- 2018-06-12 02:35:18
- ព័ត៌មាន
មកដឹងរឿងរ៉ាវរបស់សេដ្ឋីបច្ចេកវិទ្យា ៥ រូប កាលនៅវ័យ ២៥ ឆ្នាំ
- 2018-06-12 02:35:18
- ចំនួនមតិ 0 | ចំនួនចែករំលែក 0
មកដឹងរឿងរ៉ាវរបស់សេដ្ឋីបច្ចេកវិទ្យា ៥ រូប កាលនៅវ័យ ២៥ ឆ្នាំ
ចន្លោះមិនឃើញ
ជ្រោកក្រោមទ្រនំឧស្សាហកម្មបច្ចេកវិទ្យា បុគ្គលជាច្រើនរូបបានខិតខំតស៊ូរហូតបង្កើតចេញជាស្លាកយីហោនិងក្រុមហ៊ុនល្បីល្បាញ មានការទទួលស្គាល់ពីមនុស្សរាប់រយលាននាក់ជុំវិញពិភពលោក។ សង្ខេបចេញពីដំណើរជីវិតនៃស្ថាបនិក ៥ រូបរបស់ Amazon, Apple, Facebook និង Tesla អំឡុងពេលស្ថិតក្នុងវ័យ ២៥ ឆ្នាំ តើបុគ្គលជោគជ័យទាំងនោះជួបប្រទះរឿងអ្វីខ្លះ?
+ស្ថាបនិកនិងនាយប្រតិបត្តិ Amazon លោក Jeff Bezos:
កាលពីអាយុ ២៤ ឆ្នាំ លោក Bezos ទើបតែទៅបម្រើការឲ្យជាអ្នកអភិវឌ្ឍកម្មវិធីឲ្យគ្រឹះស្ថានធនាគារ Bankers Trust។ ប៉ុន្តែពីរឆ្នាំបន្ទាប់ ក៏ស្រាប់ក្លាយខ្លួនជាអនុប្រធានក្រុមហ៊ុនដែលមានវ័យក្មេងបំផុត។
+ស្ថាបនិក Apple លោក Steve Jobs:
អំឡុងពេលបញ្ចប់ការបើកទីផ្សារជួញដូរថ្ងៃទីមួយ ក្នុងខែធ្នូ ឆ្នាំ ១៩៨០ ក្រុមហ៊ុន Apple Computer មានតម្លៃទីផ្សារ ១,២ ពាន់លានដុល្លារ ជាកត្តាជំរុញឲ្យស្ថាបនិករូបនេះក្លាយជាសេដ្ឋី ក្នុងចំណោមបុរស ៣ រូបឯទៀត ប៉ុន្តែ Steve មានវ័យ ២៥ ឆ្នាំ។
+ស្ថាបនិក Facebook លោក Mark Zuckerberg:
ដំណើរការក្រុមហ៊ុន Facebook បានរយៈពេល ៥ ឆ្នាំ មុនពេលលោកឈានចូលវ័យ ២៥ ឆ្នាំ ហើយគ្រានោះក្នុងឆ្នាំ ២០០៩ បណ្តាញសង្គមយក្សមួយនេះកំពុងទទួលបានផលវិជ្ជមាន ពោលគឺមានអ្នកប្រើប្រាស់ឡើងដល់ ៣០០ លាននាក់ជាលើកដំបូង។ ក្នុងពេលនោះលោកបានសរសេរលើ Facebook ដូច្នោះថា៖ "មធ្យោបាយដែលយើងគិតអំពីរឿងនេះ គឺទើបតែជាចំណុចចាប់ផ្តើមនូវគោលដៅក្នុងការភ្ជាប់ទំនាក់ទំនងរបស់មនុស្សគ្រប់គ្នា"។ ឈានដល់ ១ ឆ្នាំបន្ទាប់ Mark ជាប់ឈ្មោះជា Person of the Year លើទស្សនាវដ្ដី Time។
+ស្ថាបនិក Oracle លោក Larry Ellison:
ក្រោយផ្លាស់ទៅរស់នៅទីក្រុង Berkely រដ្ឋ California បុរសវ័យ ២២ ឆ្នាំ ដែលបោះបង់ការសិក្សាបានប្រែក្លាយជាស្ថាបនិកក្រុមហ៊ុន Oracle ក្រោយពេលលោកចាប់យកចំណេះទាំងអំបាលម៉ានកាលនៅសិក្សាមកបង្រៀនខ្លួនឯងអំពីការបង្កើតកម្មវិធីលើកុំព្យូទ័រ។ ស្វែងរកការងារបច្ចេកទេសជាច្រើនកន្លែងដូចនៅ Fireman's Fund, Wells Fargo និង AMPEX មុនបញ្ចប់នៅ Amdahl Corp., ជាកន្លែងដែលបុរសកើតក្នុងទ្រនំក្រខ្សត់រូបនេះអាចចេះជំនាញតប្រព័ន្ធបណ្តាញឲ្យ IBM។
+ស្ថាបនិក Tesla និង SpaceX លោក Elon Musk:
កៀកដល់វ័យ ២៥ ឆ្នាំ Musk បានសម្រេចបោះបង់ការសិក្សាថ្នាក់បណ្ឌិតនៅសកលវិទ្យាល័យ Stanford ហើយវិលមកចូលរួមជាមួយ dot-com ក្នុងការបង្កើតក្រុមហ៊ុនអ៊ីនធឺណិតដំបូងបង្អស់របស់ខ្លួនឲ្យឈ្មោះ Zip2។ លុះ ៤ ឆ្នាំក្រោយ Compaq បានបោះទុន ៣០៧ លានដុល្លារទិញយកក្រុមហ៊ុនរបស់លោក ហើយ Musk ក៏ផ្តើមប្រើលុយនោះបង្កើត Startup ថ្មីមួយទៀតគឺ PayPal។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: