- 2018-05-14 02:06:38
- ព័ត៌មាន
AI ពិតមិនធម្មតា! អាចជួយកាមេរ៉ា ក្រោមស្ថានភាពងងឹតបាន
- 2018-05-14 02:06:38
- ចំនួនមតិ 0 | ចំនួនចែករំលែក 0
AI ពិតមិនធម្មតា! អាចជួយកាមេរ៉ា ក្រោមស្ថានភាពងងឹតបាន
ចន្លោះមិនឃើញ
រូបភាពងងឹត ឬខ្វះពន្លឺ ជាតុល្យភាពមួយរវាងភាពព្រាល និង Noise ហើយ Artificial Intelligence អាចជួយចំណុចនេះបាន។
អ្នកស្រាវជ្រាវពីសកលវិទ្យាល័យ illinois បានបង្វឹកកម្មវិធីមួយ ដើម្បី Process រូបភាពមានកម្រិត Noise ទាប នៅក្នុងបន្ទប់ងងឹតមានទានត្រឹមមួយដើម។
ដោយប្រើកម្មវិធីគ្រប់គ្រងកាមេរ៉ាពីចម្ងាយ ក្រុមការងារបានប្រើរូបភាពជាមួយ Long exposure ពី ១០ ទៅ ៣០ និងរូបភាពទីពីរជាមួយ Short exposure ពី 0.១ ទៅ ០.០៣ ដែលមានលក្ខណៈងងឹតស្ទើរតែទាំងស្រុង។
ក្រោយអនុវត្តវិធីដំណើរការនេះដដែលៗ ៥០០០ ដងផ្សេងគ្នា ខ្លះប្រើជាមួយ Sony a7S II និងខ្លះប្រើជាមួយ Fujifilm X-T2 បន្ទាប់មកអ្នកស្រាវជ្រាវបានប្រើរូបភាពមួយគូៗ ដើម្បីបង្វឹក Neural network។ រូបភាពត្រូវបានផ្ដាច់ប្រភេទពណ៌ចេញពីគ្នា, លុបបំបាត់ចំណុចពណ៌ខ្មៅ និងកាត់បន្ថយ Resolution។
Algorithm បានបង្កើតពីសំណុំទិន្នន័យ ពេលបានប្រើទិន្នន័យ RAW sensor ដែលបានបង្កើតរូបភាពភ្លឺជាងមុន ដោយមាន Noise តិចបើប្រៀបនឹងវិធីដទៃ។ ជាលទ្ធផលមាន White balance ត្រឹមត្រូវជាងវិធីបច្ចុប្បន្ន។
វិធីនេះអាចជួយដល់កាមេរ៉ាស្មាតហ្វូន DSLR និង Mirrorless មានលទ្ធផលកាន់តែល្អប្រសើរពេលថតក្រោមស្ថានភាពងងឹត ហើយវីដេអូក៏អាចទាញប្រយោជន៍ពីនេះបានដែរ៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ