- 2018-05-18 04:20:15
- គន្លឹះ
៣ គន្លឹះជួយឡានឆាប់ត្រជាក់ ពេលមេឃក្ដៅខ្លាំង
- 2018-05-18 04:20:15
- ចំនួនមតិ 0 | ចំនួនចែករំលែក 0
៣ គន្លឹះជួយឡានឆាប់ត្រជាក់ ពេលមេឃក្ដៅខ្លាំង
ចន្លោះមិនឃើញ
ប៉ុន្មានថ្ងៃនេះមេឃត្រូវភ្លៀងក៏ភ្លៀងភ្លាម ពេលក្ដៅក៏ក្ដៅសឹងបែកមេឃ ដែលជាហេតុអ្នកធ្វើដំណើរតាមផ្លូវពិបាកនឹងទប់ទល់ រីឯអ្នកប្រើប្រាស់ឡាន ទោះបើកម៉ាស៊ីនត្រជាក់ខ្លាំងប៉ុណ្ណាក៏នៅតែមិនត្រជាក់ល្អ ចំណែកសាំងក៏ហូរច្រើនតាមកម្លាំងម៉ាស៊ីនត្រជាក់ដែរ។ Sabay នឹងលើកយក ៣គន្លឹះ សម្រាប់អ្នកប្រើឡាន អាចធ្វើឲ្យម៉ាស៊ីនត្រជាក់ធ្វើការបានល្អ៖
១. បង្ហើបបង្អួចឡានបន្តិចពេលចតរថយន្តក្រោមកម្ដៅថ្ងៃ
ចតឡានក្រោមកម្ដៅថ្ងៃយូរ ធ្វើឲ្យផ្នែកខាងក្នុងរថយន្តក្ដៅខ្លាំងដោយគ្មានខ្យល់ចេញចូល ហើយបើសីតុណ្ហភាពកាន់តែក្ដៅ អាចធ្វើឲ្យផ្ទុះកញ្ចក់បាន។ អ្នកគួរបង្ហើបបង្អួចបន្តិចឲ្យមានខ្យល់ចេញចូល (តែកុំធំពេក ប្រយ័ត្នគេគាស់ឡាន) ដើម្បីពេលបើកម៉ាស៊ីនត្រជាក់ ឡាននឹងឆាប់ត្រជាក់ជាងមុន។
២. បើកកញ្ចក់ឲ្យអស់ពេលបញ្ឆេះឡាន
បញ្ឆេះឡានរួចអ្នកត្រូវបើកកញ្ចក់ឲ្យអស់ បើកម៉ាស៊ីនត្រជាក់ ហើយជិះនៅលើផ្លូវមួយសន្ទុះដើម្បីឲ្យមានខ្យល់ចេញចូលក្នុង នោះកម្ដៅក្នុងរថយន្តនឹងឆាប់ថយចុះ ឡានប្រាកដជាឆាប់ត្រជាក់ជាងមុន។
៣. ពិនិត្យប្រព័ន្ធម៉ាស៊ីនត្រជាក់ទៀងទាត់
ទោះបីប្រើវិធីខាងលើ តែម៉ាស៊ីនត្រជាក់ដើរមិនស្រួលស្រាប់ អ្នកក៏នៅតែត្រូវបែកញើសជោកអាវដដែល។ គួរត្រួតពិនិត្យ និងថែទាំម៉ាស៊ីនត្រជាក់ឡានឲ្យទៀងទាត់ ពិសេសគឺយកទៅឲ្យអ្នកជំនាញមើល។
Ford ក៏មានកម្មពិសេសចាប់ផ្ដើមពីថ្ងៃនេះដល់ថ្ងៃ ៣០ មិថុនា ទាក់ទងនឹងម៉ាស៊ីនត្រជាក់ ដោយចំណាយត្រឹមតែ ៥០ដុល្លារ អ្នកនឹងទទួលបានការបូមយកហ្គាសចាស់ ការបឺតខ្យល់ និងសំណើមចេញពីប្រព័ន្ធម៉ាស៊ីនត្រជាក់ ត្រួតពិនិត្យប្រព័ន្ធម៉ាស៊ីនត្រជាក់ទូទៅ មើលការលេចធ្លាយម៉ាស៊ីនត្រជាក់ បញ្ចូលហ្គាសថ្មី និងប្រេងថ្មី ព្រមទាំងលាងសម្អាតម៉ាស៊ីនត្រជាក់។
ព័ត៌មានបន្ថែម ចូលទៅផេកហ្វេសប៊ុក Ford Cambodia ៕