ក្នុងរយៈពេល ២១ ឆ្នាំមកនេះ តើ Toyota Prius ប្រែប្រួលរូបរាងយ៉ាងម៉េចខ្លះ?

2018-05-18 09:34:43
ប្រវត្តិបច្ចេកវិទ្យា

2018-05-18 09:34:43
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រាន់តែឮឈ្មោះ Prius ភ្លាម ប្រជាជនកម្ពុជាភាគច្រើនប្រាកដស្គាល់អំពីរថយន្តកូនកាត់ដើរដោយថាមពលអាគុយ និងសាំង ដែលពេញនិយមជាងគេបំផុតនាពេលសព្វថ្ងៃនេះ។

ចាប់តាំងតែពី ពេលបង្ហាញខ្លួនដំបូងក្នុងឆ្នាំ ១៩៩៧ មក Toyota Prius បានកែប្រែរូបរាងចំនួន ៤ ដងរួចមកហើយ។ មិនត្រឹមតែមានការកែប្រែ រូបរាងខាងក្រៅឡើយ សូម្បីតែផ្នែកខាងក្នុង ម៉ាស៊ីន និងបច្ចេកវិទ្យារបស់រថយន្ត ក៏មានការអាប់ដេត ឲ្យកាន់តែទំនើបផងដែរ។

ខាងក្រោមនេះ ជារូបរាង និងបច្ចេកវិទ្យា របស់រថយន្ត Prius ទាំង ៤ ជំនាន់ តាំងតែពី ២១ឆ្នាំមុន មកដល់ពេលបច្ចុប្បន្ន៖

ជំនាន់ទី ១៖ ពីឆ្នាំ ១៩៩៧-២០០៣

រថយន្ត Prius ជំនាន់ដំបូងជាប្រភេទរថយន្តទាប មានទ្វារ ៤ ដើរដោយម៉ាស៊ីនប្រភេទ I មានស៊ីឡាំង ៤ ជាមួយនិងទំហំ ១,៥ លីត្រ។ វាជារថយន្តកូនកាត់សាំង និងអគ្គិសនី ដំបូងបំផុតរបស់ក្រុមហ៊ុន Toyota ។

ជំនាន់ទី ២៖ ពីឆ្នាំ ២០០៤-២០០៩

Prius ជំនាន់ទី ២ បានអភិវឌ្ឍមកជារថយន្ត មានទ្វារ ៥ ដោយឃ្លុបក្រោយបើកឡើងទៅលើជាប់នឹងកាប៊ីនអ្នកជិះក្រោយតែម្ដង។ វាដើរដោយម៉ាស៊ីនប្រភេទ I មានស៊ីឡាំង ៤ ជាមួយនិងទំហំ ១,៥ លីត្រ ប្រភេទកូនកាត់សាំង និងអគ្គិសនីដូចគ្នា។

ជំនាន់ទី ៣៖ ពីឆ្នាំ ២០១០-២០១៥

Prius ជំនាន់ទី ៣ នេះវិញបានអភិវឌ្ឍមកជារថយន្តប្រើម៉ាស៊ីនធំជាងមុនប្រភេទ I មានស៊ីឡាំង ៤ ជាមួយនិងទំហំ ១,៨ លីត្រ ប្រភេទកូនកាត់សាំង និងអគ្គិសនីដូចគ្នា។ វាមានទ្វារ ៥ ដោយឃ្លុបក្រោយបើកឡើងទៅលើដូចម៉ូដែលមុនដែរ។

ជំនាន់ទី ៤៖ ពីឆ្នាំ ២០១៦-បច្ចុប្បន្ន

ជំនាន់ចុងក្រោយបង្អស់នេះ ប្រើប្រាស់ម៉ាស៊ីនប្រភេទ I មានស៊ីឡាំង ៤ ជាមួយនិងទំហំ ១,៨ លីត្រ ប្រភេទកូនកាត់សាំង និងអគ្គិសនីដូចគ្នានឹងម៉ូដែលមុន តែមានរាងកាចជាប្រភេទស្ព័រតែម្ដង។ បើនិយាយចំពោះកម្រិតស៊ីសាំងចំពោះម៉ូដែល Prius Eco ឆ្នាំ ២០១៨ វិញរឹតតែអស្ចារ្យទៅទៀត ដោយវាប្រើសាំងត្រឹមតែ ៤,២ លីត្រតែប៉ុណ្ណោះ ក្នុង ១០០ គ.ម៕

ចុចអាន៖

ប្រភព៖ Wikipedia ប្រែសម្រួល៖ ផាត សុវត្ថិ