- 2018-05-26 03:37:23
- ព័ត៌មាន
Facebook និង Google ត្រូវរងពិន័យ ៨,៨ ពាន់លានដុល្លារ ក្រោយច្បាប់ថ្មីត្រូវអនុវត្តន៍
- 2018-05-26 03:37:23
- ចំនួនមតិ 0 | ចំនួនចែករំលែក 0
Facebook និង Google ត្រូវរងពិន័យ ៨,៨ ពាន់លានដុល្លារ ក្រោយច្បាប់ថ្មីត្រូវអនុវត្តន៍
ចន្លោះមិនឃើញ
ច្បាប់ថ្មីមួយឈ្មោះថា Europe’s General Data Protection Regulation (GDPR) ត្រូវបានអនុវត្តន៍កាលពីថ្ងៃម្សិលមិញនេះ។
នៅថ្ងៃដំបូងនៃការអនុវត្តក្រុមហ៊ុន Facebook និង Google ត្រូវរងផលប៉ះពាល់ពីច្បាប់នេះភ្លាម ដោយមានក្រុមហ៊ុនអូទ្រីសឈ្មោះ Max Schrems បានដាក់ពាក្ដបណ្ដឹងលើក្រុមហ៊ុនទាំងពីរ។ ពាក្យបណ្ដឹងរបស់ក្រុមហ៊ុននេះ មានបំណងចង់ពិន័យ Facebook ចំនួន ៣,៩ ពាន់លានអឺរ៉ូ និង Google ចំនួន ៣,៧ ពាន់លានអឺរ៉ូ (សរុបប្រមាណ ៨,៨ ពាន់លានដុល្លារ)។
ច្បាប់ GDPR តម្រូវឲ្យមានការព្រមព្រៀងច្បាស់លាស់ចំពោះទិន្នន័យផ្ទាល់ខ្លួនដែលក្រុមហ៊ុននីមួយៗប្រមូលពីអ្នកប្រើប្រាស់ ហើយច្បាប់នេះបានបង្ខំឲ្យក្រុមហ៊ុនធំៗជាច្រើនលើអ៊ីនធឺណិត ធ្វើការកែសម្រួលឡើងវិញនូវគោលការណ៍របស់ពួកគេ។
ទាំង Facebook និង Google បានបញ្ចេញគោលការណ៍ថ្មីដើម្បីសម្របតាមច្បាប់ GDPR នេះ ប៉ុន្តែក្រុមហ៊ុន Max Schrems បានប្រកែកថាគោលការណ៍ថ្មីទាំងនោះមិនទាន់ចំចំណុចនៅឡើយទេ។
គួរដឹងថាពាក្យបណ្ដឹងរបស់ Max Schrems មានបែងចែកចេញជាបួន ដោយមួយប្ដឹង Facebook និងមានពីរប្ដឹង Instagram និង WhatsApp (ជាផលិតផលរបស់ Facebook) និងពាក្យបណ្ដឹងទី ៤ ដាក់ប្ដឹង Google៕