នៅសិង្ហបុរីខ្សត់ណាស់រថយន្តមួយទឹក តែបើថ្មីគ្មានក្រោម ៥ មុឺនដុល្លារ

2018-02-19 03:26:43
ព័ត៌មាន

2018-02-19 03:26:43
ចំនួនមតិ 0 | ចំនួនចែករំលែក 0

ចន្លោះមិនឃើញ

សិង្ហបុរីត្រូវបានគេស្គាល់ថាជាប្រទេសមួយក្នុងពិភពលោក ដែលប្រជាជនត្រូវចំណាយលុយក្រាស់ក្រែលបំផុតក្នុងការទិញរថយន្តផ្ទាល់ខ្លួន។ សឹងតែគ្មានពពួករថយន្តមួយតឹក ដោយប្រទេសអ្នកមានក្នុងតំបន់អាស៊ីមួយនេះ ច្រើនលក់តែរថយន្តថ្មី ហើយតម្លៃគ្មានក្រោម ៥ មុឺនដុល្លារ។

Sabay ណែនាំឲ្យស្គាល់រថយន្ត ៥ ម៉ូឌែល មានតម្លៃធូរថ្លៃបំផុត គិតត្រឹមឆ្នាំ ២០១៧។

១.Mitsubishi Space Star ថ្លៃ ៧៦ ៩៩៩ ដុល្លារ:

តម្លៃខ្ពស់ជាងត្រកូល Mazda 2 ប្រហែល ៥ ពាន់ដុល្លារ ជំនាន់ក្រោយនៃក្រុមហ៊ុន Mitsubishi មួយនេះ រចនានូវតួខ្លួនតូចល្មម ងាយស្រួលក្នុងការបើកបរនៅទីក្រុង ដែល ១ លីត្រស៊ី ២៣.៧ គីឡូម៉ែត្រ។

២.Chery J3 Coupe ថ្លៃ ៧៥ ៩៩៩ ដុល្លារ:

ផលិតដោយក្រុមហ៊ុនចិន ប្រភេទរថយន្តទ្វារបួនមួយនេះ អាចផ្ទុកអ្នកដំណើរវ័យជំទង់ ៥ នាក់បានយ៉ាងទូលាយ ដោយ ១០០ គីឡូម៉ែត្រ ស៊ី ៨.៩ លីត្រ។ បំពាក់នូវម៉ាស៊ីន Four-cylinder ចំណុះ ១.៦ លីត្រ ស្របពេលក្នុងតួរថយន្តបំពាក់កៅអីស្រោបដោយស្បែកយ៉ាងប្រណីត, មានពងសុវត្ថិភាព ៦ និងឧបករណ៍បំពងសំឡេង (Speaker) ៦ គ្រាប់ ប្រើក្បាលចាក់ CD។

៣.Mitsubishi Attrage ថ្លៃ ៧៥ ៩៩៩ ដុល្លារ:

ខុសពីម៉ូដែលខាងលើ ត្រកូលរថយន្តជប៉ុនមួយនេះ មានប្រើប្រាស់ចង្កឹះលេខស្វ័យប្រវត្តិ ដោយកម្រិតស៊ីសាំង ១ លីត្រ ជិះបាន ២០.៤ គីឡូម៉ែត្រ។ ម៉ាស៊ីន Three-cylinder ផលិតកម្លាំងបាន ១ ១៩៣ សេសេ ស្ទុះពី ០ ទៅ ១០០ គ.ម/ម៉ ប្រើពេល ១៣.៣ វិនាទី និងមានល្បឿនអតិបរមា ១៧៤ គ.ម/ម៉។

៤.Perodua Bezza ថ្លៃ ៦៨ ៨០០ ដុល្លារ:

ថ្វីបើជារថយន្តផលិតក្នុងប្រទេសម៉ាឡេស៊ីក៏ពិតមែន ប៉ុន្តែត្រកូល Bezza នៅរក្សាតម្លៃរាងខ្ពស់ដដែល មានលក់ទាំងប្រភេទប្រើចង្កឹះលេខដៃ ៥ វគ្គ និងថែម ២ ពាន់ដុល្លារយកចង្កឹះលេខស្វ័យប្រវត្តិ ៤ វគ្គ។ រត់ដោយកង់ខាងមុខ ប្រភេទរថយន្តទ្វារបួនម៉ូឌែលនេះ កម្រិតស៊ីសាំង ២២.៨ គ.ម/លីត្រ។

៥.Perodua Axia ថ្លៃ ៦៥ ៨០០ ដុល្លារ:

គិតត្រឹមចុងឆ្នាំ ២០១៧ ម៉ូឌែលមួយនេះ ត្រូវបានគេស្គាល់ជារថយន្តធូរថ្លៃបំផុតក្នុងប្រទេសសិង្ហបុរី ដោយថោកជាងខ្ទង់ ១១ ០០០ ដុល្លារធៀបនឹង Mitsubishi Space Star។ បើអ្នកសម្រេចចិត្តពេញចិត្តពពួកចង្កឹះលេខស្វ័យប្រវត្តិ ថ្លៃដល់ ៦៧ ៨០០ ដុល្លារ។

ប្រភព: https://dollarsandsense.sg/cars-in-2017-these-are-5-cheapest-cars-you-can-buy-in-singapore-right-now/