែលជនល្មើសទើបនឹងប្លន់យកបាន។
ប្រភព៖ អគ្គស្នងការនគរបាលជាតិ
