- 2018-05-15 03:30:00
- ព័ត៌មាន
មុខងារសម្ងាត់ ៧ យ៉ាងអ្នកប្រើ Apple Watch តិចណាស់ដែលដឹង
- 2018-05-15 03:30:00
- ចំនួនមតិ 0 | ចំនួនចែករំលែក 0
មុខងារសម្ងាត់ ៧ យ៉ាងអ្នកប្រើ Apple Watch តិចណាស់ដែលដឹង
ចន្លោះមិនឃើញ
មិនថានាឡិកាឆ្លាតវៃ Apple Watch ក៏មានមុខងារបង្កប់សំខាន់ជាច្រើន ដូចដែលមានលើទូរសព្ទ iPhone។ ប៉ុន្តែមានមនុស្សតិចណាស់ដែលបានដឹងនិងសិក្សាពីការប្រើប្រាស់មុខងារទាំងនោះ ដូចនេះហើយ Sabay ណែនាំឲ្យស្គាល់ពីរឿងរ៉ាវសម្ងាត់ទាំង ៧ យ៉ាងដែលអ្នកអាចធ្វើបាននៅលើនាឡិកាតម្លៃរាប់រយដុល្លារ។
១.ការ Screenshot:
ជាទូទៅលើ iPhone អ្នកអាចធ្វើបានដោយមិនកំណត់អ្វីទាំងអស់ ខុសពី Apple Watch អ្នកប្រើប្រាស់ត្រូវចូលទៅកាន់កម្មវិធី Watch លើទូរសព្ទ រើសយក General ត្រង់មុខងារ Screenshot សូមធ្វើការ Enable។ បន្ទាប់មកលើនាឡិកាអ្នកគ្រាន់ចុចព្រមគ្នានូវប៊ូតុង Power និង Digital Crown ដើម្បីដំណើរការ Screenshot (ការថតអេក្រង់)។
២.List View:
ការដាក់ផ្ទៃកម្មវិធីឲ្យលោតជារាងរង្វង់ សម្រាប់មតិខ្លះគិតថាស្មុគស្មាញ នោះអ្នកក៏អាចផ្លាស់ប្តូរបាន ដោយសង្កត់ឲ្យជាប់ (មុខងារ Force Touch) លើអេក្រង់នៃនាឡិកា រួចរើសយក List View (អាចត្រលប់មកធម្មតាវិញដោយរើសយក Grid View)។
៣.Soft Reset:
អំឡុងពេលម៉ាស៊ីនដំណើរការយឺតខុសប្រក្រតី ជៀសវាងឈានដល់ការ Hard Reset អ្នកអាច Soft Reset ជំនួសបាន ដោយគ្រាប់សង្កត់ប៊ូតុង Power និង Digital Crown ព្រមគ្នារហូតដល់អេក្រង់ងងឹត ប៉ុន្មានវិនាទីក្រោយនឹងឃើញរូប Apple លោតចេញមកវិញ។
៤.Theather Mode:
អំឡុងពេលក្នុងបន្ទប់ប្រជុំឬរោងភាពយន្ត ហើយមិនចង់ឲ្យមានពន្លឺរំខាន ពេលអ្នកលើកដៃ នោះគ្រាន់តែចូលទៅបើកមុខងារ Theater Mode។ អូសផ្នែកអេក្រង់មកលើ ដើម្បីចូលផ្ទាំង Control Center រើសយករូបមុខមនុស្សរីករាយនិងពិបាកចិត្ត (ដូចរូបភាពបង្ហាញ)។
៥.Save Power:
ប្រសិននាឡិកាជិតអស់ថ្ម អ្នកអាចសន្សំសំចៃថាមពលតាមរយៈមុខងារ Power Reserve ដោយចូលទៅផ្ទៃ Control Center > ចុចលើភាគរយថ្ម រើសយក Reserve Power ហើយចុច Proceed។
៦.បើកពិល:
មិនខុសពី iPhone ប្រភេទនាឡិកាក៏អាចបើកពិលបានដូចគ្នា ប៉ុន្តែពន្លឺមិនចាំងខ្លាំងប៉ុន្មាននោះទេ។ អ្នកចូលទៅផ្ទៃ Control Center រើសយករូប Flashlight ជាការស្រេច។
៧.ស្វែងរកទូរសព្ទ:
ធ្វើបាននៅពេលឧបករណ៍ទាំងពីរអាចភ្ជាប់ Bluetooth បាន ពោលគឺ iPhone ដែលបាត់ស្ថិតនៅទីតាំងក្បែរគ្នា ដូចជាបន្ទប់ក្នុងគេហដ្ឋានជាដើម។ ចូលទៅផ្ទៃ Control Center រើសយករូបសញ្ញាទូរសព្ទ ភ្លាមនោះទូរសព្ទនឹងបន្លឺសំឡេង ទោះស្ថិតក្នុងមុខងារសំឡេងរោទ៍ក៏ដោយ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: