ចង់សាកទឹកដៃ Hack អត់ ចុះឈ្មោះលឿនឡើង អ្នកឈ្នះបានទៅសិង្ហបុរី

2018-06-06 03:20:00
ព័ត៌មាន

2018-06-06 03:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ អគ្គនាយកដ្ឋានបច្ចេកវិទ្យាគមនាគមន៍ និងព័ត៌មាន បានប្រកាសជូនដំណឹងពីការប្រកួតប្រជែងផ្នែកសន្តិសុខបច្ចេកវិទ្យាគមនាគមន៍ និងព័ត៌មាន "Cambodia Cyber Contest” សម្រាប់និស្សិត ដែលនឹងធ្វើឡើងនៅថ្ងៃទី ២៦ ខែមិថុនាឆ្នាំ ២០១៨។ ដោយចម្រាញ់យកតែបេក្ខជនជយលាភី ២រូបប៉ុណ្ណោះ នឹងត្រូវបញ្ជូនទៅប្រកួតបន្តថ្នាក់តំបន់នៅប្រទេសសិង្ហបុរី នាខែកញ្ញាឆ្នាំ ២០១៨។

រូបតំណាង

ការប្រកួតប្រជែង "Cambodia Cyber Contest” គឺជាប្រភេទនៃការប្រកួតប្រជែងថ្នាក់ជាតិផ្នែកសន្តិសុខបច្ចេកវិទ្យាគមនាគមន៍ និងព័ត៌មាន ឬអាចហៅថាជាការប្រកួត Capture The Flag ប្រភេទ Jeopardy ដែលមានទម្រង់ជាការឆ្លើយសំណួរដើម្បីទទួលបានពិន្ទុ។ ការប្រកួតនេះមានសំណួរចាប់ពីកម្រិតងាយស្រួលរហូតដល់កម្រិតពិបាកដែលទាមទារនូវសមត្ថភាព និងចំណេះដឹងមូលដ្ឋានមួយចំនួនដូចជា Binary, Crytography, Cracking, Digital Forensics, Encode, Programming និង Web ដើម្បីមានលទ្ធភាពក្នុងការដោះស្រាយសំណួរ។

#លក្ខណៈសម្បត្តិរបស់បេក្ខជនដែលអាចចុះឈ្មោះបាន៖

១. បេក្ខជនត្រូវមានអាយុមិនលើស ៣០ ឆ្នាំ
២. ត្រូវតែជានិស្សិតតាមសាកលវិទ្យាល័យ
៣. មិនមែនជាសមាជិកនៃការិយាល័យឆ្លើយតបបញ្ហាបន្ទាន់កុំព្យូទ័រ (National CERT)
៤. ត្រូវមានចំណេះដឹងផ្នែក IT / System Engineering ពាក់ព័ន្ធជំនាញដូចជា៖ Forensics, Reverse Engineering, CND(Computer Network Defence =Hardening ) និង Pentest។
៥. បេក្ខជនត្រូវមានម៉ាស៊ីនកុំព្យូទ័រយួរដៃមកដោយខ្លួនឯងដើម្បីចូលរួមប្រកួតប្រជែង។

Cambodia Cyber Contest

#លក្ខខណ្ឌកុំព្យូទ័រដែលបេក្ខជនត្រូវយកមកប្រកួត៖

OS: Window, Mac, ឬ Linux(VM)
Memory: ចាប់ពី 4GB ឬ លើសពីនេះក៏បាន
HDD: ចាប់ពី 15GB ឡើងទៅ
Conectable: ភ្ជាប់ជាមួយខ្សែ ឬប្រើ Wireless
អាចដំណើរការជាមួយ Virtual Software ដូចជា Vmware ជំនាន់ចុងក្រោយ ឬ Vitual Box
Kali Linux(បើមានកាន់តែល្អ)

#របៀបដាក់ពាក្យសុំចូលរួមប្រកួត៖

ត្រូវចុះឈ្មោះតាមគេហទំព័រ camcert ចុចទីនេះ
ទាក់ទងទៅលេខ៖ ០១៦ ៨៥១ ៦៧៨ ឬអ៊ីម៉ែល Ann-kim@mptc.gov.kh
ដាក់ពាក្យឲ្យបានមុនថ្ងៃទី ២០ ខែមិថុនា ឆ្នាំ២០១៨
ក្រុមការងារគ្រប់គ្រងការចុះឈ្មោះ បេក្ខជន នឹងធ្វើការទាក់ទងទៅបេក្ខជនដើម្បីផ្ដល់ដំណឹងអំពីការប្រកួត។

គោលបំណងនៃការប្រកួតប្រជែងខាងលើគឺសំដៅលើកកម្ពស់សមត្ថភាពជំនាញ និងវាស់ស្ទង់ចំណេះដឹងដើម្បីជំរុញការអភិវឌ្ឍវិស័យសន្តិសុខបច្ចេកវិទ្យាគមនាគមន៍ និងព័ត៌មាននៅកម្ពុជាឲ្យកាន់តែសម្បូរបែប ខណៈដែលវិស័យនេះកំពុងមានតម្រូវការខ្លាំងទាំងនៅក្នុងប្រទេស ក្នុងតំបន់ និងពិភពលោក។

Cambodia Cyber Contest

បញ្ជាក់៖ បេក្ខជនទាំងពីររូប ដែលទទួលបានជយលាភី នឹងត្រូវបញ្ជូនទៅប្រកួតនៅប្រទេសសិង្ហបុរីនាខែវិច្ឆិកា ឆ្នាំ ២០១៨ ខាងមុខនេះ ដោយមិនគិតថ្លៃសំបុត្រយន្តហោះ និងការស្នាក់នៅ ហូបចុកផ្សេងៗ៕

អានអត្ថបទបន្ត៖

អត្ថបទ៖ រក្សា