Jaguar នឹងឈប់ផលិតរថយន្ត Land Rover Discovery នៅអាមេរិក ដោយសារហេតុផលមួយ

2018-06-16 03:58:00
ព័ត៌មាន

2018-06-16 03:58:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនរថយន្តដ៏ល្បី Jaguar Land Rover បានចេញសេចក្ដីប្រកាសបញ្ជាក់ថាខ្សែស្រឡាយ Land Rover Discovery នឹងឈប់ផលិតនៅសហរដ្ឋអាមេរិកនាពេលដ៏ខ្លីខាងមុខនេះ ហើយក្រុមហ៊ុននឹងផ្លាស់ប្ដូរទីតាំងថ្មីទៅទីក្រុង Nitra សាធារណៈរដ្ឋស្លូវ៉ាគី។

Land Rover Discovery

អ្នកនាំពាក្យម្នាក់ប្រចាំនៅ Jaguarបានឲ្យដឹងពី ក្រុមហ៊ុននឹងផ្លាស់ប្ដូរសង្វាក់ផលិតកម្មរថយន្តចេញពីសហរដ្ឋអាមេរិក បន្ទាប់ពីព្រឹត្តិការណ៍ អង់គ្លេសដកខ្លួនចេញពីអឺរ៉ុប កាលពីពេលថ្មីៗ។ មូលហេតុចម្បងមួយទៀត ដោយសារការកើនឡើងនៃការចំណាយខ្ពស់ទៅលើពន្ធ។

លោកស្រីអ្នកនាំពាក្យរូបនោះបានបន្ថែមទៀតថា ដោយសារការសម្រេចបែបនេះ កាលពីខែមេសាក្រុមហ៊ុនបានកាត់បន្ថយចំនួនបុគ្គលិកជាង ១០០០ ក្នុងចំណោមបុគ្គលិកជាង ៤ ០០០០ នាក់នៅក្នុងសហរដ្ឋអាមេរិក។ ចំពោះខ្សែស្រឡាយ Discovery របស់ Jaguar អាចជាឧទាហរណ៍ដំបូងក្នុងចំណោមរថយន្តដែលនឹងដកខ្លួនចេញពីអាមេរិក។

Land Rover Discovery ដែលនឹងផលិតសាធារណៈរដ្ឋស្លូវ៉ាគី ជំនួសវិញ

ទោះបីជាយ៉ាងនេះក្ដី Jaguar នឹងធ្វើការវិនិយោគជាពិសេសមួយ ហើយថែមទាំងបំពាក់បច្ចេកវិទ្យាទំនើបៗលើរថយន្តជំនាន់ក្រោយរបស់ខ្លួនដូចជា Rang Rover, Range Rover Sport និង Range Rover Evoque ជាដើម។

មិនត្រឹមតែប៉ុណ្ណោះ តាមរយៈការលេចឮព័ត៌មានមកថា Jaguar គ្រោងនឹងបញ្ចេញម៉ូឌែល Jaguar J-Pace ដែលមានទម្រង់ស្រដៀងទៅនឹងស៊េរី Discovery ដែលផលិតនៅសហរដ្ឋអាមេរិកផ្ទាល់តែម្ដង។ ក្រៅពីម៉ូឌែល Jaguar J-Pace ដែលជារថយន្តអគ្គីសនីនាពេលអនាគត Jaguar ដែលមានទីតាំងនៅស្លូវ៉ាគីក៏នៅមានម៉ូឌែល Jaguar XJ និង Range Rover EV។ ដូចនេះ ការដកខ្លួននៃម៉ូឌែល Discovery ក៏មិនប៉ះពាល់ដល់សង្វាក់ផលិតកម្មរបស់ Jaguar ដែរនៅក្នុងសហរដ្ឋអាមេរិក៕

អានអត្ថបទបន្ត៖

ប្រភព៖ Zing ប្រែសម្រួល៖ រក្សា