- 2018-05-17 23:28:00
- គន្លឹះ
អាចឆែកដឹងភ្លាម ទោះបីប្រភពរូបលើទូរសព្ទក៏ដោយ
- 2018-05-17 23:28:00
- ចំនួនមតិ 0 | ចំនួនចែករំលែក 0
អាចឆែកដឹងភ្លាម ទោះបីប្រភពរូបលើទូរសព្ទក៏ដោយ
ចន្លោះមិនឃើញ
Search engine ភាគច្រើនផ្ដល់មុខងារនេះ ងាយស្រួលស្រាវជ្រាវរកប្រភពរូបភាពបានប្រើប្រាស់។ សម្រាប់ Google ពេលប្រើលើកុំព្យូទ័រ ចូលទៅកាន់វេបសាយ images.google.com រួចចុចលើ icon រូបកាមេរ៉ា ហើយចម្លង URL រូបភាពបានឃើញពី Online ឬ Upload រូបភាពផ្ទាល់ពី Hard drive។
ចុះចំណែកការប្រើប្រាស់លើទូរសព្ទ
អ្នកមិនអាចស្រាវជ្រាវប្រភពរូបភាព ដោយប្រើកម្មវិធី Google ឬតាមវេបសាយ images.google.com លើ Browser ទូរសព្ទដូចជា Safari ឬ Chrome នោះទេ ដោយនឹងមិនឃើញមាន icon រូបកាមេរ៉ាសម្រាប់ Upload រូបភាពស្វែងរកនោះឡើយ។
តែកម្មវិធី Chrome browser សម្រាប់ iOS និង Android អាចប្រើមុខងារនេះបាន ដោយពេលឃើញរូបភាពណាមួយ ចុចឲ្យជាប់លើរូប នឹងឃើញបញ្ជីជម្រើសជាច្រើន ចុចលើ Search Google for This Image នៅខាងក្រោម ហើយលទ្ធផលប្រភពនឹងបង្ហាញ។ វិធីនេះមិនដំណើរការលើកម្មវិធី Google ឬ Browser ផ្សេងនោះទេ។
មួយទៀតអាចប្រើវេបសាយ reverse.photos ដោយគ្រាន់តែ Upload រូបភាពពីស្មាតហ្វូន បន្ទាប់មកនឹងឃើញលទ្ធផល។
Bing
Bing របស់ Microsoft មាន icon រូបកាមេរ៉ាក្បែរនឹងប្រអប់ស្រាវជ្រាវនៅវេបសាយ www.bing.com/images។ ពេលចុចប្រើលើ Desktop នឹងមានជម្រើសដាក់ URL រូបភាព ឬ Upload រូបភាពផ្ទាល់ពីកុំព្យូទ័រ ដូចនឹងវិធី Google ប្រើលើ Desktop ដែរ។
ពេលចុចប្រើលើ Mobile browser នឹងមានជម្រើស Snap or upload a pic to search for similar images រួមជាមួយសារបញ្ជាក់ថា Microsoft អាចប្រហែលប្រើរូបភាពអ្នក ដើម្បីពង្រឹងសេវាខ្លួន។
ពេលចុច Continue នឹងមានជម្រើសថតរូប Upload រូបភាពពី Photo library ឬទាញរូបភាពពីសេវាផ្សេង ដូចជា OneDrive, Dropbox ឬ Google Drive រួចជ្រើសរើស នឹងបង្ហាញលទ្ធផល។
កម្មវិធី Bing ជំនាន់ចុងក្រោយ (iOS និង Android) មានមុខងារស្រាវជ្រាវរូបភាព icon រូបកាមេរ៉ាក្នុងប្រអប់ស្រាវជ្រាវ ដោយប្រើកាមេរ៉ា រូបភាពលើស្មាតហ្វូន ឬសូម្បីតែលេខ Barcode។
គេក៏អាចប្រើ Search Engine ផ្សេងដូចជា TinEye អាចស្រាវជ្រាវដោយប្រើ URL, Upload រូបភាពផ្ទាល់លើកុំព្យូទ័រ។ លើទូរសព្ទ គ្រាន់តែចុច icon Upload នឹងមានជម្រើសថតរូប ឬប្រើរូបភាពពី Library ឬ Upload ពីសេវាផ្សេង។ អាចប្រើបាន ១៥០ ដង ក្នុងមួយសប្ដាហ៍ បើច្រើនជាងនេះត្រូវចំណាយថវិកាចាប់ពី ២០០ ដុល្លារ សម្រាប់ការប្រើ ៥ ០០០ ដង រយៈពេល ២ ឆ្នាំ។
កម្មវិធីសម្រាប់ស្រាវជ្រាវប្រើរូបភាព
Veracity អាចប្រើបានឥតគិតថ្លៃលើ iOS តែបើមិនចង់ឃើញផ្ទាំងពាណិជ្ជកម្ម ចំណាយ ២.៩៩ ដុល្លារ។
Search by Image អាចប្រើបានឥតគិតថ្លៃលើ Android អាចកែប្រែរូបភាពមុនពេល Upload ហើយទទួលលទ្ធផលពី Google, TinEye និង Yandex។
Reversee អាចប្រើបានឥតគិតថ្លៃលើ iOS ដោយបញ្ជូនរូបភាពដោយផ្ទាល់ចូលក្នុង Database រូបភាព Google ស្រាវជ្រាវរករូបស្រដៀងគ្នា បើប្រើជំនាន់ Pro ចំណាយ ៣.៩៩ ដុល្លារ អាចទាញលទ្ធផលពី Bing និង Yandex៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ
