មិនសរសើរមិនបាន អ្នកចេញប្លង់ស្ពានថ្នល់ប្លែកៗជុំវិញពិភពលោក

2018-05-17 01:52:55
ចំណេះដឹង

2018-05-17 01:52:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្លូវថ្នល់ធំទូលាយ មាំ និងស្អាត ផ្ដល់ភាពងាយស្រួលក្នុងការធ្វើដំណើរ ឬដឹកជញ្ជូនទៅកាន់ទីតាំងនានា។ រូបរាងផ្លូវថ្នល់ ជាធម្មតា មានសភាពត្រង់ស្មើ ឬខុសតិចតួច ទៅតាមស្ថានភាពដី។ តែការរចនាទាំងនេះ បន្ថែមចំណុចគួរឲ្យទាក់ទាញ។

ផ្លូវរូង Guoliang

ផ្លូវរូង Guoliang ស្ថិតនៅភ្នំ Taihang មានប្រវែងមិនវែងណាស់ណាទេ តែជាផ្លូវមានការចាប់អារម្មណ៍មួយដែរ ក្នុងប្រទេសចិន។ ផ្លូវរូងនេះ កាត់ចោះៗតាមរយៈថ្ម បើមើលពីចម្ងាយ អាចឃើញរថយន្តម្ដងឃើញ ម្ដងអត់តាមចន្លោះនីមួយៗ។

ការងារភាគច្រើនលើផ្លូវរូងនេះចេញពីអ្នកភូមិ ១៣ នាក់ ប្រើញញួរ និងឧបករណ៍ផ្សេងទៀត ជីករូងផ្លូវរយៈពេល ៥ ឆ្នាំ ដើម្បីងាយស្រួលឲ្យអ្នកភូមិ ស្គាល់ពិភពខាងក្រៅ។

ផ្លូវ Baldwin

ផ្អែកលើសៀវភៅបំបែកកំណត់ត្រាពិភពលោក ផ្លូវ Baldwin របស់ប្រទេសនូវែលហ្សេឡង់ ក្នុងកោះSouth Island នៃក្រុង Dunedin ជាផ្លូវចោតបំផុត មានជម្រាលប្រមាណ ១៩ ដឺក្រេ បានបង្កើនការចាប់អារម្មណ៍ពីអ្នកទេសចរណ៍ជាច្រើន។

ស្ពាន Storseisundet

ស្ពាន Storseisundet ជាស្ពានវែងជាងគេបំផុតក្នុងចំណោមស្ពាន ៨ ផ្សេងទៀតលើផ្លូវ Atlanterhavsveien (Atlantic Ocean Road ឬ Atlantic Road) នៃប្រទេស Norway មានលក្ខណៈកោងដូចទឹករលក។

Winston Churchill Avenue

ផ្លូវ Winston Churchill Avenue អាចឆ្លងចូលទៅកាន់ British Overseas Territory របស់ Gibraltar។ ផ្លូវនេះជាផ្លូវប្រសព្វជាមួយផ្លូវសំខាន់ នៅប្រលានយន្តហោះ Gibraltar International Airport។ ពេលយន្តហោះចុះចត ចរាចរណ៍ត្រូវបានបញ្ឈប់ ហើយអ្នកសម្រួលចរាចរណ៍នឹងឈរអន្តរាគមន៍ ការពារកុំឲ្យរថយន្តឆ្លងកាត់ ចំណាយពេលប្រហែល ២ ទៅ ៣ នាទី នៃការចុះចតមួយដងៗ។

ស្ពាន Nanpu

ស្ពាន Nanpu បានបង្កើតក្នុងឆ្នាំ ១៩៩០ ភ្ជាប់ពី Shanghai ទៅតំបន់ Pudong ថ្មី ដោយរថយន្តត្រូវធ្វើដំណើរពីរជុំ ចន្លោះពីស្ពាននិងផ្លូវ មុនពេលដល់ផ្លូវចេញ។

ផ្លូវភ្នំ Magnetic Hill

Magnetic Hill ស្ថិតនៅ Ladakh ជាតំបន់មួយក្នុងរដ្ឋ Jammu និង Kashmir ប្រទេសឥណ្ឌា។ ផ្លូវភ្នំនេះ ស្ថិតនៅលើផ្លូវសំខាន់ក្នុងតំបន់ គ្រប់គ្នាសុទ្ធនឹងឆ្លងកាត់។ ជម្រាលជុំវិញផ្លូវ បង្កើតជាលក្ខណៈបំភាន់មួយ ធ្វើឲ្យមើលទៅដូចរថយន្តកំពុងធ្វើដំណើរឡើងលើ តែតាមពិត កំពុងធ្វើដំណើរចុះក្រោម។

ផ្លូវ Trollstigen

Trollstigen ជាផ្លូវកាត់ខ្វាត់ខ្វែងតាមជ្រលងភ្នំស្ថិតនៅប្រទេស Norway ភាគខាងលិច។ បើមើលពីខាងលើ ផ្លូវមានសភាពជាខ្សែឆ្នូតមិនត្រង់ស្មើនោះទេ។ Trollstigen ត្រឹមអាចឆ្លងកាត់បានចន្លោះពីខែឧសភា ដល់ខែតុលា។ ផ្លូវនេះបង្កើតនៅឆ្នាំ ១៩៣០ មានរថយន្តធ្វើដំណើរលើផ្លូវនេះ ប្រមាណ ១៥០ ០០០ គ្រឿងរៀងរាល់ឆ្នាំ។

ផ្លូវ Hanshin Expressway

Hanshin Expressway ជាផ្លូវព័ន្ធជុំវិញរវាងក្រុង Osaka, Kyoto និង Kobe ក្នុងប្រទេសជប៉ុន ហើយ Osaka ជាក្រុងធំជាងគេ មានមនុស្សច្រើន ចំណុចនេះមានផ្លូវចេញមួយពី Expressway (ផ្លូវឆ្លងកាត់រហ័ស) តាមរយៈអាគារ Gate Tower Building ស្ថិតនៅជាន់ទី ៣។

ផ្លូវ Civic Musical

ផ្លូវ Civic Musical ប្រើស្នាមឆ្នូតៗ មានជម្រៅ និងគម្លាតខុសគ្នា បង្កើតជាបទភ្លេងមួយ ដូច្នេះពេលរថយន្តបានបើកឆ្លងកាត់ នឹងលឺសំឡេង។

ផ្លូវ Nordschleife

Nordschleife ជាផ្លូវប្រណាំងមួយក្នុងប្រទេសអាល្លឺម៉ង់ ប្រើប្រាស់ក្នុងព្រឹត្តិការណ៍ប្រកួតនានា រួមទាំង Formula On ហើយក៏ត្រូវបានប្រើប្រាស់សម្រាប់ការសាកល្បងរថយន្ត និងអ្នកផលិតរថយន្តផ្សព្វផ្សាយម៉ូដែលថ្មីៗផងដែរ។