Smart Watch អាចជំនួសនាឡិកាធម្មតាបានទេ?

2018-06-22 08:51:49
ចំណេះដឹង

2018-06-22 08:51:49
ចំនួនមតិ 0 | ចំនួនចែករំលែក 0

ចន្លោះមិនឃើញ

Smart Watch មានការពេញនិយមខ្លាំង ប៉ុន្មានឆ្នាំចុងក្រោយនេះ ផលិតដោយ Samsung, Apple, Fitbit និងក្រុមហ៊ុនមួយចំនួនទៀត។ មនុស្សមួយចំនួនប្រហែលគិតថា ពេលនេះចប់ហើយជំនាន់នាឡិកាធម្មតា។ តែនេះ មិនអាចកើតឡើងនោះទេ ផ្អែកលើហេតុផលទាំងនេះ។

Smart Watch ជាបច្ចេកវិទ្យាកម្រិតខ្ពស់ ខណៈនាឡិកាធម្មតា ទាន់សម័យជាង

ការរចនារបស់ Smart Watch មិនទាន់មានភាពទាន់សម័យ ជាងនាឡិកាធម្មតានោះទេ។ ឧទាហរណ៍ មិនសំខាន់ Smart Watch ផលិតមកល្អយ៉ាងម៉េចនោះទេ នៅតែប្រើអេក្រង់ LCD ដែលមិនអាចទាក់ទាញដូចនឹងកញ្ចក់ភ្លឺថ្លា មិនពិបាកមើលពេលថ្ងៃត្រង់លើនាឡិកានោះឡើយ។

ភាពរឹងមាំ

នាឡិកាធម្មតា មានភាពរឹងមាំ រួមទាំងកញ្ចក់ អាចប្រើបានយូរអង្វែង ហើយពេលប៉ះនឹងវត្ថុរឹងមានហានិភ័យតិចតួច។ Smart Watch អាចស្រមៃបាន ពេលប៉ះនឹងវត្ថុរឹង ងាយនឹងឆ្កូត ក៏ដូចជាស្រាំ អាចថាពិបាកថែទាំ។

ថាមពលថ្ម

នាឡិកាធម្មតា ថ្មមិនធំប៉ុន្មានទេ តែអាចប្រើបានរយៈពេលយូរអង្វែង ខណៈ Smart Watch ប្រើបានត្រឹមពេញមួយថ្ងៃ។ មិនអាចបន្ទោសទាំងស្រុងបានទេ ព្រោះលើ Smart Watch មានមុខងារប្រើប្រាស់ច្រើនជាង ត្រឹមមើលម៉ោង។ តែបើភ្លេច សាកថ្ម ដឹងតែអត់ម៉ោងមើលហើយ។ អ្នកក៏ប្រហែលមិនចង់ពាក់ Smart Watch ដោយអត់មានថាមពលថ្មដែរ។

នាឡិកាធម្មតាមានទ្រនិចពិតៗ ខណៈ Smart Watch មានត្រឹមអេក្រង់ LCD

នាឡិកាធម្មតា មានទ្រនិច បង្ហាញពិតៗ មានអារម្មណ៍ស្និទ្ធក្នុងការប្រើប្រាស់ ខណៈ Smart Watch គ្រប់យ៉ាងបង្ហាញមកលើអេក្រង់ គ្រាន់ជារូបបង្ហាញ។

ទាំងនេះគ្រាន់ជាហេតុផលមួយជ្រុងប៉ុណ្ណោះ ខណៈ Device ទាំងពីរ អាចថាមានភាពខុសគ្នាខ្លាំង។ នាឡិកាធម្មតា មានភាពទាន់សម័យ មិនអាចប្រកែកបាន ជាមួយការរចនាផ្ទៃមុខពិតៗ ស្អាត មានអារម្មណ៍ស្និទ្ធពេលប្រើប្រាស់ តែមិនមានមុខងារច្រើន ក្រៅពី មើលម៉ោង កាលបរិច្ឆេទ។ Smart Watch ច្រើនជាងនាឡិកាធម្មតា ការបង្ហាញម៉ោង និងកាលបរិច្ឆេទ ជារឿងមួយ តែមានមុខងារ និងបំពាក់បច្ចេកវិទ្យា រួមទាំងមាន Sensor តាមដានសុខភាពផងដែរ ដែលរាល់ប្រភេទព័ត៌មាននានាបានបង្ហាញលើអេក្រង់ LCD តូចមួយ៕