ធ្លាយរឿងTrump ឈ្នះឆ្នោតប្រធានាធិបតីអាមេរិក ដោយសារមានក្រុមហ៊ុនមួយនៅពីក្រោយ

2018-03-20 02:18:14
ព័ត៌មាន

2018-03-20 02:18:14
ចំនួនមតិ 0 | ចំនួនចែករំលែក 0

ចន្លោះមិនឃើញ

Cambridge Analytica ជាក្រុមហ៊ុនវិភាគទិន្នន័យមួយមានមូលដ្ឋាននៅចក្រភពអង់គ្លេស ដែលមានក្រុមហ៊ុនមេឈ្មោះ Strategic Communication Laboratories (SCL)។ Cambridge Analytica ប្រមូលទិន្នន័យពីប្រភពជាច្រើនលើបណ្ដាញអ៊ីនធឺណិត រួចប្រើប្រាស់កម្មវិធីកុំព្យូទ័រប្រមើលមើលឥរិយាបថអ្នកបោះឆ្នោត ដែលជួយដល់ការផ្សព្វផ្សាយចំគោលដៅ។

Facebook លើកឡើងថា ក្រុមហ៊ុន Cambridge Analytica បានទទួលទិន្នន័យអ្នកប្រើប្រាស់ពី Aleksandr Kogan ជាគ្រូបង្រៀននៅសកលវិទ្យាល័យ Cambridge។ លោក Kogan បានបង្កើតកម្មវិធីមួយឈ្មោះ thisisyourdigitallife បានព្យាករណ៍បុគ្គលិកលក្ខណៈអ្នកប្រើប្រាស់ ខណៈហៅខ្លួនឯងថាជា Tool ស្រាវជ្រាវទាក់ទងនឹងចិត្តសាស្ត្រ។

កម្មវិធីនេះបានស្នើអ្នកប្រើប្រាស់ Login ចូលដោយប្រើគណនី Facebook។ ដំណើរការ Login បានស្នើចូលប្រើប្រាស់ព័ត៌មានមួយចំនួនដូចជាទីតាំង សេវាកម្មចំណូលចិត្ត និងទិន្នន័យមិត្តភក្ដិផងដែរ។

Facebook បន្តទៀតថា លោក Kogan បានបញ្ជូនទិន្នន័យអ្នកប្រើប្រាស់ទៅកាន់ Cambridge Analytica ដោយគ្មានការអនុញ្ញាត ដែលបានបំពាននឹងច្បាប់របស់បណ្ដាញសង្គម។

យ៉ាងណាមិញ លោកបានបដិសេធផ្ដល់ព័ត៌មានលម្អិតទាក់ទងនឹងបញ្ហានេះ ត្រឹមថាកម្មវិធីព្យាករណ៍បុគ្គលិកលក្ខណៈរបស់លោកជាកម្មវិធីស្តង់ដារ។ បើតាមវេបសាយ The New York Times។

ចុះមានអ្វីទាក់ទងនឹងលោក Trump?

លោក Trump បានជួលក្រុមហ៊ុន Cambridge Analytica ដើម្បីដំណើរការ និងទទួលបានទិន្នន័យ កំឡុងពេលបោះឆ្នោតឆ្នាំ ២០១៦ ដែលមានលោក Steve Bannon ជាអនុប្រធានក្រុមប្រឹក្សាភិបាលរបស់ក្រុមហ៊ុន Cambridge Analytica។ បច្ចុប្បន្ន លោកបានក្លាយជាប្រធានអ្នករៀបចំយុទ្ធសាស្ត្ររបស់លោក Trump។

ក្រុមហ៊ុនបានជួយដល់យុទ្ធនាការឃោសនាបោះឆ្នោតចំគោលដៅអ្នកគាំទ្រដូចជា តិចនិកទំនាក់ទំនង អ្វីដែលត្រូវបញ្ចូលក្នុងសារទៅកាន់អ្នកគាំទ្រ។

វីដេអូ៖

"Cambridge Analytica used surveys and a number of other tactics to exploit the loophole in the Facebook API that allowed them to extract data from the social network," @DanPatterson said CBSN. https://t.co/218zPalXGu pic.twitter.com/WEbp2DZ2lO
— CBS News (@CBSNews) March 17, 2018

ហេតុអ្វីបានជា Facebook បិទក្រុមហ៊ុន Cambridge Analytica ពីសេវាកម្មខ្លួន?

ក្រុមហ៊ុន Cambridge Analytica បានបញ្ជាក់ថា ខ្លួនបានលុបព័ត៌មានទាំងនោះអស់ហើយ។ តែ Facebook បានទទួលរបាយការណ៍ថា រាល់ទិន្នន័យអ្នកប្រើប្រាស់ទាំងអស់ មិនទាន់បានលុបចោលអស់ទាំងស្រុងនោះទេ។

លោក Kogan មានទិន្នន័យអ្នកប្រើប្រាស់ប្រមាណ ២៧០ ០០០ នាក់ ហើយតាមរយៈទិន្នន័យនេះ ក៏អាចឲ្យលោកប្រមូលទិន្នន័យមិត្តភក្ដិបន្តបន្ទាប់ ដែលសរុបមានជាង ៥០ លានគណនីអ្នកប្រើ Facebook។ ពេលអ្នក Login ចូលកម្មវិធីណាមួយដោយប្រើគណនី Facebook នោះ Developer អាចស្នើចូលប្រើព័ត៌មានក្នុងបណ្ដាញសង្គមអ្នកបាន មានឈ្មោះ អាសយដ្ឋាន ទីតាំង និងទិន្នន័យមិត្តភក្ដិអ្នក។

ដល់ឆ្នាំ ២០១៥ Facebook បានបញ្ឈប់ការចូលប្រើទិន្នន័យរបស់មិត្តភក្ដិ។ Facebook លើកឡើងថា Developers មិនអាចចែករំលែកព័ត៌មាន ពួកគេទទួលបានជាមួយក្រុមហ៊ុនផ្សេងបានទេ។ នោះហើយជាបញ្ហាកើតមានជាមួយ Kogan និង Cambridge Analytica៕