• 2018-05-11 04:28:38
  • ព័ត៌មាន

ត្បិត​កាយសម្បទា​មិន​ល្អ បុរស​ម្នាក់​តស៊ូ​បើក​របរ​ចិញ្ចឹម​ជីវិត​ខ្លួន​ឯង មិន​ខ្ចី​ដើរ​សុំទាន​គេ

  • 2018-05-11 04:28:38
  • ចំនួនមតិ 0 | ចំនួនចែករំលែក 0

ចន្លោះមិនឃើញ

កំពុង​អង្គុយ​​ដៃ​កាន់​កូន​កាំបិត​សម្អាត​គ្រឿង​ម៉ូតូ និង​ជួស​ជុល​លោក ណាម តាក់ ប្រកប​របរ​ជាង ១០ឆ្នាំ​មក​ហើយ។

ទាំង​ដៃ​​កំពុង​តែ​ជួស​ជុល​ម៉ូតូ​ឲ្យ​ភ្ញៀវ លោក​បាន​រៀបរាប់​ពី​ជីវិត​មុន​ពេល​ក្លាយ​ជា​ជាង​ម៉ូតូ​ដូច​សព្វ​ថ្ងៃ​នេះ​ថា ក្រោយ​ពី​ត្រូវ​ភ្លើង​ឆេះ​កាល​លោក​មិន​ទាន់​ដឹង​ក្ដី និង​ធ្វើ​ឲ្យ​រាង​កាយ​របស់​លោក​មាន​ស្លាម​ស្នាម ដៃ​មាន​បញ្ហា​ត្រូវ​កាត់​ម្រាម​ចេញ​មួយ​ចំនួន មិន​អាច​កាន់​របស់​របរ​អ្វី​បាន​ស្រួល​ដូច​គេ​ឯង។

បើ​ទោះបី​ជីវិត​លោក​រស់​នៅ​ក្នុង​វត្ត និង​តាម​អង្គការ​ដោយ​សារ​គ្រួសារ​ពុំ​មាន​លទ្ធភាព​ចិញ្ចឹម​ក៏​ដោយ នៅ​ក្នុង​អំឡុង​ឆ្នាំ ២០០១ លោក​បាន​រស់​នៅ​ជា​មួយ​អង្គការ​មួយ​នៅ​ម្ដុំ​មន្ទីរពេទ្យកៀន​ឃ្លាំង។

ដោយ​មិនចង់រស់នៅក្រោមការ​គ្រប់គ្រង​របស់គេ ​លោក​ក៏​សម្រេច​ចិត្ត​ចាក​ចេញ និង​រក​មុខ​របរ​​ចិញ្ចឹម​ជីវិត​ដោយ​ខ្លួន​ឯង។

ក្រោយ​ពេល​ចាកចេញ​ពី​អង្គការ​នេះ​ លោក​បាន​សម្រេច​ចិត្ត​រៀន​ជំនាញ​ជាង​ម៉ូតូ​។ បន្ទាប់​ពី​រៀន​ជំនាញ​​ផ្នែក​ជាង​ម៉ូតូ​បាន​ជិត​ពីរ​ខែ លោក​បាន​ចង់​ការ​លុយ​គេ​ចំនួន ៣០០ ដុល្លារ ទិញ​ធុង​ខ្យល់​ និង​ឧបករណ៍​​ប៉ះ​ម៉ូតូ​នៅ​ម្ដុំ​រង្វង់​មូល​ជ្រោយចង្វា និង​បន្ត​រៀន​​ជំនាញ​ជាង​ម៉ូតូ​បន្ថែម​នៅ​ថ្ងៃ​សៅរ៍ អាទិត្យ។

ប៉ះ​កង​ម៉ូតូ​រាល់​ថ្ងៃ និង​រៀន​បន្ថែម​បណ្ដើរ​លោក ណាម តាក់ ចេះ​ធ្វើ​ម៉ូតូ​បាន​ច្រើន​និង​អាច​រើ​គ្រឿង​ម៉ាស៊ីន​ម៉ូតូ​បាន។ បើ​ទោះបី​ជា​រក​ចំណូល​បាន​បន្តិច​បន្តួច​ពី ២ ទៅ ៣​ម៉ីន​ក្នុង​មួយ​ថ្ងៃ​លោក​ប្រាប់​ថា​មិន​បាន​ចំណាយ​លើ​អ្វី​ច្រើន​ទេ​ព្រោះ​ម្ចាស់​ដី​មិន​បាន​យក​ថ្លៃ​ឈ្នួល ថែម​ទាំង​ផ្ដល់​បាយ​មួយ​ពេល​ក្នុង​មួយ​ថ្ងៃ​សម្រាប់​គ្រួសារ​​លោក​ផង​ដែរ។

បើ​ទោះ​ជា​ត្រូវ​ជួប​ការ​លំបាក​ច្រើន​ពេល​ធ្វើ​ម៉ូតូ​ពិបាក​កាន់​សោ​មាន​កម្លាំង​មិន​សូវ​គ្រប់ និង​ត្រូវ​ភ្ញាក់​ពី​ព្រលឹម​ម៉ោង ៦ និង​ត្រូវ​ធ្វើ​រហូត​ដល់​ម៉ោង ១០ ឬ ១១ យប់​ ក៏​លោក​ប្រាប់​ថា​មិន​ដើរ​សុំ​ទាន​គេ ទោះ​បីរក​បាន​តិច​ឬ​ច្រើន​វា​ជា​របរ​សុចរិត​ដែល​សង្គម​មិន​ស្អប់ខ្ពើម៕

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

ចុចងានបន្ត៖

អត្ថបទ៖ ម៉េងងី

មតិយោបល់