យល់ដឹងការប្រើប្រាស់ Shutter Speed នៅលើកាមេរ៉ា

2018-05-25 02:55:22
ចំណេះដឹង

2018-05-25 02:55:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ការថតរូបទិដ្ឋភាព ត្រូវមានពន្លឺចូលរួម ហើយ Sensor របស់កាមេរ៉ាត្រូវការចំនួនពន្លឺមួយ ដើម្បីផលិត Exposure បានល្អ។ ក្នុងស្ថានភាពភ្លឺ ត្រូវការបន្ថយ Exposure ខណៈក្នុងស្ថានភាពងងឹត ត្រូវការបង្កើន Exposure វិញ។

Shutter speed អាចជួយដល់អ្នកថតរូប ប្រាកដថា Sensor របស់កាមេរ៉ាទទួលបានពន្លឺត្រឹមត្រូវ។

Shutter speed លឿន មានន័យថា Sensor ទទួលបានពន្លឺតិច ហើយ Shutter speed យឺត ទទួលបានពន្លឺកាន់តែច្រើន។

បង្កកចលនា

Shutter speed យឺត មានរយៈពេលចលនាកើតឡើងកាន់តែច្រើន អាចមកពីកាមេរ៉ារង្គើ, Subject មានចលនា ឬទាំងពីរស្ថានភាព កំឡុងពេល Exposure ដែលគួរជៀសវាង។

បើកាមេរ៉ារង្គើ នឹងធ្វើឲ្យទិដ្ឋភាពព្រាលមិនស្អាតនោះទេ ដែលគួរប្រើ Shutter speed តិចបំផុត ងាយស្រួលក្នុងការកាន់ថត ប្រហែល 1/30 sec តែអាស្រ័យលើ Focal length របស់ Lens ហើយថាតើកាមេរ៉ា ឬ Lens មានប្រព័ន្ធទប់លំនឹងរូបភាពដែរ ឬទេ។

ទោះប្រើ Shutter speed លឿនល្មម ដើម្បីបញ្ចៀសការរង្គើកាមេរ៉ា Subject នៅតែមានចលនា ហើយបើចង់បង្កក Subject មានចលនាទាំងស្រុង ត្រូវការប្រើ Shutter speed លឿនខ្លាំងដូចជា 1/500 sec, 1/1000 sec ឬ លឿនជាងនេះ។ នេះភាគច្រើនកើតឡើង ពេលថតរូបសកម្មភាពកីឡា។

ទិដ្ឋភាពព្រាលបែបច្នៃប្រឌិត

ពេលខ្លះទិដ្ឋភាពព្រាល អាចជួយពង្រឹងគុណភាពរូបភាពបានមួយបែបដែរ។ ឧទាហរណ៍ អ្នកថតរូបសកម្មភាពកីឡាមួយចំនួន ជ្រើសរើសល្បឿន Shutter speed យ៉ាងប្រយ័ត្នប្រយែង ដើម្បីរក្សាតួខ្លួនកីឡាករច្បាស់ តែបន្សល់ភាពព្រាលបរិវេណដៃ និងជើង ដើម្បីបង្កើតទិដ្ឋភាពល្បឿនគួរឲ្យចាប់អារម្មណ៍ ឬអាចថតអូសបណ្ដោយ ជាមួយល្បឿន Shutter speed លឿន ធ្វើឲ្យ Subject ច្បាស់ តែផ្ទៃខាងក្រោយព្រាលឆ្នូត។

ការថតរូបទេសភាព ប្រើប្រាស់ Shutter speed យឺតអាចប្រែទិដ្ឋភាពទឹកហូរព្រាលស្អាត ហើយរយៈពេល Exposure យូរ ប្រើថតរូបពេលយប់ អាចធ្វើឲ្យពពក និងចរាចរណ៍លើដងផ្លូវ ព្រាលឆ្នូតៗ តាមបណ្ដោយចលនាបានស្អាត។

ប្រើ Shutter speed ក្នុងវីដេអូ

Shutter speed ប្រើក្នុងវីដេអូ ជួយប្រាកដថាចលនាបានរលូនរវាង Frame នីមួយៗ ដោយអាស្រ័យលើល្បឿន Frame បានប្រើប្រាស់។ កម្រិត Frame rate 30fps មិនអាចប្រើ Shutter speed តិចជាង 1/30 sec បានទេ។ ហើយបើប្រើ Shutter speed លឿនខ្លាំង ដើម្បីគ្រប់គ្រងពន្លឺ ឬចង់បង្កកទិដ្ឋភាពមានចលនា នឹងទទួលបាន Effect ស្រមោលដាច់ៗ។

ដើម្បីទទួលបានលទ្ធផលល្អ គួរប្រើ Shutter speed នៅកម្រិតពីរដងនៃល្បឿន Frame rate។ បើ Frame rate ៣០fps គួរប្រើ Shutter speed 1/60 sec។

អ្នកថតវីដេអូជាច្រើនប្រើប្រាស់វិធីផ្សេង ដោយផ្លាស់ប្ដូរ Lens aperture setting ឬ ប្រើ ND (Neutral Density) filter ដើម្បីបន្ថយពន្លឺរត់កាត់ចូល Lens៕