- 2018-05-22 03:37:36
- ព័ត៌មាន
នៅថៃកំពុងល្បី App មួយ អាចជួលមិត្តប្រុសឬមិត្តស្រីតម្លៃចាប់ពី ៧៧ ដុល្លារ
- 2018-05-22 03:37:36
- ចំនួនមតិ 0 | ចំនួនចែករំលែក 0
នៅថៃកំពុងល្បី App មួយ អាចជួលមិត្តប្រុសឬមិត្តស្រីតម្លៃចាប់ពី ៧៧ ដុល្លារ
ចន្លោះមិនឃើញ
YouEx ជាកម្មវិធីស្មាតហ្វូនដែលកំពុងទទួលបានការចាប់អារម្មណ៍នៅក្នុងប្រទេសថៃ។ វាជាកម្មវិធីដែលអាចអនុញ្ញាតឲ្យអ្នកជួលមនុស្សស្រី ឬមនុស្សប្រុសណាត់ជួប ឬដើរលេងជាមួយបាន។ តម្លៃជួលគឺចាប់ផ្ដើមពី ៧៧ ដុល្លារ ដល់ ២៤៨ដុល្លារ។
បើយោងតាមសារព័ត៌មាន Coconut របស់ថៃ បានឲ្យដឹងថា YouEx បង្កើតឡើងរយៈពេល១ឆ្នាំមកហើយ តែទើបល្បីកាលពីពេលថ្មីៗនេះក្រោយពីមានទំព័រហ្វេសប៊ុកមួយ បានចែករំលែកនូវរូបថតផ្ទាំងពាណិជ្ជកម្មរបស់ YouEx។
ក្នុងរូបមានបុរសវ័យកណ្ដាលម្នាក់អង្គុយលើសាឡុងជាមួយនឹងស្រីស្អាត៣នាក់ រួចមានពាក្យមួយឃ្លាថា៖ "ជួលមិត្តភ័ក្ដិ។ YouEx"។
នៅក្នុងកម្មវិធី YouEx ក្រោយពីបានជ្រើសយកមិត្តស្រី ឬមិត្តប្រុសរួច អ្នកអាចរើសយកសកម្មភាពដែលចង់ធ្វើជាមួយពួកគេដូចជា ទៅញ៉ាំអាហារ ទៅមើលកុន ដើរផ្សារ ឬក៏អាចជួលសម្រាប់ការងារដើរបង្ហាញម៉ូដថែមទៀតផង។
មនុស្សមួយចំនួនទំនងជាគិតថានេះជាទង្វើពេស្យា តែយ៉ាងណាមិញ បើតាមគោលការណ៍របស់ YouEx បញ្ជាក់ថា វាមិនមែនជាការលក់ខ្លួនប្រាណនោះទេ តែជាការជួលមិត្តសម្រាប់ជជែក ឬដើរលេងជាមួយតែប៉ុណ្ណោះ។ បន្ថែមពីនេះ YouEx បញ្ជាក់ទៀតថា អ្នកដែលត្រូវគេជួល អាចរាយការណ៍ទៅក្រុមហ៊ុនបាន ប្រសិនបើអតិថិជនព្យាយាមបំពានខ្លួនប្រាណរបស់ពួកគេ៕
