/5b0d1eb5052a3_1527586440_medium.png)
- 2018-05-29 23:35:00
- ប្រវត្តិបច្ចេកវិទ្យា
Steve Jobs អ្នកបង្កើត Apple សោះ ហេតុអ្វីបែរត្រូវ Apple ដេញចេញ?
- 2018-05-29 23:35:00
- ចំនួនមតិ 0 | ចំនួនចែករំលែក 0
Steve Jobs អ្នកបង្កើត Apple សោះ ហេតុអ្វីបែរត្រូវ Apple ដេញចេញ?
ចន្លោះមិនឃើញ
ទាំងអស់គ្នាប្រហែលជាដឹងហើយថាក្រុមហ៊ុន Apple បង្កើតឡើងដោយលោក Steve Jobs និងលោក Steve Wozniak នៅថ្ងៃទី ១ ខែមេសា ឆ្នាំ ១៩៧៦ ពេលលោក Steve Jobs មានវ័យ ២០ ឆ្នាំ។
អ្នកទាំងពីរបានបញ្ចេញទាំងកម្លាំងកាយ និងកម្លាំងចិត្ត ដោយ ១០ ឆ្នាំក្រោយមក Apple បានក្លាយជាក្រុមហ៊ុនមានតម្លៃ ២ ពាន់លានដុល្លារ និងមានបុគ្គលិកជាង ៤ ពាន់នាក់។ ប៉ុន្តែក្រោយពីបង្កើតបានកុំព្យូទ័រ Macintosh ដែលជាសមិទ្ធផលដ៏អស្ចារ្យមួយរួចមក លោក Steve Jobs ក៏ត្រូវបាន Apple បញ្ឈប់ពីការងារ ជាពេលដែលលោកទើបឈានចូលវ័យ ៣០ ឆ្នាំ។ ដល់កន្លែងនេះច្បាស់ជាមានអ្នកងឿងឆ្ងល់ថា ៖ "ហេតុអ្វីលោក Steve ត្រូវបានក្រុមហ៊ុនដែលខ្លួនជាអ្នកបង្កើត បញ្ឈប់ពីការងារនោះ?”
ទាក់ទងនឹងចំណុចនេះ លោក Steve Jobs ធ្លាប់បានបកស្រាយដូចតទៅនេះ ៖
"ពេលដែល Apple រីកធំទៅ យើង (Apple) បានជួលមនុស្សម្នាក់ដែលខ្ញុំគិតថាមានទេពកោសល្យអាចកាន់កាប់ក្រុមហ៊ុនជាមួយខ្ញុំ ហើយសម្រាប់ឆ្នាំដំបូងគ្រប់យ៉ាងដំណើរការបានល្អណាស់។ ប៉ុន្តែក្រោយមកចក្ខុវិស័យរបស់ពួកយើងមិនស្របទិសគ្នា ហើយពួកយើងមានភាពខ្វែងគំនិតគ្នាទៀតផង។
ពេលកើតមានរឿងនេះ ក្រុមប្រឹក្សាភិបាលរបស់ពួកយើង (Apple) ឈរនៅខាងគាត់ (បុគ្គលិកដែល Steve បានជួល)។ ហេតុនេះហើយ នៅវ័យ ៣០ ឆ្នាំ ខ្ញុំក៏បានចេញ ហើយចេញជាសាធារណៈទៀតផង។ អ្វីដែលខ្ញុំបានដាក់ចិត្តធ្វើពេញមួយជីវិត បានរលាយបាត់ ហើយវាបានធ្វើឲ្យខ្ញុំងើបមុខលែងរួច"។
បុគ្គលិកដែលត្រូវបាន Steve Jobs ជួលដើម្បីជួយកាន់កាប់ Apple រូបនេះ ត្រូវបានគេស្គាល់ថាជាលោក John Sculley។ លោក John Sculley បានចូលកាន់តំណែងជានាយកប្រតិបត្តិក្រុមហ៊ុន Apple នៅថ្ងៃទី ៨ ខែមេសា ឆ្នាំ ១៩៨៣ រហូតដល់ឆ្នាំ ១៩៩៣ ជាឆ្នាំដែលរូបលោកត្រូវបានក្រុមប្រឹក្សាភិបាលបង្ខំឲ្យចាកចេញពី Apple។
ត្បិតថាលោក Steve Jobs ត្រូវបានបញ្ឈប់ពី Apple មែន ប៉ុន្តែ Apple បានសម្រេចអូសលោក Steve Jobs មកបម្រើការងារក្នុងក្រុមហ៊ុនវិញនៅឆ្នាំ ១៩៩៧ តាមរយៈការទិញយកក្រុមហ៊ុន NeXT ដែលបង្កើតឡើងដោយលោក Steve Jobs នៅឆ្នាំ ១៩៨៥។ លោក Steve Jobs វិលត្រឡប់ចូល Apple វិញក្នុងតំណែងជានាយកប្រតិបត្តិបណ្ដោះអាសន្នរបស់ក្រុមហ៊ុន៕
